Navya Nair: ನೃತ್ಯ ಮಾಡುವಾಗ ಗುರುವಾಯೂರಪ್ಪನನ್ನು ನೋಡಿದ್ರಾ ನವ್ಯಾ ನಾಯರ್? ದೈವ ಪವಾಡದ ಬಗ್ಗೆ ನಟಿ ಹೇಳಿದ್ದೇನು?

ನಂದನಂ ಸಿನಿಮಾ ಮೂಲಕ ಚಿತ್ರರಂಗಕ್ಕೆ ಎಂಟ್ರಿ ಕೊಟ್ಟ ನವ್ಯಾ ನಾಯರ್ ಅನೇಕ ಸೂಪರ್ ಸ್ಟಾರ್​ಗಳ ಜೊತೆ ನಟಿಸಿದ್ದಾರೆ. ಇಷ್ಟ ಮತ್ತು ಮಜತುಲಿ ಕಿಲುಕುಂ ಚಿತ್ರಗಳಲ್ಲಿ ದಿಲೀಪ್​ಗೆ ನಾಯಕಿಯಾದ ನವ್ಯಾ ನಾಯರ್ ನಟಿಸಿದ್ದಾರೆ.

ನಂದನಂ ಸಿನಿಮಾದಲ್ಲಿ ಕೃಷ್ಣನ ಪರಮ ಭಕ್ತೆಯ ಪಾತ್ರದಲ್ಲಿ ನವ್ಯಾ ನಾಯರ್ ಕಾಣಿಸಿಕೊಂಡಿದ್ರು. ಈ ಸಿನಿಮಾವನ್ನು ಅವರ ಅಭಿಮಾನಿಗಳು ಮರೆಯಲು ಸಾಧ್ಯವಿಲ್ಲ. ಈ ಸಿನಿಮಾ ಪಾತ್ರ ಕೂಡ ನವ್ಯಾಗೆ ಖ್ಯಾತಿ ತಂದು ಕೊಟ್ಟಿದೆ.

ನಟನೆ ಕಾಲಿಡುವ ಮುನ್ನವೇ ನವ್ಯಾ ಭರತನಾಟ್ಯ ಕಲಾವಿದೆಯಾಗಿದ್ರು. ಮದುವೆಯ ನಂತರ ಸಿನಿಮಾದಿಂದ ಕೊಂಚ ಬ್ರೇಕ್ ತೆಗೆದುಕೊಂಡ್ರು. ಮತ್ತೆ ಸೆಕೆಂಡ್ ಇನ್ನಿಂಗ್ಸ್ ಆರಂಭಿಸಿದ ನವ್ಯಾ ಒರುತಿ ಮತ್ತು ಜಾನಕಿ ಜಾನೆ ಸಿನಿಮಾಗಳ ಮೂಲಕ ನಟನೆಯತ್ತ ಗಮನ ಹರಿಸಿದ್ದಾರೆ.

ಸಿನಿಮಾಗಳ ಜೊತೆಗೆ ವೇದಿಕೆ ಮೇಲೆ ಭರತನಾಟ್ಯ ಪ್ರದರ್ಶನ ನೀಡುತ್ತಾರೆ. ಇತ್ತೀಚೆಗಷ್ಟೇ ಕೊಚ್ಚಿಯಲ್ಲಿ ನಡೆದ ಪ್ರಧಾನಿ ಯುವಂ ಕಾರ್ಯಕ್ರಮದಲ್ಲಿ ಪ್ರಧಾನಿ ನರೇಂದ್ರ ಮೋದಿ ಕಾರ್ಯಕ್ರಮದಲ್ಲಿ ನವ್ಯಾ ನೃತ್ಯ ಪ್ರದರ್ಶನ ನೀಡಿದ್ರು.

ಇತ್ತೀಚಿನ ಸಂದರ್ಶನವೊಂದರಲ್ಲಿ ಮಾತಾಡಿದ ನವ್ಯಾ ನಯಾರ್, ಗುರುವಾಯೂರ್ ದೇವಸ್ಥಾನದಿಂದ ತನಗಾದ ನಂಬಲಾಗದ ಅನುಭವಗಳ ಬಗ್ಗೆ ಮಾತಾಡಿದ್ದು, ದೈವ ಪವಾಡ ಬಗ್ಗೆ ಹಂಚಿಕೊಂಡಿದ್ದಾರೆ. ನಂದನಂ ಸಿನಿಮಾದಲ್ಲಿ ಕೃಷ್ಣ ಭಕ್ತಯಾಗಿ ಕಾಣಿಸಿಕೊಂಡಿದ್ರು ನವ್ಯಾ, ಇದೀಗ ಗುರುವಾಯೂರ್ ದೇವಸ್ಥಾನದಿಂದ ತನಗಾದ ದೈವಾನುಭವದ ಮಾತಾಡಿ ಅಭಿಮಾನಿಗಳಲ್ಲಿ ಅಚ್ಚರಿ ಮೂಡಿಸಿದ್ದಾರೆ.

ನಂದನಂ ಚಿತ್ರದಲ್ಲಿ ಬಾಲಾಮಣಿಯ ಅನುಭವ ಭ್ರಮೆಯಾಗಿರಬಹುದು ಎಂದು ಹೇಳುವ ಮೂಲಕ ಚಿತ್ರ ಕೊನೆಯಾಯಿತು. ನಿಮಗೂ ಇದೇ ರೀತಿಯ ಅನುಭವ ಆಗಿದೆ ಎಂಬ ಪ್ರಶ್ನೆಗೆ ಉತ್ತರಿಸಿದ ನವ್ಯಾ, ಒಮ್ಮೆ ಮಾನಸಿಕ ಯಾತನೆಯಿಂದ ಬಳಲುತ್ತಿದೆ. ಆ ವೇಳೆ ನನಗೆ ದೇವರ ದರ್ಶನವಾದಂತೆ ಭಾಸವಾಯ್ತು ಎಂದು ಹೇಳಿದ್ದಾರೆ.

ಗುರುವಾಯೂರಿಗೆ ನೃತ್ಯ ಮಾಡಲು ಬಂದಿದೆ. ಆದರೆ ಪ್ರದರ್ಶನ ನೀಡಲು ಸಾಧ್ಯವಾಗುತ್ತಿರಲಿಲ್ಲ. ಕೆಪಿಎಸಿ ಲಲಿತಾ ಅವರು ಕೂಡ ಬಂದಿದ್ರು. ಈ ವೇಳೆ ಅವರನ್ನು ತಬ್ಬಿ ನಾನು ಅಳುತ್ತಿದ್ದೆ ಎಂದು ನಟಿ ನವ್ಯಾ ನಾಯರ್ ಹೇಳಿದ್ದಾರೆ.

ಮಕ್ಕಳು ಗ್ರೂಪ್ ಡ್ಯಾನ್ಸ್ ಮುಗಿಸಿ ತೆರಳಿದ್ರು. ಬಳಿಕ ನನ್ನ ನೃತ್ಯವಿತ್ತು, ನಾನು ಭಯದಲ್ಲೇ ವೇದಿಕೆಗೆ ಹೋದೆ ಈ ವೇಳೆ ಗುರುವಾಯೂರಪ್ಪನವರು ನನ್ನ ಬಳಿ ಬಂದು ತಮ್ಮೊಂದಿಗೆ ಡ್ಯಾನ್ಸ್ ಮಾಡಿದ್ದಂತೆ ನನಗೆ ಅನುಭವನಾಯ್ತು ಎಂದು ನಟಿ ನವ್ಯಾ ಹೇಳಿದ್ದಾರೆ.

ಹತ್ತು ನಿಮಿಷಕ್ಕೆ ಪ್ಲಾನ್ ಮಾಡಿದ್ದ ಡ್ಯಾನ್ಸ್ ಇಪ್ಪತ್ತು ನಿಮಿಷ ಸಾಗಿತ್ತು. ನಂದನದಲ್ಲಿ ಬಾಲಾಮಣಿಗೆ ಇದ್ದಂತಹ ಭ್ರಮೆ ಇರಬಹುದು ಅಥವಾ ನಿಜವೂ ಆಗಿರಬಹುದು ಎಂದು ನಟಿ ನವ್ಯಾ ನಾಯರ್ ತನಗಾದ ಅನುಭವದ ಬಗ್ಗೆ ಮಾತಾಡಿದ್ದಾರೆ.