Shwetha Changappa: ಶ್ವೇತಾ ಚಂಗಪ್ಪ ಸಿನಿ ಲೈಫ್‌ಗೆ 20 ವರ್ಷ! ಸಂತಸ ಹಂಚಿಕೊಂಡ ಕೊಡಗಿನ ಕುವರಿ

ನಟಿ, ನಿರೂಪಕಿ ಶ್ವೇತಾ ಚಂಗಪ್ಪ ಅವರು ದೂರದರ್ಶನ ಮತ್ತು ಚಲನಚಿತ್ರೋದ್ಯಮದಲ್ಲಿ 20 ವರ್ಷ ಪೂರೈಸಿದ್ದಾರೆ. ನಾನು ನಿನ್ನೆ, ಮೊನ್ನೆಯಷ್ಟೇ ನನ್ನ ಪಯಣ ಶುರು ಮಾಡಿದ ಹಾಗೆ ಇದೆ ಎಂದಿದ್ದಾರೆ.

ಈ ಸಂದರ್ಭದಲ್ಲಿ ಶ್ವೇತಾ ಅವರು ತಾವು ಪಾತ್ರ ನಿರ್ವಹಿಸಿದಂತಹ ಧಾರಾವಾಹಿ, ಸಿನಿಮಾಗಳನ್ನು ನೆನಪು ಮಾಡಿಕೊಂಡಿದ್ದಾರೆ. ಸಾವಿರಾರು ಸಂಚಿಕೆಗಳ ಸುಮತಿ, ಕಾದಂಬರಿ, ಸುಕನ್ಯಾ, ಅರುಂದತಿ, ಸಂಗೀತ, ತಾಮಣೆ (ಕೊಡವ) ಮರೆಯುವ ಹಾಗಿಲ್ಲ ಎಂದಿದ್ದಾರೆ.

ವರ್ಷ, ವೇದದಂತಹ ಸೂಪರ್ ಹಿಟ್ ಚಲನಚಿತ್ರಗಳು, ರಾಜ್ಯ ಪ್ರಶಸ್ತಿ ವಿಜೇತ ಪ್ರಾದೇಶಿಕ ಚಲನಚಿತ್ರ ಓಂ ಪುಟ್ಟುನ ಮಾನ್ ಎಲವೂ ಮತ್ತೆ ನೆನಪಾಗುತ್ತಿವೆ ಎಂದು ಶ್ವೇತಾ ಹೇಳಿದ್ದಾರೆ.

ಶ್ವೇತಾ ಚಂಗಪ್ಪ ಅವರು ಬಿಗ್ ಬಾಸ್ ಸೀಸನ್ 2, ಹಾಕು ಹೆಜ್ಜೆ ಹಾಕು, ಕುಣಿಯೋಣು ಬಾರಾ, ಡ್ಯಾನ್ಸಿಂಗ್ ಸ್ಟಾರ್, ಮಜಾ ಟಾಕೀಸ್ ನಲ್ಲಿ ಮಿಂಚಿದ್ದಾರೆ. ಯಾರಿಗುಂಟು ಯಾರಿಗಿಲ್ಲ, ಡ್ಯಾನ್ಸ್ ಜೂನಿಯರ್ಸ್, ಜೋಡಿ ನಂಬರ್ ಒನ್, ಸೂಪರ್ ಕ್ವೀನ್ ಕಾರ್ಯಕ್ರಮದ ನಿರೂಪಕರಾಗಿ ಕಾರ್ಯ ನಿರ್ವಹಿಸಿದ್ದಾರೆ.

ನಿರ್ಮಾಪಕರು, ನಿರ್ದೇಶಕರು, ನಿರ್ಮಾಣ ತಂಡ, ಸಂಪಾದಕರು, ಮಾರ್ಕೆಟಿಂಗ್ ತಂಡ, ಸಹ ನಟರು, ಸಹ ನಿರೂಪಕರು, ನನ್ನ ಮೇಕಪ್, ಹೇರ್ ಸ್ಟೈಲ್ ತಂಡ, ನನ್ನ ಸಹಾಯಕರು, ನನ್ನ ಚಾಲಕರು ಹೀಗೆ ನನ್ನ ಮೇಲೆ ನಂಬಿಕೆ ಇಟ್ಟಿದ್ದಕ್ಕಾಗಿ, ಚಾನಲ್ ಮುಖ್ಯಸ್ಥರಿಗೆ ನಾನು ಧನ್ಯವಾದ ಹೇಳಲು ಬಯಸುತ್ತೇನೆ ಎಂದು ಶ್ವೇತಾ ಅವರು ಹೇಳಿದ್ದಾರೆ.

ನನ್ನ ಇಪ್ಪತ್ತು ವರ್ಷಗಳ ಸುದೀರ್ಘ ಪ್ರಯಾಣದಲ್ಲಿ ಕಲ್ಲಿನ ಕಂಬದ ರೀತಿ ಪಕ್ಕದಲ್ಲಿ ನಿಂತ ನನ್ನ ತಾಯಿಗೆ, ನನ್ನ ಮೇಲೆ ನಂಬಿಕೆ ಇಟ್ಟ ನನ್ನ ತಂದೆಗೆ, ನನ್ನ ಜೀವನದಲ್ಲಿ ನಾನು ಏನನ್ನು ಬೇಕಾದರೂ ಸಾಧಿಸಲು ನನ್ನ ಶಕ್ತಿಯಾಗಿ ನಿಂತ ನನ್ನ ಪತಿಗೆ, ಚಿಕ್ಕ ವಯಸ್ಸಿನಲ್ಲೇ ನನ್ನ ಅರ್ಥ ಮಾಡಿಕೊಳ್ತೀರೋ ನನ್ನ ಮಗನಿಗೆ ನನ್ನ ವಿಶೇಷ ಧನ್ಯವಾದಗಳು ಎಂದಿದ್ದಾರೆ.

ನನ್ನ ಕೆಲವು ಉತ್ತಮ ಸ್ನೇಹಿತರಿಗೆ, ಮತ್ತು ನನ್ನ ದ್ವೇಷಿಗಳಿಗೆ ನಾನು ಧನ್ಯವಾದ ಹೇಳಲು ಬಯಸುತ್ತೇನೆ. ನನ್ನ ಜೀವನದಲ್ಲಿ ನಾನು ಏನು ಮಾಡಬೇಕೆಂದು ಬಯಸುತ್ತೇನೋ ಅದನ್ನು ಮಾಡಲು ನನಗೆ ಅಪಾರ ಶಕ್ತಿಯನ್ನು ನೀಡಿದ, ನನ್ನನ್ನು ಆಶೀರ್ವದಿಸಿದ ವೀಕ್ಷಕರಿಗೂ ಶ್ವೇತಾ ಅವರು ಧನ್ಯವಾದ ಹೇಳಿದ್ದಾರೆ.

ಅಂತಿಮವಾಗಿ ನನಗೆ ನಾನು ನನಗೆ ಧನ್ಯವಾದ ಹೇಳಿಕೊಳ್ಳಬೇಕು. ಏಕೆಂದರೆ ನಾನು ನನ್ನನ್ನು ನಂಬಿದ್ದೆ. ಐ ಲವ್ ಯು ಶ್ವೇತಾ ಚಂಗಪ್ಪ ಎಂದು ಬರೆದುಕೊಂಡಿದ್ದಾರೆ.