Genelia: ಬಣ್ಣದ ಲೋಕದಲ್ಲಿ ಎರಡನೇ ಇನ್ನಿಂಗ್ಸ್​ ಆರಂಭಿಸಲಿರುವ ನಟಿ ಜೆನಿಲಿಯಾ..!

ಬಹುಭಾಷಾ ನಟಿ ಜೆನಿಲಿಯಾ ಸದ್ಯ ಚಿತ್ರರಂಗದಿಂದ ದೂರ ಉಳಿದಿದ್ದಾರೆ.

ತೆಲುಗು, ತಮಿಳು ಹಾಗೂ ಹಿಂದಿಯಲ್ಲಿ ಸ್ಟಾರ್ ನಟರೊಂದಿಗೆ ತೆರೆ ಹಂಚಿಕೊಳ್ಳುವುದರೊಂದಿಗೆ ಹಿಟ್​ ಸಿನಿಮಾಗಳನ್ನು ಕೊಟ್ಟ ನಟಿ ಜೆನಿಲಿಯಾ.

ಟಾಲಿವುಡ್​ನಲ್ಲಿ 'ಬೊಮ್ಮರಿಲ್ಲು', 'ಹ್ಯಾಪಿ', 'ಬಾಯ್ಸ್'​ ಸೇರಿದಂತೆ ಸಾಕಷ್ಟು ಚಿತ್ರಗಳಲ್ಲಿ ಅಭಿನಯಿಸಿರುವ ನಟಿ ರಿತೇಶ್​ ದೇಶ್​ಮುಖ್​ ಅವರನ್ನು ವರಿಸಿದ ನಂತರ ಬಣ್ಣದ ಲೋಕದಿಂದ ದೂರ ಉಳಿದಿದ್ದರು.

ವಿವಾಹವಾದ ನಂತ ಮಗು ಮಾಡಿಕೊಂಡು ಸಂತೋಷದಿಂದ ಇದ್ದ ಜೆನಿಲಿಯಾ ಈಗ ಮತ್ತೆ ಬಣ್ಣದ ಲೋಕದತ್ತ ಮುಖ ಮಾಡಿದ್ದಾರೆ.

ಅವರು ಸದ್ಯ ಸಿನಿಮಾಗೆ ಹಿಂತಿರುಗಲು ನಿರ್ಧರಿಸಿದ್ದು, ಅದಕ್ಕಾಗಿ ಒಂದರ ಹಿಂದೆ ಒಂದರಂತೆ ಫೋಟೋಶೂಟ್​ಗಳಿಗೆ ಪೋಸ್​ ಕೊಡುತ್ತಿದ್ದಾರೆ.

ಅವರ ಹೊಸ ಫೋಟೋಸೂಟ್​ಗಳ ಚಿತ್ರಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗುತ್ತಿವೆ.

ಬಹಳ ಸಮಯದ ನಂತರ ಮತ್ತೆ ಬೆಳ್ಳಿ ತೆರೆಗೆ ಮರಳಿರುವ ಜೆನಿಲಿಯಾಗೆ ಯಾವ ರೀತಿಯ ಪಾತ್ರಗಳು ಸಿಗಲಿವೆ ಅನ್ನೋ ಕುತೂಹಲ ಅಭಿಮಾನಿಗಳಲ್ಲಿದೆ.

ಒಳ್ಳೆಯ ಕತೆ ಹಾಗೂ ಪಾತ್ರ ಸಿಕ್ಕತೆ ಸಿನಿಮಾಗೆ ರೆಡಿ ಅಂತ ಜೆನಿಲಿಯಾ ಸಹ ಹಸಿರು ನಿಶಾನೆ ತೋರಿಸಿದ್ದಾರೆ.

ಹೀಗಿರುವಾಗ ನಾಯಕಿಯಾಗಿ ನೋಡಿದ್ದ ಅವರನ್ನು ಪೋಷಕ ಪಾತ್ರಗಳಲ್ಲಿ ನೋಡಲು ಆಗುವುದಿಲ್ಲ ಅನ್ನೋದು ಅಭಿಮಾನಿಗಳ ಮಾತು.

ಆದರೆ ಕಮ್​ಬ್ಯಾಕ್​ ಮಾಡಲು ತುದಿಗಾಲಲ್ಲಿ ನಿಂತಿರುವ ಜೆನಿಲಿಯಾಗೆ ಯಾವ ಸಿನಿಮಾ ಸಿಗಲಿದೆ ಅನ್ನೋದು ಕೆಲವೇ ದಿನಗಳಲ್ಲಿ ತಿಳಿಯಲಿದೆ.