Actor Shine Shetty: ಪ್ರವಾಸ ಎಂಜಾಯ್ ಮಾಡುತ್ತಿರುವ ಶೈನ್ ಶೆಟ್ಟಿ, ಹಿಮಾಚಲದಲ್ಲಿ ಬುಲೆಟ್ ರೈಡಿಂಗ್!

ನಟ, ಬಿಗ್ ಬಾಸ್ ವಿನ್ನರ್ ಶೈನ್ ಶೆಟ್ಟಿ ಪ್ರವಾಸದಲ್ಲಿ ಬ್ಯುಸಿ ಇದ್ದಾರೆ. ಹಿಮಾಚಲ ಪ್ರದೇಶದಲ್ಲಿ ಸುತ್ತಾಟ ನಡೆಸಿದ್ದಾರೆ. ರೀಲ್ ಹಿಂದೆ ಕೆಲವು ನೈಜತೆ ಎಂದು ಪೋಸ್ಟ್ ಹಾಕಿಕೊಂಡಿದ್ದಾರೆ.

ನಟ ಶೈನ್ ಶೆಟ್ಟಿ ಅವರು ಬುಲೆಟ್ ನಲ್ಲಿ ದೇಶ ಸುತ್ತುತ್ತಿದ್ದಾರೆ. ಅಲ್ಲಿನ ಜನರ ಜೊತೆ ಬೆರೆತು, ಅಲ್ಲಿನ ನಡೆ, ನುಡಿ ಬಗ್ಗೆ ತಿಳಿದುಕೊಳ್ಳುತ್ತಿದ್ದಾರೆ.

ಶೈನ್ ಶೆಟ್ಟಿ ಅವರು ಶೇರ್ ಮಾಡಿರುವ ಫೋಟೋಗಳಿಗೆ 10 ಸಾವಿರಕ್ಕೂ ಹೆಚ್ಚು ಲೈಕ್ಸ್ ಬಂದಿವೆ. ಸೂಪರ್ ಅಣ್ಣ. ಸೋ ನೈಸ್, ಸೋಲೋ ಟ್ರಿಪ್ಪಾ ಇದು ಎಂದು ಕೇಳಿದ್ದಾರೆ.

ಶೈನ್ ಶೆಟ್ಟಿ ಕನ್ನಡ ಕಿರುತೆರೆ ಮತ್ತು ಚಿತ್ರರಂಗದಲ್ಲಿ ಸಕ್ರಿಯವಾಗಿರುವ ನಟ. ಕಲರ್ಸ್ ಕನ್ನಡದಲ್ಲಿ ಪ್ರಸಾರವಾಗುತ್ತಿದ್ದ `ಲಕ್ಷ್ಮೀ ಬಾರಮ್ಮ' ಸೀರಿಯಲ್ ನಲ್ಲಿನ ಚಂದು ಪಾತ್ರದಿಂದ ತುಂಬಾ ಪ್ರಸಿದ್ಧಿ ಪಡೆದರು.

ಎರಡು ವರ್ಷಗಳ ಕಾಲ ಸೀರಿಯಲ್ ನಲ್ಲಿ ನಟಿಸಿ ನಂತರ ಚಿತ್ರರಂಗದಲ್ಲಿ ನಾಯಕನಾಗಬೇಕೆಂದು ಸೀರಿಯಲ್ ತೊರೆದರು. ಸ್ವಲ್ಪ ದಿನ ಹಿಮಾಲಯಕ್ಕೆ ಹೋಗಿ ಬಂದರು.

ಜೀವನ ಯಜ್ಞ ಚಿತ್ರದಲ್ಲಿ ಮುಖ್ಯ ಭೂಮಿಕೆಯಲ್ಲಿ ನಟಿಸಿದರು. ಚಿತ್ರ ಯಶಸ್ವಿಯಾಗಲಿಲ್ಲ. ಅಷ್ಟೋತ್ತಿಗಾಗಲೇ ಸ್ವಲ್ಪ ಸಾಲ ಮಾಡಿಕೊಂಡಿದ್ದ ಶೈನ್ ಗೆ ಕಿರುತೆರೆ ಮರಳಿ ಕರೆಯಿತಾದರೂ ಹೋಗಲಿಲ್ಲ

ಶೈನ್ ಅವರು ತಮ್ಮ ತಂದೆಯ ಸ್ನೇಹಿತರಿಂದ ಸಾಲ ಪಡೆದು `ಗಲ್ಲಿ ಕಿಚನ್' ಎಂಬ ಹೆಸರಿಟ್ಟು ಆಹಾರದ ಗಾಡಿಯೊಂದನ್ನು ಮಾಡುತ್ತಾರೆ. ಬೆಂಗಳೂರಿನ ಬನಶಂಕರಿಯಲ್ಲಿ ತಮ್ಮ ಗಾಡಿಯಲ್ಲಿ ಆಹಾರ ತಯಾರಿಸಿ ನೀಡುವ ಮೋಬೈಲ್ ಕ್ಯಾಂಟೀನ್ ತೆರೆದರು. ಈಗ ದೊಡ್ಡ ಗಲ್ಲಿ ಕಿಚನ್ ಆಗಿ ಬೆಳೆದಿದೆ.

ಕಿಚ್ಚ ಸುದೀಪ್ ನಿರೂಪಣೆಯ ಕನ್ನಡ ಬಿಗ್ ಬಾಸ್ ಸೀಸನ್ 7 ರಲ್ಲಿ ಸ್ಪರ್ಧಿಯಾಗಿ ಭಾಗವಹಿಸಿದ್ದರು. ಆ ಸೀಸನ್ ನಲ್ಲಿ ಶೈನ್ ಇತರೆ ಸ್ಪರ್ಧಿಗಳಿಗೆ ಸ್ಪರ್ಧೆ ನೀಡಿ ವಿನ್ನರ್ ಆದರು.