Disha Madan: ಎರಡನೇ ಮಗುವಿನ ನಿರೀಕ್ಷೆಯಲ್ಲಿ ಕುಲವಧು ಧಾರಾವಾಹಿ ಖ್ಯಾತಿಯ ನಟಿ ದಿಶಾ ಮದನ್​..!

ಸಾಮಾಜಿಕ ಜಾಲತಾಣದಲ್ಲಿ ಡಬ್​ ಸ್ಮಾಷ್​ ಮೂಲಕ ಸದಾ ಕ್ರಿಯಾಶೀಲರಾಗಿರುವ ದಿಶಾ ಮದನ್​ ಕಿರುತೆರೆ ಹಾಗೂ ಬೆಳ್ಳಿ ತೆರೆಯಲ್ಲಿ ಆಗಾಗ ಕಾಣಿಸಿಕೊಳ್ಳುವ ಮೂಲಕ ತಮ್ಮದೇ ಆದ ಅಭಿಮಾನಿ ಬಳಗವನ್ನು ಸೃಷ್ಟಿಸಿಕೊಂಡಿದ್ದಾರೆ.

ನಟಿ ದಿಶಾ ಮದನ್​ ಹಾಗೂ ಪತಿ ಶಶಾಂಕ್​ ವಾಸುಕಿ ಗೋಪಾಲ್​ ಸಿಹಿ ಸುದ್ದಿ ಕೊಟ್ಟಿದ್ದಾರೆ. ಈ ದಂಪತಿ ಎರಡನೇ ಮಗುವಿನ ನಿರೀಕ್ಷೆಯಲ್ಲಿದ್ದು, ಈ ವಿಷಯವನ್ನು ನೆಟ್ಟಿಗರೊಂದಿಗೆ ಹಂಚಿಕೊಂಡಿದ್ದಾರೆ.

ನಾವು ನಿಮ್ಮೊಂದಿಗೆ ಒಂದು ವಿಷಯ ಹಂಚಿಕೊಳ್ಳಲು ಇಷ್ಟಪಡುತ್ತೇವೆ. ಮೂವರು ಇರುವ ನಾವು ಬಹಳ ಬೇಗ ನಾಲ್ಕು ಜನರಾಗಲಿದ್ದೇವೆ ಎಂದು ದಿಶಾ ತಮ್ಮ 2ನೇ ಮಗುವಿನ ಆಗಮನದ ವಿಷಯವನ್ನು ಹಂಚಿಕೊಂಡಿದ್ದಾರೆ.

ಮುಂದಿನ ವರ್ಷ ಮಾರ್ಚ್​ ತಿಂಗಳಿನಲ್ಲಿ ತಮ್ಮ ಮನೆಗೆ ಹೊಸ ಅತಿಥಿಯ ಆಗಮನ ಆಗಲಿದೆ ಎಂದು ದಿಶಾ ನೆಟ್ಟಿಗರ ಜೊತೆ ಹಂಚಿಕೊಂಡಿದ್ದಾರೆ.

ಕುಲವಧು ಧಾರಾವಾಹಿಯ ವಚನಾ ಪಾತ್ರ ನಿರ್ವಹಣೆ ಮೂಲಕ ಗಮನಸೆಳೆದಿದ್ದ ದಿಶಾ ಮದನ್​, ಫ್ರೆಂಚ್​ ಬಿರಿಯಾನಿ ಚಿತ್ರದ ಮೂಲಕ ಎಲ್ಲರಿಗೂ ಚಿರಪರಿಚಿತರಾದರು.

ಈ ಹಿಂದೆ ಡ್ಯಾನ್ಸಿಂಗ್​ ರಿಯಾಲಿಟಿ ಶೋನಲ್ಲಿ ಕೂಡ ಹೆಜ್ಜೆ ಹಾಕಿದ್ದರು ದಿಶಾ, ಮ್ಮ ಮಗನೊಂದಿಗೆ ಫೋಟೋ ಶೂಟ್​ ನಡೆಸುವ ಮೂಲಕ ಹೆಚ್ಚು ಗಮನಸೆಳೆದಿದ್ದರು.

2016ರಲ್ಲಿ ದಿಶಾ ಹಾಗೂ ಶಶಾಂಕ್​ ವಾಸುಕಿ ಗೋಪಾಲ್​ ಅವರ ಭೇಟಿಯಾಗಿದ್ದು, 2017ರಲ್ಲಿ ಇವರ ಪ್ರೀತಿಗೆ ಮದುವೆಯ ಮುದ್ರೆ ಬಿತ್ತು.

ವೈವಾಹಿಕ ಬದುಕಿಗೆ ಕಾಲಿಟ್ಟ ಇವರ ಜೀವನದಲ್ಲಿ 2019ರಲ್ಲಿ ಗುಂಡು ಮಗುವಿನ ಆಗಮನವಾಯಿತು.

ದಿಶಾ ತಮ್ಮ 2ನೇ ಮಗುವಿನ ವಿಷಯ ಹಂಚಿಕೊಳ್ಳಲು ಒಂದು ಪುಟ್ಟ ವಿಡಿಯೋ ಮಾಡಿದ್ದು, ಅದರಲ್ಲಿ ಅವರ ಜೀವನದ ಜರ್ನಿಯನ್ನು ಪುಟ್ಟದಾಗಿ ಹೇಳಿದ್ದಾರೆ.

ಕಿರುತೆರೆ ಮೂಲಕ ಬಣ್ಣದ ಲೋಕಕ್ಕೆ ರಿಯಾಲಿಟಿ ಶೋ ಮೂಲಕ ಕಾಲಿಟ್ಟ ನಟಿ ದಿಶಾ ಮದನ್​ ಅವರು ಡ್ಯಾನ್ಸಿಂಗ್​ ಸ್ಟಾರ್​ ರಿಯಾಲಿಟಿ ಶೋನಲ್ಲಿ ವಿಜೇತರಾಗಿದ್ದರು

ಈ ರಿಯಾಲಿಟಿ ಶೋ ನಂತರ ದಿಶಾ ಕಲರ್ಸ್​ ಕನ್ನಡದಲ್ಲಿ ಪ್ರಸಾರವಾಗುತ್ತಿದ್ದ ಕುಲವಧು ಧಾರಾವಾಹಿಯಲ್ಲಿ ನಟಿಸಲಾರಂಭಿಸಿದರು.

ಆದರೆ, ಕಾರಣಾಂತರದಿಂದಾಗಿ ದಿಶಾ ಈ ಧಾರಾವಾಹಿಯಿಂದ ಅರ್ಧಕ್ಕೆ ಹೊರ ಬಂದರು. ನಂತರ 2020ರಲ್ಲಿ ಫ್ರೆಂಚ್​ ಬಿರಿಯಾನಿ ಸಿನಿಮಾದಲ್ಲಿ ನಟಿಸಿದರು.