ಶ್ರೀಲಕ್ಷ್ಮೀ ವೃಷಾದ್ರಿ ಪ್ರೊಡಕ್ಷನ್ ಲಾಂಛನದಡಿ ಮೂಡಿ ಬಂದಿರುವ ಈ ಸಿನಿಮಾ ರಾಧಿಕಾ ಕೆರಿಯರ್ನ ಬಿಗ್ ಹಿಟ್ ಸಾಲಿಗೆ ಸೇರಲಿದೆ ಎಂಬ ಮಾತುಗಳು ಗಾಂಧಿನಗರದಲ್ಲಿದೆ. ಈ ಬಗ್ಗೆ ಮಾತನಾಡಿದ ರಾಧಿಕಾ...
ಸಿನಿರಂಗಕ್ಕೆ ಕಂಬ್ಯಾಕ್ ಮಾಡಿದ ಬಳಿಕ ವಿಭಿನ್ನ ಪಾತ್ರ ಮಾಡಬೇಕೆಂಬ ಆಸೆಯಿತ್ತು. ಈ ದಮಯಂತಿ ಟೀಸರ್ ನೋಡಿದ ಬಳಿಕ ಖುಷಿಯಾಗಿದ್ದೇನೆ.
ನಿರ್ದೇಶಕರು ವಿಭಿನ್ನ ಪಾತ್ರವನ್ನು ಸೃಷ್ಟಿಸಿದ್ದರು. ಸ್ಥಳದಲ್ಲೇ ಡೈಲಾಗ್ಗಳನ್ನು ನೀಡುತ್ತಿದ್ದರಿಂದ ಕೆಲ ಮಾತುಗಳಿಗೆ ನಾಲಿಗೆ ಹೊರಳುತ್ತಿರಲಿಲ್ಲ.
ಪ್ರತಿದಿನ ಪಾತ್ರಕ್ಕಾಗಿ 4 ಗಂಟೆಗಳ ಮೇಕಪ್ ಮಾಡಬೇಕಿತ್ತು. ಇದಕ್ಕಾಗಿಯೇ ಮುಂಬೈಯಿಂದ ಮೇಕಪ್ಮ್ಯಾನ್ರನ್ನು ಕರೆಸಿದ್ದರು.
ಇಂತಹದೊಂದು ಗೆಟಪ್ನಲ್ಲಿ ಹಾಗೂ ಡೈಲಾಗ್ ಹೇಳುವ ಪಾತ್ರದಲ್ಲಿ ನಾನು ಈ ಹಿಂದೆ ಯಾವುದೇ ಚಿತ್ರದಲ್ಲಿ ಕಾಣಿಸಿರಲಿಲ್ಲ.
ಇನ್ನು ರಾಧಿಕಾ ಅಭಿನಯದ ಭೈರಾದೇವಿ ಚಿತ್ರ ಕೂಡ ಚಿತ್ರೀಕರಣ ನಡೆಯುತ್ತಿದ್ದು, ಇದಕ್ಕೂ ದಮಯಂತಿ ಚಿತ್ರದ ಕಥೆಗೂ ಯಾವುದೇ ಸಂಬಂಧವಿಲ್ಲ.
ದಮಯಂತಿ ಚಿತ್ರಕ್ಕೆ ಗಣೇಶ್ ನಾರಾಯಣ್ ಅವರ ಸಂಗೀತ ನೀಡಿದ್ದು , ಮಾಸ್ತಿ ಸಂಭಾಷಣೆ ಬರೆದಿದ್ದಾರೆ. ಹಾಗೆಯೇ ಮಹೇಶ್ ಸಂಕಲನ, ಪಿ.ಕೆ.ಎಚ್.ದಾಸ್ ಅವರ ಕ್ಯಾಮೆರಾ ಕೈಚಳಕವಿದೆ.
ಮಿತ್ರ, ತಬಲಾ ನಾಣಿ, ಸಾಧುಕೋಕಿಲ, ಮಜಾ ಟಾಕೀಸ್ ಖ್ಯಾತಿಯ ಪವನ್, ವೀಣಾ ಸುಂದರ್, ಹೊನ್ನವಳ್ಳಿ ಕೃಷ್ಣ, ಕೆಂಪೇಗೌಡ, ಗಿರಿ, ಶರತ್, ರಾಜ್ ಬಲ್ವಾಡಿ, ನವೀನ್ ಕೃಷ್ಣ, ಅನುಷಾ ರೈ, ಶರಣ್, ಬೇಬಿ ಲಲನಾ ಮುಂತಾದವರು ಈ ಸಿನಿಮಾದಲ್ಲಿ ರಾಧಿಕಾ ಅವರೊಂದಿಗೆ ಬಣ್ಣ ಹಚ್ಚಿದ್ದಾರೆ.
ಇನ್ನು ಟೀಸರ್ ನೋಡಿದ ಅಪಾರ ಮೆಚ್ಚುಗೆ ವ್ಯಕ್ತಪಡಿಸಿದ ರಾಧಿಕಾ ಕುಮಾರಸ್ವಾಮಿ, ಖುದ್ದು ಅವರೇ ಅಚ್ಚರಿಗೊಂಡಿರುವುದಾಗಿ ತಿಳಿಸಿದ್ದಾರೆ.
ಏಕೆಂದರೆ ನನ್ನ ಪಾತ್ರವು ಆ ಮಟ್ಟಿಗೆ ಭಯಾನಕವಾಗಿದೆ. ಹೀಗಾಗಿ ಚಿತ್ರ ನೋಡಿ ಮಗಳು ಹತ್ತಿರ ಬರಲ್ಲ ಅನಿಸಲು ಆರಂಭಿಸಿದೆ ಎಂದು ರಾಧಿಕಾ ತಿಳಿಸಿದರು.
