ಅಭಿನಯದ ಜೊತೆಗೆ ಹೊಸ ಉದ್ಯಮ ಆರಂಭಿಸಿದ ನಟಿ Krishi Thapanda

ಸಿನಿ ತಾರೆಯರು ಮಲ್ಟಿಪ್ಲೆಕ್ಸ್​ ಬ್ಯುಸಿನೆಸ್​, ರಿಯಲ್ ಎಸ್ಟೇಟ್,​ ಜಿಮ್​, ಪ್ರೊಡಕ್ಷನ್​ ಹೌಸ್, ಹೋಟೆಲ್​​ ಹೀಗೆ ನಾನಾ ಕ್ಷೇತ್ರಗಳಲ್ಲಿ ಹಣ ಹೂಡುವ ಮೂಲಕ ಸ್ವಂತ ಉದ್ಯಮ ಆರಂಭಿಸಿದ್ದಾರೆ. ಇಂತಹ ನಟ-ನಟಿಯರ ಸಾಲಿಗೆ ನಟಿ ಕೃಷಿ ತಾಪಂಡ ಸಹ ಸೇರಿಕೊಂಡಿದ್ದಾರೆ.

ಸದ್ಯ ಸಿನಿಮಾಗಳಲ್ಲಿ ಬ್ಯುಸಿಯಾಗಿರುವ ನಟಿ ಕೃಷಿ ತಾಪಂಡ ಅವರು ತಮ್ಮದೇ ಆದ ಉದ್ಯಮವನ್ನು ಆರಂಭಿಸಿದ್ದಾರೆ. ಫ್ಯಾಷನ್​ ಬ್ರ್ಯಾಂಡ್​ ಒಂದನ್ನು ಆರಂಭಿಸಿದ್ದು, ಅದರ ಲೊಗೋವನ್ನು ಇತ್ತೀಚೆಗಷ್ಟೆ ಲಾಂಚ್ ಮಾಡಿದ್ದರು. 

ಕೃಷಿ ಅವರು ಬಟ್ಟೆಯ ಬ್ರ್ಯಾಂಡ್​ ಅನ್ನು ಪರಿಚಯಿಸಿದ್ದು, ಅದಕ್ಕೆ ಬೀರು () ಎಂದು ಹೆಸರಿಟ್ಟಿದ್ದಾರೆ. ಆಡು ಭಾಷೆಯಲ್ಲಿ ಬೀರು  (Beeru) ಎಂದರೆ ಬಟ್ಟೆ, ಹ ಹಾಗೂ ಆಭರಣಗಳನ್ನು ಸಂಗ್ರಹಿಸಿಡುವ ಕಪಾಟು ಎಂದರ್ಥ.

ನವರಾತ್ರಿ ಹಬ್ಬದ ಶುಭ ಸಮಯದಲ್ಲಿ ತಮ್ಮ ಫ್ಯಾಷನ್​ ಬ್ರ್ಯಾಂಡ್​ನ ವಿನ್ಯಾಸಿತ ಉಡುಪುಗಳನ್ನು ಮಾರುಕಟ್ಟೆಗೆ ರಿಲೀಸ್ ಮಾಡಿದ್ದಾರೆ. ಇನ್ನು ಇವರ ತಂಡದಲ್ಲಿ 12 ಮಂದಿ ಇದ್ದಾರಂತೆ.

ಈ ಉದ್ಯಮದಲ್ಲಿ ಕೃಚಿ ತಾಪಂಡ ಅವರಿಗೆ ಫ್ಯಾಷನ್ ಡಿಸೈನರ್ ನಿಖತಾ ಭರಣ ಅವರು ಜೊತೆಯಾಗಿದ್ದಾರೆ. ಕಡಿಮೆ ಹಣಕ್ಕೆ ಗುಣಮಟ್ಟದ ಉಡುಪುಗಳನ್ನು ಕೊಡುವುದೇ ತಮ್ಮ ಉದ್ದೇಶ ಎಂದಿದ್ದಾರೆ ಕೃಷಿ ತಾಪಂಡ.

ತಮಿಳು ಸಿನಿಮಾದ ಮೂಲಕ ಬಣ್ಣದ ಲೋಕಕ್ಕೆ ಕಾಲಿಟ್ಟ ಕೃಷಿ ತಾಂಪಡ ಅವರ ಮೊದಲ ಕನ್ನಡ ಸಿನಿಮಾ 2016ರಲ್ಲಿ ತೆರೆ ಕಂಡ ಅಕೀರ ಚಿತ್ರ. ಇತ್ತೀಚೆಗಷ್ಟೆ ಕೃಷಿ ನಟಿಸಿರುವ 'ಲಂಕೆ' ಸಿನಿಮಾ ರಿಲೀಸ್ ಆಗಿದೆ. ಇದರಲ್ಲಿ ಲೂಸ್ ಮಾದ ಯೋಗಿ ನಾಯಕನಾಗಿ ನಟಿಸಿದ್ದಾರೆ.

'ಕಹಿ', 'ಎರಡು ಕನಸು', 'ಇರಾ', 'ಕನ್ನಡಕ್ಕಾಗಿ ಒಂದನ್ನು ಒತ್ತಿ', 'ಭರಾಟೆ' ಸಿನಿಮಾಗಳಲ್ಲಿ ಕೃಷಿ ತಾಪಂಡ ನಟಿಸಿದ್ದಾರೆ.