Actress Daisy Bopanna: ಸೀರೆಯಲ್ಲಿ ವಿಚಿತ್ರವಾಗಿ ಪೋಸ್ ಕೊಟ್ಟ ಡೈಸಿ ಬೋಪಣ್ಣ, ಇದೇನಾಯ್ತಮ್ಮ ಎಂದ ಫ್ಯಾನ್ಸ್!

ಕೊಡಗಿನ ಬೆಡಗಿ ಡೈಸಿ ಬೋಪಣ್ಣ ಕನ್ನಡ, ತಮಿಳು, ತೆಲಗು, ಹಿಂದಿ ಮತ್ತು ಮಲಯಾಳಂ ಚಿತ್ರಗಳಲ್ಲಿ ಸಕ್ರಿಯವಾಗಿರುವ ನಟಿ. ಡೈಸಿ ಅವರು ಸಾಮಾಜಿಕ ಜಾಲತಾಣದಲ್ಲಿ ಹೊಸ ಫೋಟೋಗಳನ್ನು ಶೇರ್ ಮಾಡಿದ್ದಾರೆ.

ನಟಿ ಡೈಸಿ ಬೋಪಣ್ಣ ಬ್ಲ್ಯೂ ಕಲರ್ ಸೀರೆಯಲ್ಲಿ ಚೆಂದವಾಗಿ ಕಾಣ್ತಾ ಇದ್ದಾರೆ. ಅಲ್ಲದೇ ವಿಚಿತ್ರವಾಗಿ ಫೋಟೋಗೆ ಪೋಸ್ ಕೊಟ್ಟಿದ್ದಾರೆ. ಎಲ್ಲಾ ಫೋಟೋಗಳಲ್ಲಿ ವಿಭಿನ್ನವಾಗಿ ಕಾಣ್ತಾ ಇದ್ದಾರೆ.

ನಟಿ ಡೈಸಿ ಬೋಪಣ್ಣ ಶೇರ್ ಮಾಡಿದ ಫೋಟೋಗಳಿಗೆ 5 ಸಾವಿರಕ್ಕೂ ಹೆಚ್ಚು ಲೈಕ್ಸ್ ಬಂದಿವೆ. ಕ್ಯೂಟ್‍ನೆಸ್ ಓವರ್ ಲೋಡೆಡ್, ಚೆಂದವಾಗಿ ಕಾಣ್ತಾ ಇದ್ದೀರಿ. ಸೋ ಕ್ಯೂಟ್ ಎಂದು ಅಭಿಮಾನಿಗಳು ಹೇಳ್ತಾ ಇದ್ದಾರೆ.

ಪಂಚ ಭಾಷೆಗಳಲ್ಲಿ ಇಪ್ಪತ್ತಕ್ಕೂ ಹೆಚ್ಚು ಚಿತ್ರಗಳಲ್ಲಿ ನಟಿಸಿರುವ ಡೈಸಿ ಉಪೇಂದ್ರ, ಶಿವಣ್ಣ, ದರ್ಶನ್, ಕಮಲ್ ಹಾಸನ್, ಮಮ್ಮೂಟಿ ,ಅಕ್ಷಯ ಕುಮಾರ್ ಮುಂತಾದ ಟಾಪ್ ನಟರೊಂದಿಗೆ ನಟಿಸಿದ್ದಾರೆ.

ಬಿ.ಜಯಶ್ರೀರವರ ಸ್ಪಂದನ ನಾಟಕ ತಂಡದಲ್ಲಿ ಕೆಲಕಾಲ ನಾಟಕಗಳಲ್ಲಿ ನಟಿಸುತ್ತಿದ್ದ ಡೈಸಿ ಕವಿತಾ ಲಂಕೇಶ್‍ರ `ಬಿಂಬ' ಚಿತ್ರದಿಂದ ಸಿನಿರಂಗ ಪ್ರವೇಶಿಸಿದರು. ಈ ಚಿತ್ರ ಅಂತರಾಷ್ಟ್ರೀಯ ಚಿತ್ರೋತ್ಸವಗಳಲ್ಲಿ ಪ್ರಶಸ್ತಿ ಪಡೆಯಿತು.

ತೆಲುಗುವಿನಲ್ಲಿ ರವಿತೇಜ ಜೊತೆ `ಚಂಟಿ' ಚಿತ್ರ ಮಾಡಿದರು. ಪ್ರಿಯದರ್ಶನ್ ನಿರ್ದೇಶನದ ಕಿಲಾಡಿ ಅಕ್ಷಯಕುಮಾರ್ ಅಭಿನಯದ `ಗರಂ ಮಸಲಾ' ಚಿತ್ರದಿಂದ ಬಾಲಿವುಡ್ ಪ್ರವೇಶಿಸಿದರು.

ಕನ್ನಡದಲ್ಲಿ ರಮೇಶ್ ಜೊತೆ ಸತ್ಯವಾನ್ ಸಾವಿತ್ರಿ ಮತ್ತು ಕಮಲ್ ಹಾಸನ್ ಜೊತೆ ರಾಮ ಶ್ಯಾಮ ಭಾಮ ಚಿತ್ರದಲ್ಲಿ ನಟಿಸಿದ ನಂತರ ಕೆಲವು ಮಲಯಾಳಂ ಮತ್ತು ತಮಿಳು ಚಿತ್ರಗಳಲ್ಲೂ ನಟಿಸಿದರು.

ಗರಂ ಮಸಾಲಾ ಚಿತ್ರದ ಪ್ರಮೋಷನ್ ಸಂದರ್ಭದಲ್ಲಿ ಬೆನ್ನೆಲೆಬು ಸ್ತಾನಪಲ್ಲಟ ಸಮಸ್ಯೆಯಿಂದ ಬಳಲಿದ ಡೈಸಿ ಶಸ್ತ್ರಚಿಕಿತ್ಸೆಯ ನಂತರ ಕೆಲಕಾಲ ಚಿತ್ರರಂಗದಿಂದ ವಿರಾಮ ತೆಗೆದುಕೊಂಡರು. ನಂತರ ಚಿತ್ರರಂಗಕ್ಕೆ ಮರಳಿದರೂ ವೀಪರೀತ ನೃತ್ಯವಿರದ ಸಾಫ್ಟ್ ಪಾತ್ರಗಳಲ್ಲಿ ನಟಿಸತೊಡಗಿದರು. ಡೈಸಿ ಸುಮಾರು 150 ಜಾಹೀರಾತುಗಳಲ್ಲಿ ನಟಿಸಿದ್ದಾರೆ.