Vasishta Simha-Haripriya: 'ಸಿಂಹ-ಪ್ರಿಯಾ' ಅದ್ಧೂರಿ ರಿಸೆಪ್ಷನ್; ಸ್ಯಾಂಡಲ್​ವುಡ್ ತಾರೆಯರ ಸಮಾಗಮ

ವಸಿಷ್ಠ ಸಿಂಹ ಹಾಗೂ ಹರಿಪ್ರಿಯಾ ಆರತಕ್ಷತೆ ಕಾರ್ಯಕ್ರಮವನ್ನು ಖಾಸಗಿ ರೆಸಾರ್ಟ್​ನಲ್ಲಿ  ಅದ್ದೂರಿಯಾಗಿ ಹಮ್ಮಿಕೊಳ್ಳಲಾಗಿತ್ತು.

ರೆಸಾರ್ಟ್ನ ಸ್ವಿಮ್ಮಿಂಗ್ ಫುಲ್ ಮಧ್ಯೆ ಕಲರ್ ಪುಲ್ ವೇದಿಕೆಯನ್ನು ಸಿದ್ಧಪಡಿಸಲಾಗಿತ್ತು. ಇಡೀ ರೆಸಾರ್ಟ್ ದೀಪಾಲಂಕಾರದಲ್ಲಿ ಕಂಗೊಳಿಸುತ್ತಿತ್ತು. ಸುಂದರವಾದ ವೇದಿಕೆ ಮೇಲೆ ಬ್ಯೂಟಿಫುಲ್ ಕಪಲ್ಸ್ ಸಖತ್ ಆಗಿಯೇ ಫೋಟೋಗೆ ಪೋಸ್ ಕೊಟ್ರು.

ಹರಿಪ್ರಿಯಾ ಹಾಗೂ ವಸಿಷ್ಠ ಸಿಂಹ ರಿಸೆಪ್ಷನ್​ಗೆ ಸ್ಯಾಂಡಲ್​ವುಡ್​ನ ನಟ-ನಟಿಯರು ಸೇರಿದಂತೆ ಅನೇಕ ರಾಜಕಾರಣಿಗಳು ಕೂಡ ಆಗಮಿಸಿದ್ರು.

ಗೋಲ್ಡನ್ ಸ್ಟಾರ್ ಗಣೇಶ್, ನಟ ಶರಣ್, ನಟಿ ಶ್ರುತಿ, ನಟಿ ಮಾಳವಿಕಾ ಪತಿ ಅವಿನಾಶ್ ಜೊತೆ ಆಗಮಿಸಿ ನವ ಜೋಡಿಗೆ ಶುಭಕೋರಿದ್ರು.

ಹಿರಿಯ ನಟ ಶ್ರೀನಾಥ್ ದಂಪತಿ ಸಮೇತ ಆಗಮಿಸಿ ನವ ಜೋಡಿಗೆ ಶುಭಕೋರಿದ್ರು, ನಟಿ ಅಮೂಲ್ಯ ಸಹ ಆಗಮಿಸಿದ್ರು.

ನಟ, ನಿರ್ದೇಶಕ ರಿಷಬ್ ಶೆಟ್ಟಿ ಪತ್ನಿ ಪ್ರಗತಿ ಶೆಟ್ಟಿ ಆಗಮಿಸಿ ನೂತನ ಜೋಡಿಗೆ ಶುಭಕೋರಿದ್ರು. ಇದೇ ವೇಳೆ ಮಾತಾಡಿದ ರಿಷಬ್ ವಸಿಷ್ಠ ಹಾಗೂ ಹರಿಪ್ರಿಯಾ ಇಬ್ಬರು ನನ್ನ ಆಪ್ತ ಸ್ನೇಹಿತರು, ಇಬ್ಬರ ಜೊತೆ ಕೂಡ ಕೆಲಸ ಮಾಡಿದ್ದೀನಿ ಇಬ್ಬರಿಗೂ ಶುಭವಾಗಲಿ ಎಂದ್ರು.

ರಿಯಲ್ ಸ್ಟಾರ್ ಉಪೇಂದ್ರ ಹಾಗೂ ನಟ ರಮೇಶ್ ಅರವಿಂದ್ ಕೂಡ ಆಗಮಿಸಿ ನೂತನ ಜೋಡಿಗೆ ಶುಭಕೋರಿದ್ರು.

ಸ್ಯಾಂಡಲ್​ವುಡ್ ತಾರೆಯರಷ್ಟೇ ಅಲ್ಲ ಅನೇಕ ರಾಜಕಾರಣಿಗಳು ಸಹ ಸ್ಟಾರ್ ದಂಪತಿಗೆ ಶುಭಕೋರಿದ್ದಾರೆ. ಸಚಿವ ಅಶ್ವತ್ಥನಾರಾಯಣ ಸಹ ಅರತಕ್ಷತೆ ಆಗಮಿಸಿದ್ರು.