Actress Pragathi: ನನಗೂ ಸಂಗಾತಿ ಬೇಕು ಎಂದ 46 ವರ್ಷದ ನಟಿ! ಎಲ್ಲವೂ ಪವಿತ್ರಾ ಪ್ರಭಾವ ಎಂದ ನೆಟ್ಟಿಗರು

ತೆಲುಗಿನ ನಟಿ ಪ್ರಗತಿ ಮರುಮದುವೆಗೆ ಮುಂದಾಗಿದ್ದಾರೆ ಎಂಬ ಸುದ್ದಿಯೊಂದು ವೈರಲ್ ಆಗಿದೆ. ನಟಿ ನನಗೂ ಸಂಗಾತಿ ಬೇಕು ಎಂದು ಹೇಳಿದ್ದಾಗಿ ಸೋಷಿಯಲ್ ಮಿಡಿಯಾದಲ್ಲಿ ಸುದ್ದಿಯಾಗಿತ್ತು.

ಪವಿತ್ರಾ ಲೋಕೇಶ್ ಹಾಗೂ ನರೇಶ್ ಕಿಸ್ಸಿಂಗ್ ವಿಡಿಯೋ ವೈರಲ್ ಆದ ಬೆನ್ನಲ್ಲೇ ನಟಿ ತಾವು ಕೂಡಾ ಮದುವೆಯಾಗಬೇಕೆಂದು ಹೇಳಿದ್ದು ಎಲ್ಲೆಡೆ ಸುದ್ದಿಯಾಗಿದೆ.

ಆದರೆ ಈ ಬಗ್ಗೆ ಪ್ರತಿಕ್ರಿಯಿಸಿರುವ ಪ್ರಗತಿ ಅವರು ನನಗೆ ಈಗ 47 ವರ್ಷ. ಮರುಮದುವೆ ವಿಚಾರ ಎಂದೂ ನನ್ನ ಮನಸ್ಸಿನಲ್ಲಿ ಇರಲಿಲ್ಲ ಎಂದು ಹೆಳಿದ್ದಾರೆ. ನಾನು ಇಲ್ಲಿಯವರೆಗೆ ಒಂಟಿಯಾಗಿದ್ದೆ. ಹಲವಾರು ಸಮಸ್ಯೆಗಳನ್ನು ಎದುರಿಸಿದ್ದೇನೆ. ಅವುಗಳನ್ನು ನಿವಾರಿಸಿದ್ದೇನೆ ಎಂದಿದ್ದಾರೆ.

ನನಗೆ ಈಗ ಜೀವನ ಸಂಗಾತಿಯ ಅಗತ್ಯವಿಲ್ಲ. ನಾನು ಸಂಗಾತಿಗಾಗಿ ಹುಡುಕುತ್ತಿಲ್ಲ. ನನ್ನ ಆದ್ಯತೆ ನನ್ನ ಫಿಟ್ನೆಸ್, ವೃತ್ತಿ ಮತ್ತು ನನ್ನ ಮಕ್ಕಳು ಎಂದಿದ್ದಾರೆ.

ಪ್ರಗತಿ ಪ್ರಸ್ತುತ ಚಿರಂಜೀವಿ, ತಮನ್ನಾ ಮತ್ತು ಕೀರ್ತಿ ಸುರೇಶ್ ಅಭಿನಯದ ತೆಲುಗು ಚಿತ್ರ 'ಭೋಲಾ ಶಂಕರ್' ನಲ್ಲಿ ನಟಿಸುತ್ತಿದ್ದಾರೆ. ತಮಿಳಿನಲ್ಲಿ ಅವರು ಶೀಘ್ರದಲ್ಲೇ ಪ್ರಭುದೇವ ಅಭಿನಯದ 'ಭಗೀರಾ' ಚಿತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.

ಪ್ರಗತಿ 1994 ರಲ್ಲಿ ಬಿಡುಗಡೆಯಾದ ಕೆ ಭಾಗ್ಯರಾಜ್ ನಿರ್ದೇಶನದ ತಮಿಳಿನ 'ವೀಟ್ಲ ವಿಶೇಷಾಂಗ' ಚಿತ್ರದ ಮೂಲಕ ನಾಯಕಿಯಾಗಿ ಪಾದಾರ್ಪಣೆ ಮಾಡಿದರು.

ನಂತರ ಅವರು ವಿಜಯಕಾಂತ್ ಅಭಿನಯದ 'ಪೆರಿಯಮರುಡು' ಸೇರಿದಂತೆ ಹಲವಾರು ಚಿತ್ರಗಳಲ್ಲಿ ನಾಯಕಿಯಾಗಿ ನಟಿಸಿದ್ದಾರೆ. ಪ್ರಸ್ತುತ ಪೋಷಕ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ.

ಅಕ್ಕ ಮತ್ತು ತಾಯಿಯ ಪಾತ್ರಗಳನ್ನು ಮಾಡುತ್ತಿದ್ದಾರೆ ಪ್ರಗತಿ. ಟಿವಿ ಸೀರಿಯಲ್​ಗಳಲ್ಲಿ ನಟಿಸುವ ಮೂಲಕ ಅವರು ವೃತ್ತಿ ಜೀವನದಲ್ಲಿ ಫುಲ್ ಬ್ಯುಸಿಯಾಗಿದ್ದಾರೆ.

ಅವರ ವೈಯಕ್ತಿಕ ಜೀವನದ ಬಗ್ಗೆ ಹೇಳುವುದಾದರೆ ಪ್ರಗತಿ ಅವರು ಇಪ್ಪತ್ತರ ಹರೆಯದ ಸಾಫ್ಟ್‌ವೇರ್ ಇಂಜಿನಿಯರ್ ಅನ್ನು ವಿವಾಹವಾದರು. ದಂಪತಿಗೆ ಇಬ್ಬರು ಮಕ್ಕಳಿದ್ದಾರೆ. ಕೆಲವು ವರ್ಷಗಳ ನಂತರ ಅವರು ಭಿನ್ನಾಭಿಪ್ರಾಯಗಳಿಂದಾಗಿ ತನ್ನ ಪತಿಗೆ ವಿಚ್ಛೇದನ ನೀಡಿದರು.