Anushka Sharma: ಚಕ್ಡಾ ಎಕ್ಸ್ ಪ್ರೆಸ್ ಚಿತ್ರದ ಮೂಲಕ ಅನುಷ್ಕಾ ಶರ್ಮಾ ಕಂಬ್ಯಾಕ್, ಭಾರತ-ಪಾಕ್​ ಪಂದ್ಯದಲ್ಲಿ ಮಿಂಚಿದ ಬಾಲಿವುಡ್​ ತಾರೆ

ವಿರಾಟ್ ಆಸ್ಟ್ರೇಲಿಯಾದಲ್ಲಿ ಟಿ-20 ವಿಶ್ವಕಪ್ ತಯಾರಿಯಲ್ಲಿ ನಿರತರಾಗಿರುವಾಗ, ಅವರ ಪ್ರೇಯಸಿ ಸಿಟಿ ಆಫ್ ಜಾಯ್‍ನಲ್ಲಿ ಶೂಟಿಂಗ್ ನಲ್ಲಿ ಬ್ಯುಸಿ ಆಗಿದ್ದಾರೆ. ಅನುಷ್ಕಾ ಶರ್ಮಾ ತಮ್ಮ ಮುಂಬರುವ ಚಿತ್ರ ಚಕ್ಡಾ ಎಕ್ಸ್ ಪ್ರೆಸ್ ಚಿತ್ರೀಕರಣಕ್ಕಾಗಿ ಕೋಲ್ಕತ್ತಾಗೆ ಬಂದಿದ್ದರು.

ಸೋಮವಾರದಿಂದ ಈಡನ್ ಗಾರ್ಡನ್ಸ್ ನಲ್ಲಿ 'ಚಕ್ದಾ ಎಕ್ಸ್ ಪ್ರೆಸ್' ಚಿತ್ರೀಕರಣ ಆರಂಭವಾಗಿದೆ. ಪ್ರಸಿತ್ ರಾಯ್ ನಿರ್ದೇಶನದ ಈ ಚಿತ್ರದಲ್ಲಿ ಅನುಷ್ಕಾ ಶರ್ಮಾ ಅಭಿನಯಿಸುತ್ತಿದ್ದಾರೆ.

ಮಹಿಳಾ ಕ್ರಿಕೆಟ್‍ನಲ್ಲಿ ತಯಾರಾದ ಅತಿ ದೊಡ್ಡ ಚಿತ್ರ ಎಂದು 'ಚಕ್ಡಾ ಎಕ್ಸ್ ಪ್ರೆಸ್ ' ಅನ್ನು ಹೈಲೈಟ್ ಮಾಡಲು ಅನುಷ್ಕಾ ಬಯಸಿದ್ದಾರೆ. ಈ ಚಿತ್ರದ ಪ್ರಮುಖ ಭಾಗವನ್ನು ಲಂಡನ್‍ನಲ್ಲಿ ಚಿತ್ರೀಕರಿಸಿದ್ದರು. ಈ ಚಿತ್ರವನ್ನು ನಟಿಯ ಸಹೋದರ ಕಾರ್ನಿಶ್ ಅವರ ನಿರ್ಮಾಣ ಸಂಸ್ಥೆ ಕ್ಲೀನ್ ಸ್ಲೇಟ್ ಫಿಲ್ಮ್ಸ್ ನಿರ್ಮಿಸಿದೆ.

ಜೂಲನ್ ಗೋಸ್ವಾಮಿ ಅವರ ಜೀವನಚರಿತ್ರೆ 'ಚಕ್ಡಾ ಎಕ್ಸ್ ಪ್ರೆಸ್ ' ತಯಾರಾಗುತ್ತಿದೆ. ಚಿತ್ರದ ಶೂಟಿಂಗ್‍ಗಾಗಿ ಅನುಷ್ಕಾ ಕೋಲ್ಕತ್ತಾಗೆ ಬಂದಿದ್ದರೂ, ಜೂಲನ್ ಪ್ರಸ್ತುತ ಬಂಗಾಳದ ಮಹಿಳಾ ತಂಡದಲ್ಲಿದ್ದಾರೆ.

ಬಂಗಾಳದ ಹುಡುಗಿ ಜೂಲನ್ ಗೋಸ್ವಾಮಿ ಮಹಿಳಾ ಏಕದಿನ ಕ್ರಿಕೆಟ್‍ನಲ್ಲಿ ಅತಿ ಹೆಚ್ಚು ವಿಕೆಟ್‍ಗಳನ್ನು ಪಡೆದಿದ್ದಾರೆ. ಪ್ರಸಿತ್ ರಾಯ್ ಅವರ 'ಚಕ್ದಾ ಎಕ್ಸ್‍ಪ್ರೆಸ್' ಚಿತ್ರವು ಟೀಮ್ ಇಂಡಿಯಾದ ಈ ಮಾಜಿ ಬೌಲರ್‍ನ ಏಳುಬೀಳುಗಳ ಸುತ್ತ ಸುತ್ತುತ್ತದೆ.

ಅನುಷ್ಕಾ ಅವರ ಮಾತಿನಲ್ಲಿ ಹೇಳುವುದಾದರೆ, ಈ ಚಿತ್ರವು 'ಅಂಡರ್‍ಡಾಗ್‍ನ ಪ್ರಯಾಣ'ದ ಕಥೆಯಾಗಿದೆ. ಚಿತ್ರವು  ನೆಟ್‍ಫ್ಲಿಕ್ಸ್‍ನಲ್ಲಿ ಫೆಬ್ರವರಿ 2, 2023 ರಂದು ಬಿಡುಗಡೆಯಾಗಲಿದೆ.

ಪ್ರಸ್ತುತ ಅನುಷ್ಕಾ ಅವರ ಅಭಿಮಾನಿಗಳು ಅವರ ಪುನರಾಗಮನಕ್ಕಾಗಿ ಕಾಯುತ್ತಿದ್ದಾರೆ. 'ಝೀರೋ' ಚಿತ್ರದ ನಂತರ ಅನುಷ್ಕಾ ಶರ್ಮಾ ಬಾಲಿವುಡ್‍ನಿಂದ ಸಂಪೂರ್ಣವಾಗಿ ನಾಪತ್ತೆಯಾಗಿದ್ದರು.

ನಾಲ್ಕು ವರ್ಷಗಳಿಂದ ಬೆಳ್ಳಿತೆರೆಯಲ್ಲಿ "ರಬ್ ನೆ ಬನಾ ದಿ ಜೋಡಿ" ನಾಯಕಿಯನ್ನು ನೋಡಲು ಅಭಿಮಾನಿಗಳು ಕಾಯುತ್ತಿದ್ದಾರೆ. ತಾಯಿಯಾದ ನಂತರ ಕಳೆದ ಕೆಲವು ವರ್ಷಗಳಲ್ಲಿ ಅನುಷ್ಕಾ ಜೀವನ ಸಂಪೂರ್ಣ ಬದಲಾಗಿದೆ.