Harshika Poonacha: ಕಾಸಿನ ಸರದಲ್ಲಿ ಸೀಮಂತ ಸಂಭ್ರಮಿಸಿದ ನಟಿ ಹರ್ಷಿಕಾ!

ಸ್ಯಾಂಡಲ್​ವುಡ್ ನಟಿ ಹರ್ಷಿಕಾ ಪೂಣಚ್ಚ ಅವರ ಸೀಮಂತ ಫೋಟೋಗಳು ವೈರಲ್ ಆಗಿವೆ. ಇದರಲ್ಲಿ ನಟಿ ಕ್ಯೂಟ್ ಆಗಿ ಕಾಣಿಸಿದ್ದಾರೆ.

ಇದೇನಪ್ಪಾ ಮದುವೆಯಾಗದೇನೆ ಹರ್ಷಿಕಾ ಪೂಣಚ್ಚ ಸೀಮಂತ ಮಾಡಿಕೊಂಡಿದ್ದಾರಾ? ನಟಿ ಹಸಿರು ಸೀರೆ ಉಟ್ಟುಕೊಂಡು ಕೇಸರಿ ಬ್ಲೌಸ್ ಧರಿಸಿ ಕಾಣಿಸಿಕೊಂಡಿದ್ದಾರೆ.

ಸುಂದರವಾದ ಆಭರಣಗಳನ್ನು ಧರಿಸಿ ಹಸಿರು ಗಾಜಿನ ಬಳೆಗಳನ್ನು ಧರಿಸಿ ಕಾಣಿಸಿಕೊಂಡ ನಟಿ ಹಣೆಯಲ್ಲಿ ಕುಂಕುಮ ಇಟ್ಟುಕೊಂಡಿದ್ದರು. ಸುಂದರವಾದ ಬಿಂದಿಯನ್ನೂ ಇಟ್ಟಿದ್ದರು.

ನಟಿ ಮಹಿಳೆಯರ ಮಧ್ಯೆ ಸೀಮಂತ ಶಾಸ್ತ್ರಗಳನ್ನು ಮಾಡುವುದು ಕಂಡುಬಂದಿದೆ. ಅವರು ಕೊರಳಲ್ಲಿ ಹಾರ ಧರಿಸಿ ಮಲ್ಲಿಗೆ ಮುಡಿದಿದ್ದರು.

ನಟಿ ಚೋಕರ್ ಧರಿಸಿ ಉದ್ದನೆ ಹಾರಗಳನ್ನು ಕೂಡಾ ಧರಿಸಿದ್ದರು. ಇದರಲ್ಲಿ ನಟಿ ತುಂಬಾ ಖುಷಿ ಖುಷಿಯಾಗಿ ಕಾಣಿಸಿಕೊಂಡಿದ್ದಾರೆ.

ಇದು ಹರ್ಚಿಕಾ ಪೂಣಚ್ಚಅವರ ಕಾಸಿನ ಸರ ಸಿನಿಮಾದ ಸೀಮಂತ ಹಾಡಿನ ಶೂಟಿಂಗ್ ಸೀನ್​ಗಳು. ನಟಿ ತಮ್ಮ ಸಿನಿಮಾದ ಹಾಡಿನ ಶೂಟಿಂಗ್ ಚಿತ್ರಗಳನ್ನು ಶೇರ್ ಮಾಡಿದ್ದಾರೆ.

ಹರ್ಷಿಕಾ ಅವರಿಗೆ ಉಡಿ ತುಂಬುತ್ತಿರುವ ಶಾಸ್ತ್ರ ಕೂಡಾ ಕಂಡುಬಂದಿದೆ. ನಟಿ ಇದರಲ್ಲಿ ಮಗ್ನರಾಗಿ ಶಾಸ್ತ್ರಗಳಲ್ಲಿ ಭಾಗಿಯಾಗಿದ್ದು ಕಂಡುಬಂತು.

ಹರ್ಷಿಕಾ ಶೇರ್ ಮಾಡಿದ ಫೋಟೋಗಳಿಗೆ 3700ಕ್ಕೂ ಹೆಚ್ಚು ಲೈಕ್ಸ್ ಬಂದಿದೆ. ನೀವಿಷ್ಟು ಬೇಗ ಮದುವೆ ಆದ್ರೆ ಹೆಂಗೆ ಡಾರ್ಲಿಂಗ್ ಎಂದು ನೆಟ್ಟಿಗರು ಕಮೆಂಟ್ ಮಾಡಿದ್ದಾರೆ.

ಇನ್ನು ಕೆಲವರು ಕಮೆಂಟ್ ಮಾಡಿ ಅಯ್ಯೋ ನಿಮ್ಮ ಮದುವೆ ಆಯಿತಾ? ಯಾವಾಗ ಮದುವೆಯಾದ್ರಿ? ಯಾರನ್ನ ಮದುವೆಯಾದ್ರಿ ಎಂದು ನೆಟ್ಟಿಗರು ಕೇಳಿದ್ದಾರೆ.

ಮುದ್ದಾದ ಹರ್ಷಿಕಾಳ "ಕಾಸಿನ ಸರ" ಸಿನಿಮಾದ ಸೀಮಂತ ಹಾಡಿನ ಕ್ಯೂಟ್ ಫೋಟೋಸ್ ಎಂದು ಪೋಸ್ಟ್​ಗೆ ಕ್ಯಾಪ್ಶನ್ ನೀಡಿದ್ದು ಇದು ರಿಯಲ್ ಅಲ್ಲ ರೀಲ್ ಸೀಮಂತ ಎಂದು ರಿವೀಲ್ ಮಾಡಿದ್ದಾರೆ.