Urvashi: ಟೆಂಪೋ ಖರೀದಿಸಿ ಕ್ಯಾರಾವ್ಯಾನ್ ಮಾಡಿದ ನಟಿ ಊರ್ವಶಿ, ಹೇಗಿತ್ತು ಈ ವ್ಯಾನ್?

ಸೌತ್ ಸಿನಿಮಾ ಇಂಡಸ್ಟ್ರಿಯ ಪ್ರಸಿದ್ಧ ನಟಿ ಊರ್ವಶಿ ತಮಿಳು, ತೆಲುಗು, ಮಲಯಾಳಂ, ಕನ್ನಡ ಸಿನಿಮಾಗಳಲ್ಲಿ ಅಭಿಮಾನಿಯಿಸಿದ್ದಾರೆ. 90ರ ದಶಕದಲ್ಲಿ ಸ್ಟಾರ್ ನಟಿಯಾಗಿ ಊರ್ವಶಿ ಮಿಂಚಿದ್ರು. ನಟಿ ಊರ್ವಶಿಯ ಕ್ಯಾರಾವ್ಯಾನ್ ಸ್ಟೋರಿ ಇದೀಗ ಬಯಲಾಗಿದೆ.

ಬಾಲಿವುಡ್, ಕಾಲಿವುಡ್, ಟಾಲಿವುಡ್, ಮಾಲಿವುಡ್​ನಲ್ಲಿ ಅನೇಕ ನಟ-ನಟಿಯರು ಕ್ಯಾರಾವ್ಯಾನ್ ಬಳಸುತ್ತಿದ್ದಾರೆ. ದೂರ ಪ್ರದೇಶಗಳಿಗೆ ಶೂಟಿಂಗ್​ಗೆ ತೆರಳಲು ನಟ-ನಟಿಯರು ಹೆಚ್ಚಾಗಿ ಕ್ಯಾರಾವ್ಯಾನ್ ಬಳಸುತ್ತಾರೆ. ಫ್ಯಾಮಿಲಿ ಜೊತೆ ಹೋಗಲು ಸ್ಟಾರ್​ಗಳಿಗೆ ಕ್ಯಾರಾವ್ಯಾನ್ ಕಂಫರ್ಟ್ ಫೀಲ್ ನೀಡುತ್ತದೆ.

ಸ್ಟಾರ್ ನಟ-ನಟಿಯರು ವೈಯಕ್ತಿಕ ಅನುಕೂಲಕ್ಕಾಗಿ ಕ್ಯಾರಾವ್ಯಾನ್ ಬಳಸುತ್ತಾರೆ. ಆದರೆ ಮಲಯಾಳಂನಲ್ಲಿ ಕ್ಯಾರಾವ್ಯಾನ್ ಪರಿಕಲ್ಪನೆಯನ್ನು ಕಾರ್ಯರೂಪಕ್ಕೆ ತಂದವರು ನಟಿ ಊರ್ವಶಿ. ಅದೂ 1990ರ ದಶಕದಲ್ಲಿ ಮಾಲಿವುಡ್​ನಲ್ಲಿ ಕ್ಯಾರಾವ್ಯಾನ್ ಪರಿಚಯವಾಗಿದೆ.

ಊರ್ವಶಿ ಹೆಚ್ಚಾಗಿ ದೂರದ ಊರುಗಳಲ್ಲಿ ಚಿತ್ರೀಕರಣ ಮಾಡುತ್ತಿದ್ದರು. ಆ ಸಮಯದಲ್ಲಿ ತಮಿಳು ಚಿತ್ರರಂಗದ ಗೆಳೆಯರೊಬ್ಬರು ನಟಿಗೆ ಕ್ಯಾರಾವ್ಯಾನ್ ಪರಿಕಲ್ಪನೆಯನ್ನು ಪರಿಚಯಿಸಿದ್ದರಂತೆ. ಸಿನಿಮಾ ಹಾಗೂ ಫ್ಯಾಮಿಲಿ ಜೊತೆ ಓಡಾಡಲು ಕ್ಯಾರಾವ್ಯಾನ್ ಖರೀದಿಸಲು ನಟಿ ಮುಂದಾಗಿದ್ದಾರೆ.

ಆ ಕಾಲದಲ್ಲಿ ಉನ್ನತ ರಾಜಕಾರಣಿಗಳು ಮತ್ತು ಇತರರಿಗೆ ಮಾತ್ರ ಈ ಸೌಲಭ್ಯವಿತ್ತು. ಅಂದು ಇದನ್ನು ತಯಾರಿಸಲು ಕೊಯಮತ್ತೂರಿಗೆ ಹೋಗ್ಬೇಕಿತ್ತು ಎಂದು ನಟಿ ಊರ್ವಶಿ ಹೇಳಿದ್ದಾರೆ.

ಇತ್ತೀಚೆಗೆ ಸಂದರ್ಶನವೊಂದರಲ್ಲಿ ಮಾತಾಡಿದ ಊರ್ವಶಿ ಈ ಬಗ್ಗೆ ಸ್ಪಷ್ಟನೆ ನೀಡಿದ್ದಾರೆ. ಕ್ಯಾರಾವ್ಯಾನ್ ಖರೀದಿಸುವ ಉದ್ದೇಶದಿಂದ ಟೆಂಪೋ ಟ್ರಾವೆಲರ್ ಖರೀದಿಸಿ ಕೊಯಮತ್ತೂರಿಗೆ ಕೊಟ್ಟು ಕ್ಯಾರವಾನ್ ಮಾಡೆಲ್ ಮಾಡಿಸಿದ್ದಾಗಿ ಹೇಳಿದ್ದಾರೆ.

ಈ ಕ್ಯಾರಾವ್ಯಾನ್ ಕೆಲಸಕ್ಕಾಗಿ ಮಾತ್ರವಲ್ಲದೆ ಕುಟುಂಬ ಪ್ರವಾಸಕ್ಕೂ ಅನುಕೂಲಕರವಾಗಿತ್ತು ಎಂದು ನಟಿ ಊರ್ವಶಿ ಹೇಳಿದ್ದಾರೆ. 90ರ ದಶಕದಲ್ಲಿ ಇಂದಿನಂತೆ ಐಷಾರಾಮಿ ವಾಹನ ಇರಲಿಲ್ಲ. ರೈಲಿನಲ್ಲಿ ಹೆಚ್ಚಾಗಿ ಓಡಾಡಬೇಕಿತ್ತು. ಹೀಗಾಗಿ ಕ್ಯಾರಾವ್ಯಾನ್ ಖರೀದಿಸಿದೆ ಎಂದ್ರು.

ಮಕ್ಕಳನ್ನು ಕರೆದೊಯ್ಯುವ ಪ್ರವಾಸಗಳಲ್ಲಿ ಕ್ಯಾರಾವ್ಯಾನ್ ಹೆಚ್ಚು ಅನುಕೂಲಕರವಾಗಿದೆ. ಚಾಲಕನ ಸೀಟ್ ಹೊರತುಪಡಿಸಿ ಟೆಂಪೋ ಟ್ರಾವೆಲರ್ ಎಲ್ಲಾ ಭಾಗಗಳನ್ನು ಕ್ಯಾರಾವ್ಯಾನ್ ಸೌಲಭ್ಯಕ್ಕೆ ತಕ್ಕಂತೆ ಬದಲಾಯಿಸಲಾಗಿತ್ತು. ಶೌಚಾಲಯವು ಅಲ್ಲೇ ಇತ್ತು ಬಳಿಕ ಕೆಲ ಅನಾನುಕೂಲತೆಯಿಂದಾಗಿ ಅದನ್ನು ತೆಗೆದುಹಾಕಲಾಯಿತು.

ಆಗ ಈ ವಾಹನ ನಿಲುಗಡೆಗೆ ಸಮಸ್ಯೆ ಕೂಡ ಆಗಿತ್ತು. ಈ ಕಾರು ಚೆನ್ನೈನ ಮನೆಯ ಕಾಂಪೌಂಡ್ನಲ್ಲಿ ನಿಲ್ಲಿಸಲು ತುಂಬಾ ದೊಡ್ಡದಾಗಿತ್ತು. ಫ್ಲಾಟ್​ಗೆ ಹೋಗುವಾಗ ಎರಡು ಕಾರ್ ಪಾರ್ಕಿಂಗ್ ಸ್ಥಳದ ಹೊರಗೆ ಕ್ಯಾರಾವ್ಯಾನ್ ನಿಲ್ಲಿಸೋದೆ ಕಷ್ಟಕರವಾಗಿತ್ತು ಎಂದು ನಟಿ ಹೇಳಿದ್ರು.

ತಮಿಳು ಚಿತ್ರರಂಗದ ಚಾಲಕರೊಬ್ಬರು ಕ್ಯಾರಾವ್ಯಾನ್ ಕೊಂಡುಕೊಳ್ಳುವುದಾಗಿ ಕೇಳಿದ್ರು. ಊರ್ವಶಿ ಖುಷಿಯಿಂದ ಈ ಕ್ಯಾರಾವ್ಯಾನ್ ನೀಡಿದ್ದಾರೆ. ಕುಟುಂಬ ಸಮೇತ ದೂರ ಪ್ರವಾಸಕ್ಕೆ ಹೋಗುವಾಗ ವಾಹನ ಬಳಸಬೇಕೆಂಬುದು ಅವರ ಆಸೆಯಾಗಿತ್ತು.