Aditya Singh Rajput: ಯುವ ನಟ ಸಾವು, ಡ್ರಗ್ಸ್​ ಡೋಸ್ ಹೆಚ್ಚಾಯ್ತಾ?

ನಟ ಹಾಗೂ ಖ್ಯಾತ ರೂಪದರ್ಶಿ ಆದಿತ್ಯ ಸಿಂಗ್ ರಜಪೂತ್ ಮುಂಬೈನ ಅಂಧೇರಿಯಲ್ಲಿರುವ ತನ್ನ ಅಪಾರ್ಟ್​ಮೆಂಟ್​ನಲ್ಲಿ ಮೃತಪಟ್ಟ ಸ್ಥಿತಿಯಲ್ಲಿ ಪತ್ತೆಯಾಗಿದ್ದಾರೆ. ಕಟ್ಟಡದ 11ನೇ ಮಹಡಿಯಲ್ಲಿರುವ ಅಪಾರ್ಟ್​ಮೆಂಟ್​ನ ಬಾತ್​ರೂಮ್​ನಲ್ಲಿ ನಟ ಮೃತಪಟ್ಟ ಸ್ಥಿತಿಯಲ್ಲಿದ್ದರು.

ನಟನ ಗೆಳೆಯನಿಗೆ ಮೊದಲ ವಿಷಯ ಗೊತ್ತಾಗಿದೆ. ಓಶಿವಾರ ಪೊಲೀಸರು ಘಟನೆ ಖಚಿತಪಡಿಸಿದ್ದಾರೆ. ಘಟನೆಯ ಬಗ್ಗೆ ಹೆಚ್ಚಿನ ವಿವರಗಳು ಇನ್ನಷ್ಟೇ ತಿಳಿದುಬರಬೇಕಾಗಿದೆ.

ಎಎನ್​ಐ ನಟನ ಮೃತಪಟ್ಟಿರುವುದಾಗಿ ತಿಳಿಸಿದೆ. ನಟನ ಮೃತದೇಹವನ್ನು ಪೋಸ್ಟ್​ಮಾರ್ಟಂಗಾಗಿ ಕಳುಹಿಸಲಾಗಿದೆ. ನಟನ ಸ್ನೇಹಿತ ವಾಚ್​ಮ್ಯಾನ್ ಸಹಾಯದೊಂದಿಗೆ ನಟನನ್ನು ಆಸ್ಪತ್ರೆಗೆ ಸಾಗಿಸಿದ್ದಾರೆ. ಆದರೆ ಅಷ್ಟು ಹೊತ್ತಿಗಾಗಲೇ ನಟ ಮೃತಪಟ್ಟಿದ್ದರು.

ನಟನ ಸಾವಿನ ಕಾರಣ ತಿಳಿದುಬಂದಿಲ್ಲ. ಆದರೆ ನಟ ಡ್ರಗ್ಸ್ ಓವರ್​ಡೋಸ್​ನಿಂದ ಮೃತಪಟ್ಟಿದ್ದಾರೆ ಎಂದು ಹೇಳಲಾಗಿದೆ. ಆದರೆ ಈ ಬಗ್ಗೆ ಸ್ಪಷ್ಟನೆ ಸಿಕ್ಕಿಲ್ಲ.

ಆದಿತ್ಯ ಸಿಂಗ್ ರಜಪೂತ್ 17ನೇ ವರ್ಷದಲ್ಲಿಯೇ ಮನೋರಂಜನಾ ಕ್ಷೇತ್ರಕ್ಕೆ ಕಾಲಿಟ್ಟರು. ನಟ ಮಾಡೆಲ್ ಹಾಗೂ ಆ್ಯಕ್ಟರ್ ಆಗಿ ಗುರುತಿಸಿಕೊಂಡಿದ್ದರು. ಪ್ರೊಡಕ್ಷನ್ ಕೆಲಸವನ್ನೂ ಮಾಡುತ್ತಿದ್ದರು.

ದೆಹಲಿಯಲ್ಲಿ ಹುಟ್ಟಿ ಬೆಳೆದ ಆದಿತ್ಯ ಮೂಲತಃ ಉತ್ತರಾಖಂಡ್​ನವರು. ದೆಹಲಿಯ ಗ್ರೀನ್ ಫೀಲ್ಡ್ಸ್ ಸ್ಕೂಲ್​ನಲ್ಲಿ ಪ್ರಾಥಮಿಕ ಶಿಕ್ಷಣ ಪಡೆದಿದ್ದರು ನಟ.

ರ್ಯಾಂಪ್ ಮಾಡೆಲ್ ಆಗಿ ಆದಿತ್ಯ ಕೆರಿಯರ್ ಶುರು ಮಾಡಿದ್ದರು. ಕ್ರಾಂತಿವೀರ್, ಮೈನೆ ಗಾಂಧಿ ಕೋ ನಹೀ ಮಾರಾ ಸಿನಿಮಾಗಳಲ್ಲಿ ನಟಿಸಿದ್ದರು.

ಟಿವಿ ಶೋಗಳನ್ನು ಹೊರತುಪಡಿಸಿ ಆದಿತ್ಯ ಸಿಂಗ್ 125ಕ್ಕೂ ಹೆಚ್ಚು ಜಾಹೀರಾತುಗಳಲ್ಲಿ ಕಾಣಿಸಿಕೊಂಡಿದ್ದರು. ಸ್ಪ್ಲಿಟ್​ವಿಲ್ಲಾ 9 ರಿಯಾಲಿಟಿ ಶೋನಲ್ಲಿಯೂ ಭಾಗವಹಿಸಿದ್ದರು.

ಲವ್ ಆಶಿಕಿ, ಕೋಡ್ ರೆಡ್, ಅವಾಜ್ ಸೀಸನ್ 9, ಬ್ಯಾಡ್ ಬಾಯ್ ಸೀಸನ್ 4 ಹಾಗೂ ಇತರ ಪ್ರಾಜೆಕ್ಟ್​​ಗಳ ಭಾಗವಾಗಿದ್ದರು.