Jr NTR: ಜೂನಿಯರ್ ಎನ್​ಟಿಆರ್ ಎಂದೂ ನನ್ನ ಜೊತೆ ಕೆಟ್ಟದಾಗಿ ವರ್ತಿಸಿಲ್ಲ! ಸೌತ್ ನಟರನ್ನು ಹೊಗಳಿದ ನಟಿ

ಬಹುಭಾಷಾ ನಟಿ ಪಾಯಲ್ ಘೋಷ್ ನಿರ್ದೇಶಕ ಅನುರಾಗ್ ಕಶ್ಯಪ್ ವಿರುದ್ಧ ಮೀಟೂ ಆರೋಪ ಮಾಡಿದಾಗ ದೊಡ್ಡಮಟ್ಟದಲ್ಲಿ ಸುದ್ದಿಯಾಗಿದ್ದರು.

ನಿರ್ದೇಶಕ ಪ್ರಾಜೆಕ್ಟ್ ಬಗ್ಗೆ ಚರ್ಚಿಸಲು ಕರೆದು ತನ್ನ ಮೇಲೆ ಬಲವಂತವಾಗಿ ಅತ್ಯಾಚಾರ ಮಾಡಲು ಪ್ರಯತ್ನಿಸಿದ್ದಾಗಿ ನಟಿ ಆರೋಪಿಸಿದ್ದರು.

ಆದರೆ ಅನುರಾಗ್ ಕಶ್ಯಪ್ ಇದನ್ನು ನಿರಾಕರಿಸಿದ್ದಾರೆ. ಈಗ ನಟಿ ಹಳೆಯ ಡಿಲೀಟ್ ಮಾಡಿದ್ದ ಟ್ವೀಟ್ ಶೇರ್ ಮಾಡಿದ್ದಾರೆ. ಇದೇ ವಿಷಯವಾಗಿ ನಟಿ ಮುಕ್ತವಾಗಿ ಟ್ವೀಟ್ ಮಾಡಿದ್ದನ್ನು ನೆನಪಿಸಿಕೊಂಡಿದ್ದಾರೆ.

ಅನುರಾಗ್ ಕಶ್ಯಪ್ ಮಾತಾಡುವಾಗ ಜೂನಿಯರ್ ಎನ್​ಟಿಆರ್ ಹೆಸರು ತೆಗೆದುಕೊಂಡಿದ್ದರು ಎಂದು ನಟಿ ಟ್ವೀಟ್​ನಲ್ಲಿ ಹೇಳಿದ್ದಾರೆ. ಮಾತುಕತೆಯಲ್ಲಿ ಜೂನಿಯರ್ ಎನ್​ಟಿಆರ್ ಜೊತೆ ಸಂಬಂಧ ಹೊಂದಿದ್ದಿ ಎಂದು ಪಾಯಲ್​ಗೆ ಅನುರಾಗ್ ಆರೋಪಿಸಿದ್ದರು.

ಇದಕ್ಕೆ ಉತ್ತರಿಸಿದ ನಟಿ ಜೂನಿಯರ್ ಎನ್​ಟಿಆರ್​ಗೆ ಹೆಣ್ಮಕ್ಕಳನ್ನು ಗೌರವಿಸಲು ಗೊತ್ತು. ಅವರು ಜಂಟಲ್​ಮ್ಯಾನ್. ನಾನು ಅವರ ದೊಡ್ಡ ಅಭಿಮಾನಿ ಎಂದು ಹೇಳಿದ್ದಾರೆ.

ನರೇಂದ್ರ ಮೋದಿ, ಅಮಿತ್ ಶಾ, ರಾಮ್​ದಾಸ್ ಅವರನ್ನು ಟ್ಯಾಗ್ ಮಾಡಿದ ನಟಿ ನಾನು ಈ ಮೊದಲು ಕೂಡಾ ಟ್ವೀಟ್ ಮಾಡಲು ಯತ್ನಿಸಿದಾಗ ತನ್ನನ್ನು ಸೈಲೆನ್ಸ್ ಮಾಡಲಾಯಿತು ಎಂದು ಆರೋಪ ಮಾಡಿದ್ದಾರೆ.

ಅನುರಾಗ್ ಕಶ್ಯಪ್ ವಿರುದ್ಧ ವರ್ಸೋವಾ ಪೊಲೀಸ್ ಸ್ಟೇಷನ್​ನಲ್ಲಿ ಪಾಯಲ್ ದೂರು ನೀಡಿದ್ದಾರೆ. ಎಫ್​ಐಆರ್ ಕೂಡಾ ದಾಖಲಿಸಲಾಗಿತ್ತು. ಅನುರಾಗ್ ಅವರನ್ನು ಈ ವಿಚಾರವಾಗಿ ವಿಚಾರಣೆ ಮಾಡಲಾಗಿತ್ತು.