ಅವೈಜ್ಞಾನಿಕ ವಿಚಾರ ಹರಡಬೇಡಿ: ಕಿಚ್ಚ ಸುದೀಪ್​ಗೆ ಆ ದಿನಗಳು ಚೇತನ್ ಕಿವಿಮಾತು..!

ವಿಶ್ವದೆಲ್ಲೆಡೆ ಕೊರೋನಾ ಭೀತಿ ಆವರಿಸಿದೆ. ಭಾರತ ಸೇರಿದಂತೆ ಹಲವು ದೇಶಗಳು ಈ ಸೋಂಕು ಹರಡದಂತೆ ಮುನ್ನೆಚ್ಚರಿಕೆ ಕ್ರಮಗಳನ್ನು ತೆಗೆದುಕೊಂಡಿವೆ.

ಅದರಲ್ಲೂ ಭಾನುವಾರ ಪ್ರಧಾನಿ ಮೋದಿ ಅವರ ಕರೆಯಂತೆ ಜನತಾ ಕರ್ಫ್ಯೂಗೆ ಮೂಲಕ ಆರೋಗ್ಯ ಇಲಾಖೆಯ ಸಿಬ್ಬಂದಿಗಳಿಗೆ ಚಪ್ಪಾಳೆ ತಟ್ಟಿ ಎಲ್ಲರೂ ಧನ್ಯವಾದ ಅರ್ಪಿಸಿದ್ದಾರೆ.

ಇದಕ್ಕೂ ಮುನ್ನ ಪ್ರಧಾನಿ ಅವರು ಎಲ್ಲರನ್ನು ಜನತಾ ಕರ್ಫ್ಯೂಗೆ ಬೆಂಬಲ ನೀಡುವಂತೆ ಮನವಿ ಮಾಡಿಕೊಂಡಿದ್ದರು. ಇದಕ್ಕೆ ಬಾಲಿವುಡ್, ಸ್ಯಾಂಡಲ್​ವುಡ್ ಸೇರಿದಂತೆ ಎಲ್ಲ ಸೆಲೆಬ್ರಿಟಿಗಳು ಸಪೋರ್ಟ್ ಸೂಚಿಸಿತ್ತು.

ಇತ್ತ ಈ ಅಭಿಯಾನದಲ್ಲಿ ಪಾಲ್ಗೊಳ್ಳುವಂತೆ ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ ಕೂಡ ಅಭಿಮಾನಿಗಳಲ್ಲಿ ಕೇಳಿಕೊಂಡಿದ್ದರು. ಅದರೊಂದಿಗೆ ಮಹಿಳೆಯೊಬ್ಬರ ವಿಡಿಯೋವೊಂದನ್ನು ಹಂಚಿಕೊಂಡಿದ್ದರು.

ಆ ವಿಡಿಯೋದಲ್ಲಿ ಮಹಿಳೆಯೊಬ್ಬರು ಪ್ರಧಾನಿಯವರು ನಿಮ್ಮ ಮೂಲಕ ಎನರ್ಜಿ ಮೆಡಿಸಿನ್ ಸೃಷ್ಟಿಸುತ್ತಿದ್ದಾರೆ. ನಿಮ್ಮ ಮನೆ ಮುಂದೆ ಅಥವಾ ಬಾಲ್ಕನಿಯಲ್ಲಿ ನಿಂತು ಚಪ್ಪಾಳೆ ತಟ್ಟುವಂತೆ ಕೇಳಿಕೊಂಡಿದ್ದಾರೆ. ಇದು ನಿಜಕ್ಕೂ ಅದ್ಭುತ ಕೆಲಸ. 5 ನಿಮಿಷ ಚಪ್ಪಾಳೆ ತಟ್ಟಿ, ಅಲ್ಲದೆ ಸಾಧ್ಯವಾದಷ್ಟು ಬೇರೆಯವರಿಗೂ ತಿಳಿಸಿ ಕೇಳಿಕೊಂಡಿದ್ದರು. ಇದೇ ವಿಡಿಯೋವನ್ನು ಕಿಚ್ಚ ಶೇರ್​ ಮಾಡಿದ್ದರು.

ನಾವೇನು ಕಳೆದುಕೊಳ್ಳುವುದಿಲ್ಲ. ಏನಾದರೂ ಲಾಭವಾಗುತ್ತಾ, ಆದರೂ ಆಗಬಹುದು. ಕನಿಷ್ಠ ಪಕ್ಷ ಪಯತ್ನ ಮಾಡೋಣ. ಇದು ನಮ್ಮೆಲ್ಲರ ಜೀವದ ವಿಚಾರ ಎಂದು ಸುದೀಪ್ ಜನತಾ ಕರ್ಫ್ಯೂಗೆ ಬೆಂಬಲ ಸೂಚಿಸಿ ವಿಡಿಯೋದೊಂದಿಗೆ ಟ್ವೀಟ್ ಮಾಡಿದ್ದರು.

ಇದೇ ಟ್ವೀಟ್​ಗೆ ನಟ ಚೇತನ್ ಪ್ರತಿಕ್ರಿಯಿಸಿದ್ದಾರೆ. ಸುದೀಪ್ ಸರ್... ನೀವು ಚಿತ್ರರಂಗದಲ್ಲಿ ಮಾಡಿರುವ ಕೆಲಸಗಳನ್ನು ಮತ್ತು ಸಾಧನೆಗಳನ್ನು ನಾನು ಗೌರುವಿಸುತ್ತೇನೆ. ನನ್ನ ಅಪ್ಪ-ಅಮ್ಮ ವೈದ್ಯರು, ಅವರ ಮಗನಾಗಿ ಪ್ರತಿಯೊಬ್ಬ ವೈದ್ಯರಿಗೆ ಗೌರವ ನೀಡಬೇಕಾಗುತ್ತದೆ. ಅದನ್ನು ಕೂಡ ನಾನು ಒಪ್ಪುತ್ತೇನೆ. ಆದರೆ...

ಎನರ್ಜಿ ಮೆಡಿಸಿನ್ ಥಿಯರಿ ಎಂಬುದು ಅವೈಜ್ಞಾನಿಕ ವಿಚಾರವಾಗಿದೆ. ಇಂತಹ ಮೆಸೇಜ್​ಗಳು ನಮ್ಮನ್ನು ತಪ್ಪುದಾರಿಗೆ ಕೊಂಡೊಯ್ಯುತ್ತದೆ. ಹಾಗೆಯೇ ಮೌಢ್ಯವನ್ನು ಸೃಷ್ಟಿಸುತ್ತದೆ. ವಿಜ್ಞಾನದ ಮೂಲಕ ಕೊರೋನಾ ವೈರಸ್ ವಿರುದ್ಧ ಹೋರಾಡೋಣ ಎಂದು ಚೇತನ್ ಹೇಳಿದ್ದಾರೆ.

ಅಂದಹಾಗೆ ಕೊರೋನಾ ವೈರಸ್ ಸೋಂಕಿರನ್ನು ಗುಣ ಪಡಿಸಲು ವೈದ್ಯರು, ನರ್ಸ್​ಗಳು ಮತ್ತು ಆರೋಗ್ಯ ಇಲಾಖೆಯ ಇತರೆ ಸಿಬ್ಬಂದಿಗಳು ದೇಶಾದ್ಯಂತ ಶ್ರಮಿಸುತ್ತಿದ್ದು, ಅವರಿಗೆ ಚಪ್ಪಾಳೆ ಮೂಲಕ ಧನ್ಯವಾದ ಅರ್ಪಿಸಲು ಪ್ರಧಾನಿ ಅವರು ಕೇಳಿಕೊಂಡಿದ್ದರ