Actress Ramya: ಮುದ್ದು ಅಜ್ಜಿಯಂದಿರಿಗೆ ಸ್ಯಾಂಡಲ್​ವುಡ್ ಕ್ವೀನ್ ರಮ್ಯಾ ಸ್ಪೆಷಲ್ ಮೆಸೇಜ್

ಸ್ಯಾಂಡಲ್​ವುಡ್ ಕ್ವೀನ್ ರಮ್ಯಾ ಇತ್ತೀಚೆಗೆ ವೀಕೆಂಡ್ ವಿತ್ ರಮೇಶ್ ಕಾರ್ಯಕ್ರಮದಲ್ಲಿ ಭಾಗಿಯಾಗಿ ಮಾತನಾಡಿದ್ದಾರೆ. ನಟಿ ಶೋನಲ್ಲಿ ಹೆಚ್ಚು ಇಂಗ್ಲಿಷ್ ಮಾತನಾಡಿದ ವಿಚಾರವಾಗಿ ಸಾಕಷ್ಟು ಟೀಕೆ ವ್ಯಕ್ತಪಡಿಸಿದ್ದಾರೆ.

ನಟಿ ಕನ್ನಡದವರಾಗಿದ್ದು, ಕನ್ನಡ ಸಿನಿಮಾ ಮಾಡಿ, ಕನ್ನಡ ರಿಯಾಲಿಟಿ ಶೋನಲ್ಲಿ ಇಂಗ್ಲಿಷ್ ಮಾತನಾಡಿದ್ದಾರೆ ಎಂದು ಜನರು ಆರೋಪಿಸಿದ್ದರು. ಈ ಸುದ್ದಿ ಎಲ್ಲೆಡೆ ವೈರಲ್ ಆಗಿ ಟ್ರೋಲ್ ಕೂಡಾ ಆಗಿದೆ.

ಇದೇನಿದು, ವೀಕೆಂಡ್ ವಿತ್ ರಮೇಶ್ ಹೋಗಿ, ವೀಕೆಂಡ್ ವಿತ್ ಇಂಗ್ಲಿಷ್ ಆಗಿದೆ ಎಂದಿದ್ದಾರೆ ನಟ್ಟಿಗರು. ಸ್ವಲ್ಪ ಹೆಚ್ಚು ಕನ್ನಡ ಮಾತನಾಡಿ ಎಂದೇ ನೆಟ್ಟಿಗರು ರಮ್ಯಾ ಅವರನ್ನು ಟ್ರೋಲ್ ಮಾಡಿದ್ದಾರೆ.

ನಮ್ಮ ಅಜ್ಜಿಗೆ ರಮ್ಯಾ ಗೊತ್ತು, ಆದರೆ ಇಂಗ್ಲಿಷ್ ಗೊತ್ತಿಲ್ಲ. ಹಾಗಾಗಿ ಅವರು ಟಿವಿ ಆಫ್ ಮಾಡಿ ಹೋಗಿ ಮಲಗಿದರು ಎಂದು ನೆಟ್ಟಿಗರು ಟ್ರೋಲ್ ಮಾಡಿದ್ದಾರೆ. ಈ ಸುದ್ದಿ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.

ಈಗ ನಟಿ ರಮ್ಯಾ ಅವರು ಪ್ರತಿಕ್ರಿಯಿಸಿದ್ದಾರೆ ಎನ್ನಲಾಗಿರುವ ಸ್ಕ್ರೀನ್ ಶಾಟ್ ಒಂದು ವೈರಲ್ ಆಗಿದೆ. ನಟಿ ತಾವು ಇಂಗ್ಲಿಷ್ ಮಾತನಾಡಿದ್ದಕ್ಕೆ ಟ್ರೋಲ್ ಮಾಡಿದ ನೆಟ್ಟಿಗರಿಗೆ ಸ್ಪಷ್ಟನೆ ಕೊಟ್ಟಿದ್ದಾರೆ ಎನ್ನಲಾಗಿದೆ. ಇದರ ಸ್ಕ್ರೀನ್ ಶಾಟ್ ಇನ್​ಸ್ಟಾಗ್ರಾಮ್​ನಲ್ಲಿ ಓಡಾಡುತ್ತಿದೆ.

ಶೋ ಹೆಸರು ವೀಕೆಂಡ್ ವಿತ್ ರಮೇಶ್. ಸುಮ್ನೆ ಹೇಳ್ತಿದ್ದೀನಷ್ಟೆ. ಅತಿಥಿಗಳು ಕನ್ನಡಿಗರಾಗಿರುವುದಿಲ್ಲ. ಹಾಗಾಗಿ ಅವರಂತೆ ಆ ಫ್ಲೋ ಕಾಪಾಡಿದೆ ಅಷ್ಟೆ. ಎಲ್ಲ ಮುದ್ದಿನ ಅಜ್ಜಿಯಂದಿರಿಗಾಗಿ ಮುಂದಿನ ಶೋ ಫುಲ್ ಕನ್ನಡ. ನಾವೆಲ್ಲರೂ ಪ್ರೀತಿ ಹಾಗೂ ಕರುಣೆಯ ಭಾಷೆ ಮಾತನಾಡಬಾರದೇಕೆ ಎಂದು ಬರೆದಿದ್ದಾರೆ ನಟಿ.

ನಟಿ ರಮ್ಯಾ ಅವರು ವೀಕೆಂಡ್ ವಿತ್ ರಮೇಶ್​ನಲ್ಲಿ ಭಾಗಿಯಾಗಿ ಹಲವಾರು ವಿಚಾರಗಳ ಬಗ್ಗೆ ಮಾತನಾಡಿದ್ದಾರೆ. ತಮ್ಮ ಸಿನಿಮಾ ಜರ್ನಿ, ಬಾಲ್ಯ, ರಾಜಕೀಯದ ದಿನಗಳ ಬಗ್ಗೆ ಮಾತನಾಡಿದ್ದಾರೆ. ಈ ಎಪಿಸೋಡ್ ವಿಶೇಷವಾಗಿತ್ತು.

ನಟಿ ರಮ್ಯಾ ಅವರ ಬಾಲ್ಯದ ಟೀಚರ್, ಅವರ ಸ್ನೇಹಿತರು ಕೂಡಾ ಕಾರ್ಯಕ್ರಮಕ್ಕೆ ಬಂದಿದ್ದರು. ನಟಿ ಈ ಸಂದರ್ಭ ಇಲ್ಲಿವರೆಗೂ ತಿಳಿಸದ ಕೆಲವು ಅಪರೂಪದ ವಿಚಾರಗಳನ್ನು ಕೂಡಾ ರಿವೀಲ್ ಮಾಡಿದ್ದಾರೆ.