ಮಗಳ ಮೊದಲ ಫೋಟೋಶೂಟ್​ನ ಚಿತ್ರಗಳನ್ನು ಶೇರ್​ ಮಾಡಿದ ನಟಿ Chaithra Rai

ಜನಪ್ರಿಯ ಧಾರಾವಾಹಿ ರಾಧಾ ಕಲ್ಯಾಣದಲ್ಲಿ (Kannada Serial Radha Kalyana ) ವಿಶಾಖಾ ಪಾತ್ರದಲ್ಲಿ ನಟಿಸುವ ಮೂಲಕ ಖ್ಯಾತರಾಗಿದ್ದ ನಟಿ ಚೈತ್ರಾ ರೈ (Chaithra Rai). ಕಿರುತೆರೆಯಲ್ಲಿ ನೆಗೆಟಿವ್​ ಶೇಡ್​ನ ಪಾತ್ರದ ಮೂಲಕವೇ ಪರಿಚಯವಾದ ನಟಿ ಸಾಕಷ್ಟು ಧಾರಾವಾಹಿಗಳಲ್ಲಿ ಬಣ್ಣ ಹಚ್ಚಿದ್ದಾರೆ.

ಮಗು ಮಾಡಿಕೊಳ್ಳುವ ಕಾರಣದಿಂದ ಬಣ್ಣದ ಲೋಕದಿಂದ ಕೊಂಚ ದೂರ ಉಳಿದಿದ್ದ ಚೈತ್ರಾ ಅವರಿಗೆ ಹೆಣ್ಣು ಮಗುವಾದ ವಿಷಯ ಗೊತ್ತೇ ಇದೆ. ಮಗಳ ನಾಮಕರಣ ಚಿತ್ರಗಳನ್ನು ಹಂಚಿಕೊಳ್ಳುವುದರ ಜೊತೆ ಮಗುವಿನ ಹೆಸರನ್ನೂ ರಿವೀಲ್​ ಮಾಡಿದ್ದರು.

ಕುಸುಮಾಂಜಲಿ, ಬೊಂಬೆಯಾಟವಯ್ಯ, ಬಣ್ಣದ ಬುಗುರಿ, ಪೌರ್ಣಮಿ, ನಾಗಮಣಿ ಹಾಗೂ ಯುಗಾದಿ ಧಾರಾವಾಹಿಗಳಲ್ಲಿ ಅಭಿನಯಿಸಿದ್ದಾರೆ ಚೈತ್ರಾ ರೈ.

ಮುದ್ದಿನ ಮಗಳಿಗೆ ನಿಷ್ಕಾ ಶೆಟ್ಟಿ ಎಂದು ನಾಮಕರಣ ಮಾಡಿರುವ ಚೈತ್ರಾ ರೈ ಅವರು ಮಗುವಿನ ಮೊದಲ ಫೋಟೋಶೂಟ್​ ಮಾಡಿಸಿದ್ದಾರೆ. 

ಮಗಳ ಮುದ್ದಾದ ಚಿತ್ರಗಳನ್ನು ಈಗ ತಮ್ಮ ಇನ್​ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿರುವ ನಟಿ, ಮಗಳಿಗಾಗಿ ಒಂದು ಇನ್​ಸ್ಟಾಗ್ರಾಂ ಖಾತೆಯನ್ನೂ ತೆರೆದಿದ್ದಾರೆ. ಆ ಖಾತೆಯಲ್ಲಿ ಮಗಳ ಫೋಟೋಶೂಟ್​ನ ಚಿತ್ರಗಳು ಹಾಗೂ ವಿಡಿಯೋಗಳನ್ನು ಹಂಚಿಕೊಂಡಿದ್ದಾರೆ.

@nishkashetty_official ಎಂಬ ಹೆಸರಿನಲ್ಲಿ ತೆರೆದಿರುವ ಖಾತೆಯಲ್ಲಿ ಇನ್ನು ಮುಂದೆ ಈ ಸ್ಟಾರ್​ ಕಿಡ್​ನ ಕುರಿತಾದ ಅಪ್ಡೇಟ್​ಗಳು ಸಿಗಲಿವೆಯಂತೆ.

ಈ ಹಿಂದೆ ನಟಿ ಮಯೂರಿ ಸಹ ತಮ್ಮ ಮಗನ ಹೆಸರಿನಲ್ಲಿ ಇನ್​ಸ್ಟಾಗ್ರಾಂ ಖಾತೆ ತೆರೆದು ಸುದ್ದಿಯಾಗಿದ್ದರು. ಈಗ  ನಟಿ ಚೈತ್ರಾ ಸಹ ಇದೇ ದಾರಿಯನ್ನೇ ಅನುಸರಿಸಿದ್ದಾರೆ ಎನ್ನಬಹುದು.