Kollywood Actor: ನನ್ನ ಮುಖ ನೋಡಿ ಇವ್ನು ಒಬ್ಬ ಹೀರೋನಾ ಎಂದ್ರು, ಕಾರಿನಲ್ಲಿ ಕೂತು ನಿತ್ಯ ಅಳುತ್ತಿದ್ದೆ; ಬಾಡಿ ಶೇಮಿಂಗ್ ಬಗ್ಗೆ ಧನುಷ್ ಮಾತು

ತಮಿಳು ನಟ ಧನುಷ್ (Dhanush) ಈಗ ಪ್ಯಾನ್ ವರ್ಲ್ಡ್ ಸ್ಟಾರ್. ಹಾಲಿವುಡ್ನಲ್ಲಿಯೂ ಸಿನಿಮಾ ಮಾಡಿದ್ದಾರೆ. ಧನುಷ್ ಅಭಿನಯಕ್ಕೆ ಅನೇಕ ವಿಮರ್ಶಕರು ಕೂಡ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಆದ್ರೆ ಧನುಷ್ ತಮ್ಮ ಲುಕ್​ನಿಂದ ಭಾರೀ ಟೀಕೆಗೆ ಗುರಿಯಾಗಿದ್ದರಂತೆ.

ಈಗ ಸಖತ್ ಹ್ಯಾಂಡ್ಸಮ್ ಆಗಿ ಕಾಣುವ ಧನುಷ್ ಚಿತ್ರರಂಗಕ್ಕೆ ಕಾಲಿಟ್ಟಾಗ ತೀರಾ ಸಣ್ಣಗಿದ್ರೂ, ಬಣ್ಣ ಹಾಗೂ ದೇಹಾಕಾರ ಬಗ್ಗೆ ಟೀಕೆ ಮಾಡಿದ್ದನ್ನು ಧನುಷ್ ನೆನಪು ಮಾಡಿಕೊಂಡಿದ್ದಾರೆ. ಸಿನಿಮಾ ಇಂಡಸ್ಟ್ರಿಯಲ್ಲಿ ನನ್ನ ಬಗ್ಗೆ ಹಾಡುತ್ತಿದ್ದ ಮಾತು ಕೇಳಿ ನಾನು ನಿತ್ಯ ಕಣ್ಣೀರು ಹಾಕ್ತಿದ್ದೆ ಎಂದು ಧನುಷ್ ಹೇಳಿದ್ದಾರೆ.

ಸಂದರ್ಶನವೊಂದರಲ್ಲಿ ಮಾತಾಡಿದ ನಟ ಧನುಶ್, ”ನಾನು ‘ಕಾದಲ್ ಕೊಂಡೇನ್’ ಸಿನಿಮಾ ಮಾಡುವಾಗ ಸೆಟ್​ನಲ್ಲಿ ಯಾರಾದರೂ ಬಂದು ಯಾರಪ್ಪ ಹೀರೋ ಅಂತ ಕೇಳಿದ್ರೆ ನಾನು ಬೇರೆಯವರ ಹೆಸರು ಹೇಳ್ತಿದ್ದೆ.

ಅನೇಕ ನಾನೇ ಸಿನಿಮಾ ನಾನೇ ಹೀರೋ ಎಂದು ತಿಳಿದಾಗ ಅವರು ನನ್ನನ್ನು ವ್ಯಂಗ್ಯ ಮಾಡುತ್ತಿದ್ದರು. ನನ್ನ ಆಕಾರ, ಬಣ್ಣ ಕಂಡು ನನ್ನನ್ನು ಆಟೋ ಡ್ರೈವರ್ ಎಂದು ಕರೆಯುತ್ತಿದ್ದರು. ಆಟೋ ಡ್ರೈವರ್ ನಟನಾಗಲು ಬಂದಿದ್ದಾನೆ ಎನ್ನುತ್ತಿದ್ದರು” ಎಂದು ಧನುಷ್ ಹೇಳಿದ್ದಾರೆ.

ಜನರ ಟೀಕೆ ಕೇಳಿ ನನಗೆ ಬಹಳ ದುಃಖವಾಗುತ್ತಿತ್ತು, ಆಗ ನಾನಿನ್ನೂ ಚಿಕ್ಕವನಾಗಿದ್ದೆ. ಅವ್ರಿಗೆಲ್ಲಾ ನಾನು ಎದುರು ಹೇಳುವ ಧೈರ್ಯ ಇರಲಿಲ್ಲ. ಹಾಗಾಗಿ ನಾನು ಕಾರಿನಲ್ಲಿ ಕುಳಿತು ಜೋರಾಗಿ ಅಳುತ್ತಿದ್ದೆ. ನನ್ನನ್ನು ಗೇಲಿ ಮಾಡದ ಒಬ್ಬೇ ಒಬ್ಬ ವ್ಯಕ್ತಿಯೂ ಆ ಸಿನಿಮಾದ ಸೆಟ್​ನಲ್ಲಿ ಇರಲಿಲ್ಲ ಎಂದು ಧನುಷ್ ಹೇಳಿದ್ದಾರೆ.

ಧನುಷ್ ಕೋಲು ಮುಖ, ಕಪ್ಪು ಬಣ್ಣದ ಕಾರಣ ಅನೇಕರ ಇವ್ರ ಮುಖದ ಬಗ್ಗೆ ಕೂಡ ಹಾಡಿಕೊಂಡಿದ್ದರಂತೆ. ಇವನು ಹೀರೋನಾ ಚಿತ್ರ ಪಕ್ಕಾ ಸೋಲುತ್ತೆ ಎಂದೆಲ್ಲಾ ಮಾತಾಡಿದ್ದರಂತೆ. ಆದ್ರೆ ಧನುಷ್ ಈ ಎಲ್ಲಾ ಟೀಕೆಗಳನ್ನು ಮೀರಿ ಗೆದ್ದಿದ್ದಾರೆ.

ಹೀರೋ ಲುಕ್ ಇಲ್ಲ ಎಂದು ಅನೇಕರು ಹಾಡಿಕೊಂಡಿದ್ದರಂತೆ. ಬಳಿಕ ಅನೇಕ ವಿಭಿನ್ನ ಪ್ರಯೋಗಾತ್ಮಕ ಸಿನಿಮಾಗಳನ್ನು ಆಯ್ಕೆ ಮಾಡಿಕೊಂಡ ಧನುಷ್ ಕಾಲಿವುಡ್​ನಲ್ಲಿ ಗೆದ್ದು ಸ್ಟಾರ್ ಹೀರೋ ಆಗಿದ್ದಾರೆ.

ತಮಿಳುನಾಡಿನಲ್ಲಿ ನಟ ಧನುಷ್​​ ಅಪಾರ ಅಭಿಮಾನಿ ಬಳಗವೇ ಇದೆ. ಇಬ್ಬರು ಗಂಡು ಮಕ್ಕಳ ತಂದೆಯಾದ್ರೂ ಧನುಷ್ ಇನ್ನೂ ಕಾಲೇಜು ಹುಡುಗನಂತೆ ಕಾಣ್ತಿದ್ದಾರೆ. ಇತ್ತೀಚಿಗಷ್ಟೇ ತೆರೆ ಕಂಡ ಧನುಷ್ ನಟಿಸಿರುವ ‘ವಾತಿ’ ಸಿನಿಮಾ ಸೂಪರ್ ಹಿಟ್ ಆಗಿದೆ.