Shwetha Changappa: ಅರ್ಜುನ್ ಜನ್ಯ ಅವರಿಗೆ ಆಲ್ ದಿ ಬೆಸ್ಟ್, ಶ್ವೇತಾ ಚಂಗಪ್ಪ ಈ ರೀತಿ ಹೇಳಿದ್ಯಾಕೆ ನೋಡಿ!

ಸ್ಯಾಂಡಲ್‍ವುಡ್‍ನಲ್ಲಿ ಮ್ಯೂಸಿಕ್ ಕಂಪೋಸರ್ ಅರ್ಜುನ್ ಜನ್ಯ ನಿಜಕ್ಕೂ ಮೋಡಿ ಮಾಡಿದ್ದಾರೆ. ಅವರ ಸಂಗೀತದ ಮ್ಯಾಜಿಕ್ ನಾವು ಹೇಳಬೇಕಿಲ್ಲ. ಆದ್ರೆ ಈಗ ಅವರು ನಿರ್ದೇಶನಕ್ಕೆ ಇಳಿದಿದ್ದಾರೆ. 45 ಸಿನಿಮಾ ಡೈರೆಕ್ಷನ್ ಮಾಡ್ತಾ ಇದ್ದಾರೆ

ನಟಿ ಶ್ವೇತಾ ಚಂಗಪ್ಪ ಅರ್ಜುನ್ ಜನ್ಯ ಜೊತೆಗಿನ ಫೋಟೋಗಳನ್ನು ಶೇರ್ ಮಾಡಿ, ಅವರಿಗೆ ಆಲ್ ದಿ ಬೆಸ್ಟ್ ಹೇಳಿದ್ದಾರೆ. ಆತ್ಮೀಯ ಗೆಳೆಯ ಅರ್ಜುನ್ ಜನ್ಯ ಅವರೇ ನಿರ್ದೇಶಕರಾಗಿ ನಿಮ್ಮ ಹೊಸ ಪಯಣಕ್ಕೆ ಹೃತ್ಪೂರ್ವಕ ಅಭಿನಂದನೆಗಳು ಎಂದಿದ್ದಾರೆ.

ಇದೊಂದು ಇತಿಹಾಸ. ಚಿತ್ರೀಕರಣ ಪ್ರಾರಂಭವಾಗುವ ಮುನ್ನವೇ ಚಿತ್ರ ವೀಕ್ಷಿಸಲು ಸಿದ್ಧವಾಗಿದೆ. ಆಶ್ಚರ್ಯಕರವಾಗಿದೆ ಅಲ್ಲವೇ? ಹೌದು ಈ ಚಿತ್ರಕ್ಕಾಗಿ ಅರ್ಜುನ್ ಮಾಡಿರುವ ತಯಾರಿಯೇ ಇಲ್ಲಿದೆ ಎಂದು ಶ್ವೇತಾ ಚಂಗಪ್ಪ ಪೋಸ್ಟ್ ಹಾಕಿಕೊಂಡಿದ್ದಾರೆ.

ನೀವು ನಂಬಲಾಗದಷ್ಟು ಮೇಧಾವಿಗಳು. ನಾನು ಮತ್ತು ನಾವೆಲ್ಲರೂ ಕೆಲವೇ ದಿನಗಳಲ್ಲಿ ಭಾರತೀಯ ಚಿತ್ರರಂಗದ ಅತ್ಯುತ್ತಮ ಚಿತ್ರಗಳಲ್ಲಿ ಒಂದನ್ನು ವೀಕ್ಷಿಸಲಿದ್ದೇವೆ. ಅದು ಭರವಸೆ. ಈ ಪ್ರಯಾಣದಲ್ಲಿ ನಿಮ್ಮೊಂದಿಗೆ ಬೆರೆಯುತ್ತಿರುವುದಕ್ಕೆ ಸಂತೋಷವಾಗಿದೆ. ಅವಕಾಶಕ್ಕಾಗಿ ತುಂಬಾ ಧನ್ಯವಾದಗಳು. ನಿಮಗೆ ಮತ್ತು ನಿಮ್ಮ ಇಡೀ ಚಿತ್ರರಂಗಕ್ಕೆ ನನ್ನ ಶುಭಾಶಯಗಳು ಎಂದು ಶ್ವೇತಾ ಚಂಗಪ್ಪ ಹೇಳಿದ್ದಾರೆ.

ಅರ್ಜುನ್ ಜನ್ಯ ಅವರು ತಮ್ಮ 45 ಸಿನಿಮಾದ ಕತೆಯನ್ನ ಅನಿಮೇಷನ್‍ನಲ್ಲಿ ಈಗಾಗಲೇ ಡೈರೆಕ್ಷನ್ ಮಾಡಿಬಿಟ್ಟಿದ್ದಾರೆ. ಇದರಿಂದ ನಿರ್ಮಾಪಕರಿಗೆ ಅತಿ ದೊಡ್ಡ ಭರವಸೆಯನ್ನ ಕೂಡ ಅರ್ಜುನ್ ಜನ್ಯ ಮೂಡಿಸಿದ್ದಾರೆ.

ಅರ್ಜುನ್ ಜನ್ಯ ಅವರ ನಿರ್ದೇಶನದ 45 ಚಿತ್ರವನ್ನ ಈಗಾಗಲೇ ಶಿವಣ್ಣ ನೋಡಿದ್ದಾರೆ. ರಿಯಲ್ ಸ್ಟಾರ್ ಉಪೇಂದ್ರ ಈ ಚಿತ್ರವನ್ನ ನೋಡಿ ಖುಷಿಪಟ್ಟಿದ್ದಾರೆ. ಅರ್ಜುನ್ ಜನ್ಯ ಅವರಿಗೆ ಗುಡ್ ಲಕ್ ಹೇಳಿದ್ದಾರೆ.

ಶ್ವೇತಾ ಚಂಗಪ್ಪ ಮತ್ತು ಅರ್ಜುನ್ ಮೊದಲಿನಿಂದ ಒಳ್ಳೆಯ ಸ್ನೇಹಿತರು. ವೇದ ಸಿನಿಮಾದಲ್ಲೂ ಜೊತೆಯಾಗಿ ಕೆಲಸ ಮಾಡಿದ್ದಾರೆ. ಮತ್ತೆ 45 ಸಿನಿಮಾದಲ್ಲಿ ಒಟ್ಟಿಗೆ ಕಾಣಿಸಿಕೊಂಡಿದ್ದಾರೆ.

ನಿರೂಪಣೆಯಲ್ಲಿ ಬ್ಯುಸಿಯಾಗಿರುವ ಶ್ವೇತಾ ಚಂಗಪ್ಪ ಅವರು ಸಿನಿಮಾಗಳಲ್ಲೂ ನಟಿಸುತ್ತಿದ್ದಾರೆ. ಎಲ್ಲೆಡೆ ತಮ್ಮದೇ ಆದ ಛಾಪು ಮೂಡಿಸುತ್ತಿದ್ದಾರೆ.