ಪ್ರೇಯಸಿ ಮೇಲೆ ಗುಂಡಿನ ದಾಳಿ ನಡೆಸಿ ಖ್ಯಾತ ನಟ ಆತ್ಮಹತ್ಯೆ..!

ಪ್ರೇಯಸಿ ಮೇಲೆ ಗುಂಡು ಹಾರಿಸಿದ ಬಳಿಕ ಸ್ವಂತ ಗುಂಡು ಹೊಡೆದುಕೊಂಡು ಹಾಲಿವುಡ್ ನಟ ಹ್ಯಾಗನ್ ಮಿಲ್ಸ್ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ. ಈ ದಾಳಿಯಿಂದ ಗಾಯಗೊಂಡಿರುವ ಪ್ರಿಯತಮೆ ಎರಿಕಾ ಪ್ರೈಸ್​ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.

ಅಮೆರಿಕದ ಕೆಂಟುಕಿಯಲ್ಲಿರುವ ಹ್ಯಾಗನ್ ಮನೆಯಲ್ಲಿ ಈ ಘಟನೆ ನಡೆದಿದ್ದು, ಪ್ರೇಯಸಿ ಜೊತೆಗಿನ ಭಿನ್ನಾಭಿಪ್ರಾಯದಿಂದ ನಟ ಈ ದುಷ್ಕೃತ್ಯ ನಡೆಸಿದ್ದಾರೆ ಎಂದು ಪೊಲೀಸ್​ ಪ್ರಾಥಮಿಕ ತನಿಖೆಯಿಂದ ತಿಳಿದು ಬಂದಿದೆ.

ಅಮೆರಿಕದ ಕೆಂಟುಕಿಯಲ್ಲಿರುವ ಹ್ಯಾಗನ್ ಮನೆಯಲ್ಲಿ ಈ ಘಟನೆ ನಡೆದಿದ್ದು, ಪ್ರೇಯಸಿ ಜೊತೆಗಿನ ಭಿನ್ನಾಭಿಪ್ರಾಯದಿಂದ ನಟ ಈ ದುಷ್ಕೃತ್ಯ ನಡೆಸಿದ್ದಾರೆ ಎಂದು ಪೊಲೀಸ್​ ಪ್ರಾಥಮಿಕ ತನಿಖೆಯಿಂದ ತಿಳಿದು ಬಂದಿದೆ.

ಕೂಡಲೇ ಸ್ಥಳಕ್ಕೆ ಧಾವಿಸಿದ ಪೊಲೀಸರು ಎರಿಕಾ ಪ್ರೈಸ್​ರನ್ನು ಆಸ್ಪತ್ರೆಗೆ ತಲುಪಿಸಿ ಪ್ರಾಣ ಉಳಿಸುವಲ್ಲಿ ಯಶಸ್ವಿಯಾದರು. ಆದರೆ ಪ್ರೇಯಸಿ ಮೇಲೆ ದಾಳಿ ಬಳಿಕ ಹ್ಯಾಗನ್ ಸ್ವತಃ ಗುಂಡು ಹೊಡೆದುಕೊಂಡಿದ್ದರು. ಘಟನಾ ಸ್ಥಳಕ್ಕೆ ಬರುವಷ್ಟರಲ್ಲಿ ಆತ ಸ್ಥಳದಲ್ಲಿಯೇ ಸಾವನ್ನಪ್ಪಿರುವುದಾಗಿ ಪೊಲೀಸರು ತಿಳಿಸಿದ್ದಾರೆ.

ಘಟನೆಗೆ ಸಂಬಂಧಿಸಿದಂತೆ ಮೇಫೀಲ್ಡ್​ ಪೊಲೀಸರು ಎರಿಕಾ ಅವರಿಂದ ಮಾಹಿತಿ ಕಲೆ ಹಾಕಿದ್ದಾರೆ. ಈ ಬಗ್ಗೆ ಪ್ರಕರಣ ದಾಖಲಿಸಿ ದಾಳಿಗೆ ಕಾರಣವೇನು? ಎಂಬ ತನಿಖೆಯನ್ನು ಮುಂದುವರೆಸಿದ್ದಾರೆ.

1990ರ ಆಗಸ್ಟ್ 9ರಂದು ಜನಿಸಿದ್ದ ಹ್ಯಾಗನ್ ಮಿಲ್ಸ್ (29ವರ್ಷ) ಹಾಲಿವುಡ್​ನ ಬಾಸ್ಕೆಟ್ಸ್ ಸಿರೀಸ್ ಮೂಲಕ ಬಣ್ಣದ ಲೋಕದಲ್ಲಿ ಖ್ಯಾತಿಗಳಿಸಿದ್ದರು.

ಇದಲ್ಲದೆ ಪಂಕ್ಚರ್ ವೌಂಡ್ಸ್, ಬೋನಿ ಅ್ಯಂಡ್ ಕ್ಲೈಡ್, ಅಬಿಸ್ ಬಿಯಿಂಗ್ ಸೇರಿದಂತೆ ಹಲವು ಹಾಲಿವುಡ್​ ಸಿನಿಮಾಗಳಲ್ಲಿ ಹ್ಯಾಗನ್ ಅಭಿನಯಿಸಿದ್ದರು.