Nayanthara: ಪತಿ ಜೊತೆ ಹೊಸ ಬ್ಯುಸಿನೆಸ್ ಶುರು ಮಾಡಿದ ನಯನತಾರಾ! ನಟನೆಗೆ ಹೇಳ್ತಾರಾ ಗುಡ್ ಬೈ?

ಬಾಲಿವುಡ್ ನಟ ಶಾರುಖ್ ಖಾನ್ ಜೊತೆ ನಯನತಾರಾ ಜವಾನ್ ಸಿನಿಮಾ ಮಾಡುತ್ತಿದ್ದಾರೆ. ಈ ನಡುವೆ ನಯನತಾರಾ ಬಗ್ಗೆ ಮತ್ತೊಂದು ಸುದ್ದಿ ಹೊರಬಿದ್ದಿದೆ. ನಯನತಾರಾ ಚಿತ್ರಮಂದಿರ ಖರೀದಿ ಮಾಡಿದ್ದಾರೆ ಎನ್ನಲಾಗಿದೆ. ಈ ಮೂಲಕ ನಯನತಾರಾ ದಂಪತಿ ಥಿಯೇಟರ್ ಬ್ಯುಸಿನೆಸ್​ಗೆ ಎಂಟ್ರಿ ಕೊಟ್ಟಿದ್ದಾರೆ.

ನಯನಾತಾರ ಹಾಗೂ ಪತಿ ವಿಘ್ನೇಶ್ ಶಿವನ್ ಜೊತೆಯಾಗಿ ಉತ್ತರ ಚೆನ್ನೈನಲ್ಲಿರುವ ಹಳೆಯ ಅಗಸ್ತ್ಯ ಥಿಯೇಟರ್ ಖರೀದಿಸಿದ್ದು, ಇದು ಲೇಡಿ ಸೂಪರ್ ಸ್ಟಾರ್ ಚೆನ್ನೈನಲ್ಲಿ ಖರೀದಿಸಿದ ಮೊದಲ ಆಸ್ತಿಯಾಗಿದೆ. ಅಗಸ್ತ್ಯ ಥಿಯೇಟರ್ ಮುಚ್ಚಿಹೋಗಿ ವರ್ಷಗಳೇ ಕಳೆದಿದೆ.

ಸುಮಾರು 56 ವರ್ಷಗಳ ಹಳೆಯ ಚಿತ್ರಮಂದಿರ ಇದಾಗಿದ್ದು ಸದ್ಯ ನಯನತಾರಾ ದಂಪತಿ ಇದನ್ನು ಖರೀದಿಸಿದ್ದಾರೆ. ಸಾಲು ಸಾಲು ಸಿನಿಮಾಗಳಲ್ಲಿ ಬ್ಯುಸಿ ಆಗಿರುವ ನಯನತಾರಾ ಹೊಸ ಬ್ಯುಸಿನೆಸ್​ಗೂ ಕೈ ಹಾಕಿದ್ದಾರೆ.

ನಯನತಾರಾ ಲೇಡಿ ಸೂಪರ್​ ಸ್ಟಾರ್ ಆಗಿ ಅಭಿಮಾನಿಗಳ ಮನಗೆದ್ದಿದ್ದಾರೆ. ಸೌತ್ ಸಿನಿಮಾ ಇಂಡಸ್ಟ್ರಿಯ ಟಾಪ್ ನಟಿಯರಲ್ಲಿ ನಯನತಾರಾ ಕೂಡ ಒಬ್ಬರಾಗಿದ್ದಾರೆ. ಸಿನಿಮಾ ಜೊತೆಗೆ ಇದೀಗ ಥಿಯೇಟರ್ ಬ್ಯುಸಿನೆಸ್ ಆರಂಭಿಸಿರುವ ನಯನತಾರಾ ಮುಂದಿನ ದಿನಗಳಲ್ಲಿ ನಟನೆ ತೊರೆಯುತ್ತಾರಾ ಎನ್ನುವ ಪ್ರಶ್ನೆ ಮೂಡಿದೆ.

ದೇವಿ ಥಿಯೇಟರ್ ಗ್ರೂಪ್ ಒಡೆತನದ ಅಗಸ್ತ್ಯ ಥಿಯೇಟರ್ 1967 ರಿಂದ ಉತ್ತರ ಚೆನ್ನೈ ಪ್ರದೇಶದಲ್ಲಿ ಕಾರ್ಯನಿರ್ವಹಿಸಿತು. ಎಂಜಿಆರ್, ಶಿವಾಜಿ ಗಣೇಶನ್ ರಿಂದ ರಜಿನಿಕಾಂತ್, ಕಮಲ್ ಹಾಸನ್, ಅಜಿತ್ ಮತ್ತು ವಿಜಯ್ ವರೆಗೆ ತಮಿಳು ಚಿತ್ರರಂಗದ ದಿಗ್ಗಜರ ಅಸಂಖ್ಯಾತ ಬ್ಲಾಕ್ ಬಸ್ಟರ್ ಹಿಟ್ ಚಲನಚಿತ್ರಗಳು ಈ ಚಿತ್ರಮಂದಿರ ಪ್ರದರ್ಶನಗೊಂಡಿದೆ.

ಕೊರೊನಾ ಬಳಿಕ ಅನೇಕ ಥಿಯೇಟರ್ ಸಂಕಷ್ಟಕ್ಕೆ ಸಿಲುಕಿವೆ. ಅದರಲ್ಲಿ ಅಗಸ್ತ್ಯ ಥಿಯೇಟರ್ ಕೂಡ ಒಂದು. 53 ವರ್ಷಗಳ ಕಾಲ ಸಿನಿಮಾ ಪ್ರದರ್ಶನದ ಮೂಲಕ ಜನರಿಗೆ ಮನರಂಜನೆ ನೀಡಿರುವ ಈ ಥಿಯೇಟರ್ 2020 ರಲ್ಲಿ ಮುಚ್ಚಲ್ಪಟ್ಟಿತ್ತು. ಸದ್ಯ ನಯನತಾರಾ ಈ ಚಿತ್ರಮಂದಿರ ಖರೀದಿಸಿದ್ದಾರೆ.

ಸದ್ಯ ನಯನತಾರಾ ಖರೀದಿ ಮಾಡಿರುವ ಅಗಸ್ತ್ಯ ಥಿಯೇಟರ್ ಅನ್ನು ಮತ್ತೆ ನವೀಕರಿಸಲಿದ್ದಾರೆ ಎನ್ನುವ ಮಾತುಗಳು ಕೇಳಿ ಬಂದಿದೆ. ಸಿಂಗಲ್ ಸ್ಕ್ರೀನ್ ಇದ್ದ ಈ ಥಿಯೇಟರ್ ಅನ್ನು ಎರಡು ಸ್ಕ್ರೀನ್ ಆಗಿ ಪರಿವರ್ತಿಸಲು ನಟಿ ಮುಂದಾಗಿದೆ.

ಹೊಸ ಬ್ಯುಸಿನೆಸ್ ಶುರು ಮಾಡಿರುವ ನಯನತಾರಾ, ಕೈಯಲ್ಲಿರುವ ಸಿನಿಮಾಗಳನ್ನು ಮುಗಿಸಿ ಮುಂದಿನ ದಿನಗಳಲ್ಲಿ ನಟನೆ ಗುಡ್ ಬೈ ಹೇಳಲಿದ್ದಾರೆ ಎನ್ನುವ ಮಾತುಗಳು ಸಹ ಕೇಳಿ ಬರ್ತಿದೆ. ಮಕ್ಕಳ ಲಾಲನೆ-ಪಾಲನೆಯಲ್ಲಿ ನಟಿ ಬ್ಯುಸಿ ಆಗಲಿದ್ದಾರೆ.