Aarohi Narayan: ದೃಶ್ಯಂ ಸುಂದರಿ ಆರೋಹಿ ನಾರಾಯಣ್ ರಿಯಲ್ ಲೈಫ್​ನಲ್ಲಿ ಎಷ್ಟು ಸ್ಟೈಲಿಶ್​ ನೋಡಿ

ನಟಿ ಆರೋಹಿಯ ಮೊದಲ ಹೆಸರು ಸ್ವರೂಪಿಣಿ. ದೃಶ್ಯ 1 ಸಿನಿಮಾದಲ್ಲಿ ಅಭಿನಯಿಸಿದ ನಂತರ ಅವರು ಹೆಸರು ಬದಲಾಯಿಸಿಕೊಂಡಿದ್ದಾರೆ. ಮೊದಲ ಚಿತ್ರದಲ್ಲಿಯೇ ಅದ್ಭುತ ಅಭಿನಯದ ಮೂಲಕ ಎಲ್ಲರ ಮನ ಸೆಳೆದ ನಟಿ ಇವರು.

ದೃಶ್ಯ ಸಿನಿಮಾದಲ್ಲಿ ಆರೋಹಿ ರವಿಚಂದ್ರನ್ ಮಗಳು ಸಿಂಧೂ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು. ಈ ಸಿನಿಮಾದ ಬಹುಮುಖ್ಯ ಪಾತ್ರ ಇವರದ್ದು, ಇವರೇ ಕಥೆಯ ಜೀವಾಳ.

ದೃಶ್ಯ ಸಿನಿಮಾದ ನಿರ್ದೇಶಕ ಪಿ ವಾಸು ಪ್ರಕಾರ ಆರೋಹಿ ಕನ್ನಡದ ನಯನತಾರಾ ಆಗುವುದರಲ್ಲಿ ಯಾವುದೇ ಅನುಮಾನವಿಲ್ಲವಂತೆ. ಅಂಥಹ ಅದ್ಬುತ ನಟಿ ಎಂಬುದು ಅವರ ಅಭಿಪ್ರಾಯ.

ಆರೋಹಿಯ ಮೊದಲ ಸಿನಿಮಾ ದೃಶ್ಯ 1 ನಂತರ ಶಿವಾಜಿ ಸೂರತ್ಕಲ್ ಹಾಗೂ ಭೀಮಸೇನ ನಳ ಮಹಾರಾಜ ಸಿನಿಮಾದಲ್ಲಿ ಸಹ ಅಭಿನಯಿಸಿದ್ದರು. ಅಲ್ಲದೇ, ದೃಶ್ಯ 2 ಸಿನಿಮಾದಲ್ಲಿ ಸಹ ಅಭಿನಯಿಸಿದ್ದಾರೆ.

ಅಭಿನಯಿಸಿದ್ದು ಕೆಲವೇ ಚಿತ್ರಗಳಾದರೂ ಆರೋಹಿ ಜನರ ಮನಸಿನಲ್ಲಿ ತಮ್ಮ ನಟನೆಯ ಛಾಪು ಮೂಡಿಸಿದ್ದಾರೆ. ಅವರಿಗೆ ಈಗಾಗಲೇ ಬಹಳಷ್ಟು ಅಭಿಮಾನಿಗಳಿದ್ದಾರೆ.

ಸೋಷಿಯಲ್ ಮೀಡಿಯಾದಲ್ಲಿ ಬಹಳ ಆಕ್ಟೀವ್ ಇರುವ ಆರೋಹಿ ತಮ್ಮ ಸ್ಟೈಲಿಶ್​ ಫೋಟೋಗಳನ್ನು ಹಾಕಿಕೊಂಡು ಅಭಿಮಾನಿಗಳಿಗೆ ಅಪ್​ಡೆಟ್​ ನೀಡುತ್ತಿರುತ್ತಾರೆ.

ಅದೆಷ್ಟೇ ಬ್ಯುಸಿ ಇದ್ದರೂ ಸಹ ಅವರು ತಮ್ಮ ಫ್ಯಾನ್ಸ್ ಹಾಗೂ ಫ್ಯಾಮಿಲಿಗೆ ಸಮಯ ಮೀಸಲಿಡುತ್ತಾರಂತೆ. ಅವರಿಗೆ ಕುಟುಂಬ ಮತ್ತು ಅಭಿಮಾನಿಗಳು ಬಹಳ ಮುಖ್ಯ ಎನ್ನುತ್ತಾರೆ ನಟಿ.

ಇನ್ನು ಸ್ಯಾಂಡಲ್​ವುಡ್​ನಲ್ಲಿ ಒಳ್ಳೆಯ ಅವಕಾಶಕ್ಕಾಗಿ ಕಾಯುತ್ತಿದ್ದು, ದೊಡ್ಡ ಬ್ರೇಕ್​ ಸಿಗಲಿ ಎಂದು ಅಭಿಮಾನಿಗಳು ಹಾರೈಸುತ್ತಿದ್ದಾರೆ.