Actress Bhanupriya: ನಟಿ ಭಾನುಪ್ರಿಯಾಗೆ ನೆನಪು ಮಾಸುವ ಕಾಯಿಲೆ! ವಿಷ್ಣುವರ್ಧನ್, ರವಿಚಂದ್ರನ್ ಜೊತೆ ನಟಿಸಿದ್ದ ನಾಯಕಿಗೆ ಇದೇನಾಯ್ತು?

ಬಹುಭಾಷಾ ನಟಿ ಭಾನುಪ್ರಿಯಾ ಬಗ್ಗೆ ನಿಮಗೆಲ್ಲ ಗೊತ್ತಿರುತ್ತೆ. ಪರಭಾಷೆಯವರಾದರೂ ಕನ್ನಡಿಗರಿಗೆ ಆಪ್ತರಾದ ನಟಿಯರಲ್ಲಿ ಇವರೂ ಒಬ್ಬರು. ವಿಷ್ಣುವರ್ಧನ್, ರವಿಚಂದ್ರನ್‌ರಂತಹ ದಿಗ್ಗಜರ ಜೊತೆ ನಟಿಸಿ, ಕಲಾರಸಿಕರ ಮನಸೊರೆಗೊಂಡಿದ್ದ ಭಾನುಪ್ರಿಯಾ ಬಹುಭಾಷೆಯಲ್ಲಿ ಛಾಪು ಮೂಡಿಸಿದವರು. ರಸಿಕ, ಸಿಂಹಾದ್ರಿಯ ಸಿಂಹ, ಕದಂಬ ಸೇರಿದಂತೆ ಹಲವು ಸಿನಿಮಾಗಳಲ್ಲಿ ನಟಿಸಿದ್ದ ಭಾನುಪ್ರಿಯಾ ಅವರು ನೆನಪಿದ್ದಾರೆ ತಾನೇ. ಅವರನ್ನು ಹೇಗೆ ಮರೆಯಲು ಸಾಧ್ಯ ಹೇಳಿ? ಆದ್ರೆ ಅವರೇ ಎಲ್ಲವನ್ನೂ ಮರೆಯುತ್ತಿದ್ದಾರೆ ಎನ್ನುವುದೇ ಬೇಸರದ ಸಂಗತಿ.

ನಟಿ ಭಾನುಪ್ರಿಯಾ ತಮಿಳು, ತೆಲುಗು, ಕನ್ನಡ, ಮಲಯಾಳಂ, ಹಿಂದಿ ಭಾಷೆಯ ಸಿನಿಮಾಗಳಲ್ಲಿ ನಟಿಸಿದ್ದಾರೆ. ತಮ್ಮ ಅದ್ಭುತ ನಟನೆಯ ಮೂಲಕ ಬಹುಬೇಡಿಕೆ ಹೊಂದಿದ್ದರು.

ನಟಿ ಭಾನುಪ್ರಿಯಾ ಅವರಿಗೆ ನೆನಪಿನ ಶಕ್ತಿ ಕುಂದುತ್ತಿದೆಯಂತೆ. ಅದಕ್ಕೆ ಡೈಲಾಗ್ ಗಳನ್ನು ಹೇಳಲು ಆಗಲ್ವಂತೆ. ಎಲ್ಲಾ ಮರೆತು ಹೋಗುತ್ತೆ ಅಂತ ತೆಲುಗು ಒನ್ ಚಾನೆಲ್ ನ ಸಂದರ್ಶನದಲ್ಲಿ ಹೇಳಿಕೊಂಡಿದ್ದಾರೆ.

ಭಾನುಪ್ರಿಯಾ ಅವರು 1998ರಲ್ಲಿ ಆದರ್ಶ್ ಕೌಶಲ್ ಜೊತೆ ಮದುವೆ ಆಗಿದ್ದರು. ಇಬ್ಬರಿಗೂ ಡಿವೋರ್ಸ್ ಆಗಿತ್ತು ಎಂಬ ವದಂತಿಗಳಿತ್ತು. ಆದ್ರೆ ನಟಿ ಅದೆಲ್ಲಾ ಸುಳ್ಳು ಎಂದು ಆಗ ಹೇಳಿದ್ದರು.

2018ರಲ್ಲಿ ಹೃದಯಾಘಾತದಿಂದ ಪತಿ ಆದರ್ಶ್ ಕೌಶಲ್ ನಿಧನರಾದರು. ಆ ನೋವು, ಖಿನ್ನತೆ ನಟಿಯನ್ನು ತುಂಬಾ ಕಾಡಿದೆ. ಅದರಿಂದಲೇ ಮೆಮೋರಿ ಲಾಸ್ ಆಗ್ತಿದೆ ಎಂದು ಹೇಳಲಾಗ್ತಿದೆ.

80ರ ದಶಕದ ಸಿನಿಮಾಗಳಲ್ಲಿ ಭಾನುಪ್ರಿಯಾ ಅವರು ನೃತ್ಯದ ಮೂಲಕವೂ ಅಭಿಮಾನಿಗಳನ್ನು ಸೆಳೆದಿದ್ದರು. ಆದ್ರೆ ಡ್ಯಾನ್ಸ್ ಸ್ಟೆಪ್​ಗಳ ಕೂಡ ಮರೆತು ಹೋಗ್ತಿದೆ ಅನ್ನುವುದು ಆಘಾತಕಾರಿ ವಿಷ್ಯ.

ಭಾನುಪ್ರಿಯಾ ಅವರು ಡ್ಯಾನ್ಸ್ ಕ್ಲಾಸ್ ಪ್ರಾಂಭ ಮಾಡಬೇಕು ಎಂದುಕೊಂಡಿದ್ರಂತೆ. ಆದ್ರೆ ಅದು ಸಹ ಆಗಿಲ್ಲ. ಬಹುಬೇಡಿಕೆಯ ನಟಿ ತಮ್ಮ ನೆನೆಪಿನ ಶಕ್ತಿ ಕುಂದಿದ ಕಾರಣ ಚಿತ್ರರಂಗದಿಂದ ದೂರವಿದ್ದಾರೆ.

ನಟಿ ಭಾನುಪ್ರಿಯಾಗೆ 2 ವರ್ಷಗಳಿಂದ ಈ ಸಮಸ್ಯೆ ಎದುರಾಗಿದೆಯಂತೆ. ಅದೇ ಕಾರಣಕ್ಕೆ ಸಿನಿಮಾ ಮಾಡ್ತಿಲ್ಲ. ಆದ್ರೆ 2 ತೆಲುಗು ಸಿನಿಮಾಗಳಿಗೆ ಪೋಷಕ ಪಾತ್ರ ಮಾಡಲು ಸಹಿ ಹಾಕಿದ್ದೇನೆ ಎಂದು ಹೇಳಿಕೊಂಡಿದ್ದಾರೆ. ಬೇಗ ಆರೋಗ್ಯವಂತರಾಗಿ, ಮತ್ತೆ ಸಿನಿಮಾಗಳಲ್ಲಿ ನಟಿಸಲಿ ಅಂತ ಅಭಿಮಾನಿಗಳು ಪ್ರಾರ್ಥಿಸ್ತಿದ್ದಾರೆ.