Radhika Pandit: ಬರ್ತ್​ಡೇ ದಿನ ಮನೆಯಲ್ಲಿರಲ್ಲ ರಾಧಿಕಾ! ಸ್ವಲ್ಪ ದೂರ ಹೋಗ್ತಿದ್ದೀನಿ ಎಂದ ನಟಿ

ಸ್ಯಾಂಡಲ್​ವುಡ್ ನಟಿ ರಾಧಿಕಾ ಪಂಡಿತ್ ಅವರು ಮಾರ್ಚ್ 7ರಂದು ಬರ್ತ್​ಡೇ ಆಚರಿಸಿಕೊಳ್ಳಲಿದ್ದಾರೆ. ಕನ್ನಡ ಪ್ರೇಕ್ಷಕರ ನೆಚ್ಚಿನ ನಟಿ ಈ ಕುರಿತು ಒಂದು ಪೋಸ್ಟ್ ಶೇರ್ ಮಾಡಿದ್ದಾರೆ.

ರಾಧಿಕಾ ಪಂಡಿತ್ 38ನೇ ವರ್ಷದ ಬರ್ತ್​ಡೇ ಸಂಭ್ರಮದಲ್ಲಿದ್ದಾರೆ. ಆದರೆ ಈ ಬಾರಿ ನಟಿ ಬರ್ತ್​ಡೇ ಸಂದರ್ಭ ತಮ್ಮ ಮನೆಯಲ್ಲಿ ಇರುವುದಿಲ್ಲ. ಇದರ ಬಗ್ಗೆ ಸ್ವತಃ ನಟಿಯೇ ತಿಳಿಸಿದ್ದಾರೆ.

ಈ ಕುರಿತು ನಟಿ ಬರ್ತ್​ಡೇಗೂ ಮೊದಲ ದಿನವೇ ಪೋಸ್ಟ್ ಹಾಕಿ ಅಭಿಮಾನಿಗಳಿಗೆ ಮಾಹಿತಿ ಕೊಟ್ಟಿದ್ದಾರೆ. ಮೊದಲ ಬಾರಿ ನಟಿ ಮನೆಯಿಂದ ದೂರ ಇರಲಿದ್ದಾರೆ.

ಮೊದಲ ಬಾರಿಗೆ ನನ್ನ ಬರ್ತ್​ಡೇಗೆ ಮನೆಯಿಂದ ದೂರ ಇರಲಿದ್ದೇನೆ. ನನ್ನ ಪ್ರೀತಿಯ ಅಭಿಮಾನಿಗಳಿಗೆ ಇದು ನಿರಾಸೆ ಆಗಬಹುದೆಂದು ಗೊತ್ತು. ಹಾಗಾಗಿ ಇಲ್ಲೊಂದು ಆ್ಯಕ್ಟಿವಿಟಿ ಇಡುತ್ತೇನೆ. ಈ ಮೂಲಕ ನಾವು ನಾಳೆ ಸಂಪರ್ಕದಲ್ಲಿರಬಹುದು ಎಂದಿದ್ದಾರೆ.

ನಟಿ ರಾಧಿಕಾ ಪಂಡಿತ್ ಅವರು ಇತ್ತೀಚೆಗೆ ಪತಿ ಯಶ್ ಬರ್ತ್​ಡೇ ಸಂದರ್ಭ ಕುಟುಂಬ ಸಮೇತರಾಗಿ ದುಬೈಗೆ ತೆರಳಿದ್ದಾರೆ. ಪುಟ್ಟ ಮಕ್ಕಳೊಂದಿಗೆ ವೆಕೇಷನ್ ಎಂಜಾಯ್ ಮಾಡಿದ್ದರು.

ತಮ್ಮ ಮಗಳು ಹಾಗೂ ಮಗನೊಂದಿಗೆ ಬ್ಯುಸಿಯಾಗಿರುವ ನಟಿಯನ್ನು ಮತ್ತೆ ತೆರೆಯ ಮೇಲೆ ನೋಡಲು ಅಭಿಮಾನಿಗಳು ಕಾಯುತ್ತಿದ್ದಾರೆ. ಆದರೆ ಅವರು ಯಾವಾಗ ಸಿನಿಮಾ ಮಾಡುತ್ತಾರೆ ಎನ್ನುವ ಬಗ್ಗೆ ಇನ್ನೂ ಯಾವುದೇ ಅಪ್ಡೇಟ್ ಇಲ್ಲ.

ನಟಿ ರಾಧಿಕಾ ಅವರು ಯಶ್ ಅವರ ಜೊತೆ ಪ್ರವಾಸ ತೆರಳಿದ ಫೋಟೋ ಹಾಗೂ ವಿಡಿಯೋಗಳನ್ನು ಶೇರ್ ಮಾಡುತ್ತಲೇ ಇರುತ್ತಾರೆ. ಮಕ್ಕಳ ಫೋಟೋಸ್ ಕೂಡಾ ಶೇರ್ ಮಾಡುತ್ತಾರೆ.