Deepika Das: ತಾಯಿಯ ಬಗ್ಗೆ ಭಾವುಕವಾಗಿ ಬರೆದುಕೊಂಡ ನಟಿ ದೀಪಿಕಾ ದಾಸ್

ನಟಿ, ಬಿಗ್ ಬಾಸ್ ಸ್ಪರ್ಧಿ ದೀಪಿಕಾ ದಾಸ್ ನಾಗಿಣಿ ಸೀರಿಯಲ್ ಮೂಲಕ ಖ್ಯಾತಿ ಪಡೆದಿದ್ದಾರೆ. ನಾವೆಲ್ಲಾ ಇಷ್ಟ ಪಡೋ ದೀಪಿಕಾಗೆ ದೊಡ್ಡ ಬೆಂಬಲ ಅಂದ್ರೆ ಅವರ ತಾಯಿಯಂತೆ.

ಇವತ್ತು ವಿಶ್ವ ತಾಯಂದಿರ ದಿನ. ಅದಕ್ಕೆ ದೀಪಿಕಾ ದಾಸ್ ಅವರು ತಮ್ಮ ತಾಯಿ ಜೊತೆಗಿನ ಫೋಟೋ ಶೇರ್ ಮಾಡಿ ಅಮ್ಮನಿಗೆ ಪ್ರೀತಿಯಿಂದ ವಿಶ್ ಮಾಡಿದ್ದಾರೆ. ಅವರ ಕಾಲ ಮೇಲೆ ಮಲಗಿ ಅಮ್ಮನನ್ನು ನಗುತ್ತಾ ನೋಡ್ತಾ ಇರೋ ಫೋಟೋ ತುಂಬಾ ಮುದ್ದಾಗಿದೆ.

ನಟಿ ದೀಪಿಕಾ ದಾಸ್ ಅವರು ಫೋಟೋ ಜೊತೆ, ತಾಯಿಯನ್ನು ನಾನು ಆತ್ಮದ ಶುದ್ಧ ರೂಪ ಎಂದು ಕರೆಯುತ್ತೇನೆ ಎಂದು ಶೀರ್ಷಿಕೆ ಹಾಕಿಕೊಂಡಿದ್ದಾರೆ. ಇದು ಎಲ್ಲರಿಗೂ ಇಷ್ಟ ಆಗಿದೆ.

ದೀಪಿಕಾ ದಾಸ್ ಅವರು ಅಮ್ಮನ ಜೊತೆ ಹೆಚ್ಚು ಆತ್ಮೀಯರಾಗಿರುತ್ತಾರೆ. ಎಲ್ಲಾ ವಿಷಯಗಳನ್ನು ಶೇರ್ ಮಾಡಿಕೊಳ್ತಾರೆ. ಒಬ್ಬ ಬೆಸ್ಟ್ ಫ್ರೆಂಡ್ ತರ ಇಬ್ಬರು ಇರುತ್ತಾರೆ.

ದೀಪಿಕಾ ದಾಸ್ ಅವರು ಅಮ್ಮನ ಬಗ್ಗೆ ಬಿಗ್ ಬಾಸ್‍ನಲ್ಲೂ ಹೇಳಿಕೊಂಡಿದ್ದರು. ನನಗೆ ಅಮ್ಮ ತುಂಬಾ ಬೆಂಬಲ ನೀಡ್ತಾರೆ. ಯಾವ ಕೆಲಸಕ್ಕದರೂ ಜೊತೆಗೆ ಇರ್ತಾರೆ ಎಂದು ಹೇಳಿದ್ದರು.

ದೀಪಿಕಾ ದಾಸ್ ಬಿಗ್ ಬಾಸ್ ಸೀಸನ್ 09ಕ್ಕೆ ಬಂದಾಗಲೂ, ದೀಪಿಕಾ ಅವರ ಅಮ್ಮ ಬಂದಿದ್ದರು. ಆಗಲೂ ಮಗಳಿಗೆ ಸ್ಟ್ರಾಂಗ್ ಆಗಿ ಇರು, ಚೆನ್ನಾಗಿ ಆಟವಾಡು, ನೀನೇ ಗೆದ್ದು ಬಾ ಎಂದು ಹೇಳಿದ್ದರು.

ನಟಿ ದೀಪಿಕಾ ದಾಸ್ ಅವರು ಪಾಯಲ್ ಎಂಬ ಹೊಸ ಸಿನಿಮಾ ಮಾಡ್ತಾ ಇದ್ದಾರೆ. ಶೂಟಿಂಗ್ ನಲ್ಲಿ ಬ್ಯುಸಿ ಇದ್ದಾರೆ. ಎಷ್ಟೇ ಬ್ಯುಸಿ ಇದ್ದರೂ ದಿನಕ್ಕೊಮ್ಮೆ ಅಮ್ಮನಿಗೆ ಕಾಲ್ ಮಾಡಿ ಮಾತನಾಡುತ್ತಾರಂತೆ.

ದೀಪಿಕಾ ದಾಸ್ ಅವರು ಸಾಮಾಜಿಕ ಜಾಲತಾಣದಲ್ಲಿ ಸದಾ ಸಕ್ರಿಯರಾಗಿರುತ್ತಾರೆ. ತಮ್ಮ ಕೆಲಸದ ಮತ್ತು ವೈಯಕ್ತಿಕ ವಿಷಯಗಳನ್ನು ಅಭಿಮಾನಿಗಳಿಗಾಗಿ ಶೇರ್ ಮಾಡ್ತಾ ಇರ್ತಾರೆ.