Meera Jasmine Birthday: 'ಮೌರ್ಯ' ಬೆಡಗಿ ಮೀರಾ ಜಾಸ್ಮಿನ್ ಬರ್ತ್​ಡೇ

ಮೌರ್ಯ, ಅರಸು ಮೂಲಕ ಕನ್ನಡಿಗರ ಮನಸ್ಸು ಗೆದ್ದಿದ್ದ ನಟಿ ಮೀರಾ ಜಾಸ್ಮಿನ್ ತಮ್ಮ 41ನೇ ಹುಟ್ಟುಹಬ್ಬವನ್ನು ಆಚರಿಸಿಕೊಳ್ತಾ ಇದ್ದಾರೆ.

ಕೇರಳ ಮೂಲದ ಮೀರಾ ಜಾಸ್ಮಿನ್ ಪ್ರಮುಖವಾಗಿ ಮಲಯಾಳಂ ಮತ್ತು ತಮಿಳು ಚಿತ್ರರಂಗದಲ್ಲಿ ಸಕ್ರಿಯವಾಗಿರುವ ನಟಿ. ಕನ್ನಡದಲ್ಲಿ ಕೆಲ ಚಿತ್ರಗಳಲ್ಲಿ ನಟಿಸಿದ್ದಾರೆ.

1982 ಫೆಬ್ರವರಿ 15 ರಂದು ಕೇರಳದ ತಿರುವಲ್ಲಾ ತಾಲೂಕಿನ ಹಳ್ಳಿಯೊಂದರಲ್ಲಿ ಜನಿಸಿದರು. 2001 ರಲ್ಲಿ ಮಲಯಾಳಂ ಚಿತ್ರ ಸೂತ್ರಧಾರನ್ ಚಿತ್ರದಲ್ಲಿ ನಟಿಸುವ ಮೂಲಕ ಸಿನಿರಂಗ ಪ್ರವೇಶಿಸಿದರು.

2004 ರಲ್ಲಿ ಪುನೀತ್ ರಾಜಕುಮಾರ್ ಅಭಿನಯದ ಮೌರ್ಯ ಚಿತ್ರದ ಮೂಲಕ ಕನ್ನಡ ಚಿತ್ರರಂಗ ಪ್ರವೇಶಿಸಿದರು. ಅರಸು, ದೇವರು ಕೊಟ್ಟ ತಂಗಿ ಮುಂತಾದ ಕನ್ನಡ ಚಿತ್ರಗಳಲ್ಲಿ ನಟಿಸಿದರು.

ಲೋಹಿತಾದಾಸ್ ನಿರ್ದೇಶಿಸಿದ ಕಸ್ತೂರಿಮಾನ್ ಚಿತ್ರದೊಂದಿಗೆ ಮಲಯಾಳಂ ಚಿತ್ರರಂಗದಲ್ಲಿ ಖ್ಯಾತಿಯನ್ನು ಗಳಿಸಿದರು. ಈ ಚಿತ್ರದಲ್ಲಿನ ಅಭಿನಯಕ್ಕಾಗಿ ಅವರು ತಮ್ಮ ಮೊದಲ ಫಿಲ್ಮ್ ಫೇರ್ ಪ್ರಶಸ್ತಿಯನ್ನು ಪಡೆದರು.

ಜಾಸ್ಮಿನ್ ಅವರು ತಮಿಳಿನಲ್ಲಿ ಅಭಿನಿಯಿಸಿದ ರನ್ ಮತ್ತು ಬಾಲ 2 ಚಿತ್ರಗಳು ಯಶಸ್ಸು ಕಂಡವು. ಅಂದಿನಿಂದ ತೆಲುಗಿನಲ್ಲೂ ನಟಿ ಅಭಿಮಾನಿಗಳನ್ನು ಹೊಂದಿದ್ದಾರೆ.

ರನ್ ಚಿತ್ರದ ಉತ್ತಮ ಅಭಿನಯಕ್ಕಾಗಿ ಫಿಲ್ಮ್ ಫೇರ್ ನಲ್ಲಿ ಉತ್ತಮ ಹೊಸ ನಟಿ ಪ್ರಶಸ್ತಿಯನ್ನು ಪಡೆದರು. ಮೀರಾ ಜಾಸ್ಮಿನ್ ಅವರು 15 ತಮಿಳು ಚಿತ್ರಗಳಲ್ಲಿ ಅಭಿನಯಿಸಿದ್ದಾರೆ.

ಕೇರಳದ ತಾಲಿಪರಂಬ ದೇವಸ್ಥಾನದಲ್ಲಿ ಪೂಜೆ ಸಲ್ಲಿಸಿ ನಟಿ ವಿವಾದಕ್ಕೊಳಗಾದರು. ಅಲ್ಲಿ ಹಿಂದೂಗಳಲ್ಲದವರಿಗೆ ಪ್ರವೇಶವಿಲ್ಲ. ಹಿಂದೂ ಭಕ್ತರು ಇದನ್ನು ವಿರೋಧಿಸಿದರು. ಕೊನೆಯಲ್ಲಿ ಆಕೆ ದೇವಸ್ಥಾನವನ್ನು ಶುದ್ಧಗೊಳಿಸುವುದಕ್ಕಾಗಿ Rs.10,000 ದಂಡವನ್ನು ದೇವಸ್ಥಾನದ ಅಧಿಕಾರಿಗಳಿಗೆ ನೀಡಿದರು.