ಸೀರೆಯುಟ್ಟು ಹಾಟ್​ ಲುಕ್​ನಲ್ಲಿ ಪೋಸ್​ ಕೊಟ್ಟ ನಟಿ Ragini Dwivedi

ಸ್ಯಾಂಡಲ್​ವುಡ್​ನಲ್ಲಿ ತುಪ್ಪದ ಬೆಡಗಿ ಎಂದೇ ಖ್ಯಾತರಾಗಿರುವ ರಾಗಿಣಿ ದ್ವಿವೇದಿ ಸಾಮಾಜಿಕ ಜಾಲತಾಣದಲ್ಲಿ ಸಿಕ್ಕಾಪಟ್ಟೆ ಸಕ್ರಿಯವಾಗಿದ್ದಾರೆ. ಅಲ್ಲದೆ ತಮ್ಮ ಯೂಟ್ಯೂಬ್​ನಲ್ಲೂ ತಮ್ಮ ಕುರಿತಾದ ಹಾಗೂ ಅಡುಗೆ ವಿಡಿಯೋಗಳನ್ನು ನಟಿ ಆಗಾಗ ಹಂಚಿಕೊಳ್ಳುತ್ತಿರುತ್ತಾರೆ. 

ಸಿನಿಮಾಗಳಲ್ಲಿ ನಾಯಕಿಯಾಗಿ ಹಾಗೂ ಬೇರೆ ಸಿನಿಮಾಗಳಲ್ಲಿ ವಿಶೇಷ ಹಾಡಿಗೆ ಹೆಜ್ಜೆ ಹಾಕುತ್ತಿರುವ ರಾಗಿಣಿ ಈಗ  ಪ್ಯಾನ್​ ಇಂಡಿಯಾ ಸಿನಿಮಾವೊಂದರಲ್ಲಿ ನಟಿಸುತ್ತಿದ್ದಾರೆ. 

ಸಿನಿಮಾಗಳ ಜೊತೆಗೆ ಫೋಟೋಶೂಟ್​ಗಳಲ್ಲೂ ಬ್ಯುಸಿಯಾಗಿರುವ ರಾಗಿಣಿ ದ್ವಿವೇದಿ ಅವರು ಹೆಚ್ಚಾಗಿ ತುಂಡುಡುಗೆ ತೊಟ್ಟೇ ಕ್ಯಾಮೆರಾಗೆ ಪೋಸ್​ ಕೊಡುತ್ತಿರುತ್ತಾರೆ.

ಆದರೆ, ಈ ಸಲ ರಾಗಿಣಿ ದ್ವಿವೇದಿ ಅವರು ಸೀರೆಯುಟ್ಟು ಸಖತ್​ ಹಾಟ್​ ಹಾಗೂ ಕ್ಲಾಸಿ ಲುಕ್​ನಲ್ಲಿ ಕಾಣಿಸಿಕೊಂಡಿದ್ದಾರೆ. ಅವರ ಈ ಹೊಸ ಫೋಟೋಶೂಟ್​ನ ಚಿತ್ರಗಳು ಸೋಶಿಯಲ್​ ಮೀಡಿಯಾದಲ್ಲಿ ಹರಿದಾಡುತ್ತಿವೆ.

ಮಾದಕ ವಸ್ತು ಪ್ರಕರಣದಲ್ಲಿ ಜೈಲಿಗೆ ಹೋಗಿದ್ದ ರಾಗಿಣಿ ದ್ವಿವೇದಿ ಅವರು ಮನೆಗೆ ಮರಳಿದಾಗಿನಿಂದ ಸಕಾರಾತ್ಮಕವಾಗಿ ಯೋಚಿಸುತ್ತಲೇ ತಮ್ಮ ಜೀವನ ನಡೆಸುತ್ತಿದ್ದಾರೆ. ಸಹಜ ಜೀವನಕ್ಕೆ ಮರಳಿರುವ ನಟಿ ಈಗ ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದಾರೆ.

ರಾಗಿಣಿ ದ್ವಿವೇದಿ ಅವರ ಕೈಯಲ್ಲಿ ಮೂನಾಲ್ಕು ಚಿತ್ರಗಳಿವೆ. ಒಂದರಲ್ಲಿ ನಾಯಕಿಯಾಗಿ, ಒಂದರಲ್ಲಿ ಅತಿಥಿ ಪಾತ್ರದಲ್ಲಿ ಹಾಗೂ ಮತ್ತೊಂದು ಚಿತ್ರದಲ್ಲಿ ಐಟಂ ಹಾಡಿಗೆ ಹೆಜ್ಜೆ ಹಾಕುತ್ತಿದ್ದಾರೆ ಈ ತುಪ್ಪದ ಬೆಡಗಿ.

ಕನ್ನಡ, ಹಿಂದಿ ಹಾಗೂ ಇಂಗ್ಲಿಷ್​ನಲ್ಲಿ ಸಿದ್ಧಗೊಳ್ಳಲಿರುವ ಸಾರಿ-ಕರ್ಮ ರಿಟರ್ನ್ಸ್​ ಸಿನಿಮಾವನ್ನು ಕಿಸ್​ ಇಂಟರ್​ನ್ಯಾಷನಲ್​ (KISS International) ಬ್ಯಾನರ್​ ಅಡಿ ನಿರ್ಮಾಣವಾಗುತ್ತಿದೆ. ಇನ್ನು, ಈ ಚಿತ್ರದಲ್ಲಿ ರಾಗಿಣಿ ಎರಡು ಶೇಡ್​ಗಳಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.

ಸಾರಿ:ಕರ್ಮ ರಿಟರ್ನ್ಸ್​ ಸಿನಿಮಾದ ಮುಹೂರ್ತ ನೆರವೇರಿದ್ದು, ಬ್ರಹ್ಮ ಎಂಬುವರು ಇದರ ನಿರ್ದೇಶನ ಮಾಡುತ್ತಿದ್ದಾರೆ. ಈ ಚಿತ್ರ ಆ್ಯಕ್ಷನ್​, ಕ್ರೈಂ ಥ್ರಿಲ್ಲರ್ ಕಥಾಹಂದರ ಹೊಂದಿದೆ. ಸಾರಿ-ಕರ್ಮ ರಿಟರ್ನ್ಸ್​ ಸಿನಿಮಾದ ಜೊತೆಗೆ ರಾಗಿಣಿ ದ್ವಿವೇದಿ ರಾಣಾ ಸಿನಿಮಾದ ವಿಶೇಷ ಹಾಡಿನಲ್ಲಿ ಹೆಜ್ಜೆ ಹಾಕಲಿದ್ದಾರೆ. ಇದರ ಜೊತೆಗೆ ಕರ್ವ 3, ಹಾಗೂ ಜಾನಿ ವಾಕರ್​ ಸಿನಿಮಾಗಳೂ ಇವೆ.