Actor Chethan: ಸಲ್ಮಾನ್ ಖಾನ್​ನನ್ನು ಕಾಮುಕ ಎಂದ ಚೇತನ್! ಬಾಲಿವುಡ್ ನಟನ ಬಗ್ಗೆ ವ್ಯಂಗ್ಯ

ಮಹಿಳೆಯರ ದೇಹ ಅಮೂಲ್ಯವಾದದ್ದು. ಅದನ್ನು ಆದಷ್ಟು ಕವರ್ ಮಾಡಿದರೆ ಒಳ್ಳೆಯದು ಎಂದು ಬಾಲಿವುಡ್ ನಟ ಸಲ್ಮಾನ್ ಹೇಳಿಕೆ ನೀಡಿದ್ದರು. ಇದೆಲ್ಲ ಶುರುವಾಗಿದ್ದು ಪಲಕ್ ತಿವಾರಿ ಅವರು ಸಲ್ಮಾನ್ ಖಾನ್ ಕುರಿತು ಹೇಳಿಕೆಯಿಂದಾಗಿ.

ಪಲಕ್ ತಿವಾರಿ ಕಿಸಿ ಕಾ ಭಾಯ್ ಕಿಸಿ ಕಿ ಜಾನ್ ಸಿನಿಮಾ ರಿಲೀಸ್ ಆಗುವ ಮುನ್ನ ಪ್ರಮೋಷ್ ವೇಳೆ ಸಲ್ಮಾನ್ ಖಾನ್ ಸೆಟ್​ನಲ್ಲಿ ಹೆಣ್ಮಕ್ಕಳು ಡೀಪ್ ನೆಕ್​ಲೈನ್ ಬಟ್ಟೆ ಧರಿಸುವುದನ್ನು ಇಷ್ಟಪಡುವುದಿಲ್ಲ ಎಂದು ಹೇಳಿದ್ದರು. ಇದೇ ವಿಚಾರದ ಬಗ್ಗೆ ಸಲ್ಮಾನ್ ಖಾನ್ ಅವರನ್ನು ಇತ್ತೀಚೆಗೆ ಪ್ರಶ್ನಿಸಿದಾಗ ನಟ ಕೊಟ್ಟ ಉತ್ತರ ವೈರಲ್ ಆಗಿದೆ.

ಈಗ ಈ ಬೆಳವಣಿಗೆಗಳ ಬಗ್ಗೆ ನಟ ಚೇತನ್ ಅವರು ಪ್ರತಿಕ್ರಿಯಿಸಿದ್ದಾರೆ. ಸಲ್ಮಾನ್ ಖಾನ್ ಅವರು ಮಹಿಳೆಯರ ದೇಹ ಅಮೂಲ್ಯವಾದದ್ದು, ಹೆಚ್ಚು ಕವರ್ ಮಾಡಿದಷ್ಟು ಒಳ್ಳೆಯದು ಎಂದು ಹೇಳಿದ್ದಾರೆ. ವಿಪರ್ಯಾಸ! ಖಾನ್ ಅವರು ಕಾಮುಕ ಸ್ವಭಾವ, ಮಹಿಳೆಯರನ್ನು ಪ್ರಶ್ನಾರ್ಹ ರೀತಿಯಲ್ಲಿ ನಡೆಸಿಕೊಳ್ಳುವುದರಿಂದಲೇ ತಿಳಿಯಲ್ಪಟ್ಟಿದ್ದಾರೆ. 

ಇವರು ಮಹಿಳೆಯರ ಡ್ರೆಸ್ ಬಗ್ಗೆ ನೈತಿಕ ಪೊಲೀಸ್​ಗಿರಿ ತೋರಿಸುತ್ತಿದ್ದಾರೆ. ಸಲ್ಮಾನ್ ಖಾನ್ ಈ ಬಗ್ಗೆ ಕಮೆಂಟ್ ಮಾಡುವುದರಿಂದ ಅವರ ಅಜ್ಞಾನ/ಬೂಟಾಟಿಕೆ/ಪುರುಷಪ್ರಧಾನ ಯೋಚನೆಗಳು ಹೆಚ್ಚು ಸ್ಪಷ್ಟವಾಗುತ್ತದೆ ಎಂದು ಟ್ವೀಟ್ ಮಾಡಿದ್ದಾರೆ ಚೇತನ್.

ಸ್ಯಾಂಡಲ್​ವುಡ್ ನಟ ಚೇತನ್​ ಅವರು ಹಲವಾರು ವಿಚಾರಗಳ ಬಗ್ಗೆ ಕಮೆಂಟ್ ಮಾಡುತ್ತಲೇ ಇದ್ದಾರೆ. ಇತ್ತೀಚೆಗೆ ದಿ ಕೇರಳ ಸ್ಟೋರಿ ಸಿನಿಮಾವನ್ನು ಕಾಂಗ್ರೆಸ್ ವಿರೋಧಿಸಿದ ಬಗ್ಗೆಯೂ ಕಮೆಂಟ್ ಮಾಡಿದ್ದರು. ಈಗ ಸಲ್ಮಾನ್ ಖಾನ್ ಬಗ್ಗೆಯೂ ಮಾತನಾಡಿದ್ದಾರೆ.

[caption id="attachment_1089246" align="alignnone" width="875"] ಸಲ್ಮಾನ್ ಖಾನ್ ಐಶ್ವರ್ಯಾ ರೈ ಪರಸ್ಪರ ಪ್ರೀತಿಸುತ್ತಿದ್ದ ಸಮಯದಲ್ಲಿ ಸಲ್ಮಾನ್ ಖಾನ್ ಐಶ್ವರ್ಯಾ ಮೇಲೆ ದೈಹಿಕ ಹಲ್ಲೆ ನಡೆಸುತ್ತಿದ್ದರು ಎನ್ನಲಾಗಿದೆ. ವಿಪರೀತ ಕುಡಿದು ನಟ ಮಧ್ಯರಾತ್ರಿ ಐಶ್ ಮನೆಯ ಬಾಗಿಲು ತಟ್ಟಿ ರಂಪಾಟ ಮಾಡಿದ ವಿಚಾರ ಕೂಡಾ ಗುಟ್ಟಾಗಿ ಉಳಿದಿಲ್ಲ.

ನಟ ಚೇತನ್ ಅವರು ಸಲ್ಮಾನ್ ಖಾನ್ ಬಗ್ಗೆ ಕಮೆಂಟ್ ಮಾಡುವಾಗ debaucheries ಎಂಬ ಪದ ಬಳಸಿದ್ದು ಹೀಗೆಂದರೆ ದೈಹಿಕ ಸುಖದಲ್ಲಿ ಹೆಚ್ಚು ಒಳಗೊಂಡವರು ಎಂಬ ಅರ್ಥ ಇದೆ. ಡ್ರಗ್ಸ್, ಮದ್ಯ ಹೀಗೆ ಯಾವುದೇ ಚಟ ಇಟ್ಟವರು, ವಿಶೇಷವಾಗಿ ದೈಹಿಕ ಸುಖಕ್ಕೆ ಹೆಚ್ಚಿನ ಆದ್ಯತೆ ನೀಡುವವರು ಎಂದು ಅರ್ಥವಿದೆ. ಈ ಮೂಲಕ ನಟ ಸಲ್ಮಾನ್ ಅವರನ್ನು ಪರೋಕ್ಷವಾಗಿಯೇ ಕಾಮುಕ ಎಂದಿದ್ದಾರೆ ನಟ ಚೇತನ್.