Aishwarya Baspure: ಮತ್ತೆ ಬಂದಳು ಮೋಹಿನಿಯ 'ಮಾಯಾ'! ಖಳನಾಯಕಿಯಾಗಿ ಐಶ್ವರ್ಯ ರೀ-ಎಂಟ್ರಿ

ಜೀ ಕನ್ನಡದಲ್ಲಿ ಪ್ರಸಾರವಾಗ್ತಿದ್ದ 'ಯಾರೇ ನೀ ಮೋಹಿನಿ' ಧಾರಾವಾಹಿಯಲ್ಲಿ ವಿಲನ್ ಆಗಿ ಮಿಂಚಿದ್ದ ಐಶ್ವರ್ಯ ಬಸ್ಪುರೆ ಮತ್ತೆ ಕಿರುತೆರೆಗೆ ಎಂಟ್ರಿ ಕೊಟ್ಟಿದ್ದಾರೆ. ಈ ಬಾರಿಯೂ ಮತ್ತೆ ವಿಲನ್ ಆಗಿಯೇ ಕಾಣಿಸಿಕೊಂಡಿದ್ದಾರೆ.

ಐಶ್ವರ್ಯ ಬಸ್ಪುರೆ ಉದಯ ಟಿವಿ ಮೂಲಕ ಕಿರುತೆರೆ ಪಯಣ ಶುರು ಮಾಡಿದ್ದರು. 'ಮಹಾಸತಿ' ಧಾರಾವಾಹಿಯಲ್ಲಿ ನಾಯಕಿಯಾಗಿ ಆರತಿ ಪಾತ್ರದಲ್ಲಿ ಬಣ್ಣ ಹಚ್ಚಿದ್ದರು. ಆದ್ರೆ ಆ ಪಾತ್ರ ಅಷ್ಟು ಅವರಿಗೆ ಅಷ್ಟು ಯಶಸ್ಸು ತಂದು ಕೊಡಲಿಲ್ಲ.

ಆದ್ರೆ 'ಯಾರೇ ನೀ ಮೋಹಿನಿ'ಯಲ್ಲಿ 'ಮಾಯಾ' ಪಾತ್ರವನ್ನು ಜನ ಇಷ್ಟ ಪಟ್ಟಿದ್ದರು. ತನ್ನ ಮಾವನನ್ನು ಪಡೆಯಲು ಏನೂ ಬೇಕಾದ್ರೂ ಮಾಡುವ ಹಠ ಜನರನ್ನು ಸೆಳೆದಿತ್ತು.

ಈಗಲೂ ಕಿರುತೆರೆಯಲ್ಲಿ ಮಾಯಾ ಅಂದ್ರೆ ನೆನಪಾಗೋದು ಐಶ್ವರ್ಯ ಬಸ್ಪುರೆ. ಯಾಕಂದ್ರೆ ತಮ್ಮ ಅದ್ಭುತ ನಟನೆಯ ಮೂಲಕ ವಿಲನ್ ಪಾತ್ರವನ್ನು ಅಚ್ಚುಕಟ್ಟಾಗಿ ನಿಭಾಯಿಸಿದ್ದರು.

ಕೊರೋನಾ ವೇಳೆ ಬ್ರೇಕ್ ತೆಗೆದುಕೊಂಡಿದ್ದ ಐಶ್ವರ್ಯ ಬಸ್ಪುರೆ ,ಈಗ ಮತ್ತೆ 'ಸತ್ಯ' ಮತ್ತು 'ಒಲವಿನ ನಿಲ್ದಾಣ' ಧಾರಾವಾಹಿ ಮೂಲಕ ಕಮ್ ಬ್ಯಾಕ್ ಮಾಡಿದ್ದಾರೆ. ವೀಕ್ಷಕರು  ಈಗಾಗಗಲೇ ಅವರ ಪಾತ್ರಗಳನ್ನು ಮೆಚ್ಚಿಕೊಂಡಿದ್ದಾರೆ.

ಸತ್ಯ ಧಾರಾವಾಹಿಯಲ್ಲಿ ಮಾಳವಿಕಾ ಆಗಿ ವಿಲನ್ ರೋಲ್ ಮಾಡ್ತಿದ್ದಾರೆ. ಧಾರಾವಾಹಿಗೆ ಎಂಟ್ರಿ ಆಗುತ್ತಿದ್ದಂತೆ ತಮ್ಮ ಆಟ ಶುರು ಮಾಡಿದ್ದಾರೆ. ನಟ ಕಾರ್ತಿಕ್ ಮೇಲೆ ಸುಳ್ಳು ಆರೋಪ ಮಾಡಿ ಬ್ಲ್ಯಾಕ್ ಮೇಲ್ ಮಾಡ್ತಾ ಇದ್ದಾರೆ.

ಒಲವಿನ ನಿಲ್ದಾಣ ಧಾರಾವಾಹಿಯಲ್ಲಿ ದೇವಿಕಾ ಪಾತ್ರವನ್ನು ಮಾಡುತ್ತಿದ್ದಾರೆ. ನಾಯಕಿ ತಾರಿಣಿ ಮನಸ್ಸಿನಲ್ಲಿ ಇಲ್ಲ ಸಲ್ಲದ್ದನ್ನು ತುಂಬುವ ಪಾತ್ರ. ಸಿದ್ಧಾಂತ್ ನಿಂದ ದೂರ ಮಾಡುವ ಪ್ರಯತ್ನ ನಡೀತಾ ಇದೆ.

ಸತ್ಯ ಮತ್ತು ಒಲವಿನ ನಿಲ್ದಾಣದಲ್ಲಿ ಐಶ್ವರ್ಯ ಬಸ್ಪುರೆ ಚೆನ್ನಾಗಿ ನಟಿಸುತ್ತಿದ್ದಾರೆ. ಆದ್ರೆ ಎರಡರಲ್ಲೂ ಗೆಸ್ಟ್ ರೋಲ್ ಎನ್ನುವ ಮಾತುಗಳು ಕೇಳಿ ಬರುತ್ತಿವೆ. ಹೀಗಾಗಿ ಪೂರ್ತಿ ಧಾರಾವಾಹಿಗಳಲ್ಲಿ ಮುಂದುವರೆಯುತ್ತಾರಾ ಅನ್ನೋದನ್ನ ಕಾದು ನೋಡಬೇಕು.