Amber Heard: ಸಂತಸದ ಸಂಗತಿಯಲ್ಲಿ ತೇಲಾಡುತ್ತಿರುವ ಜಾನಿ ಡೆಪ್​​ ಮಾಜಿ ಹೆಂಡತಿ! ವಿಶ್ವದ ಅತ್ಯಂತ ಸುಂದರವಾದ ಮುಖ ಹೊಂದಿದ್ದಾರಂತೆ ಅಂಬರ್ ಹರ್ಡ್

ಹಾಲಿವುಡ್ ತಾರೆ ಅಂಬರ್ ಹರ್ಡ್ ಬಹಳ ದಿನಗಳಿಂದ ಸುದ್ದಿಯಲ್ಲಿದ್ದಾರೆ. ತನ್ನ ಮಾಜಿ ಪತಿ ಮತ್ತು ನಟ ಜಾನಿ ಡೆಪ್ ವಿರುದ್ಧದ ಪ್ರಕರಣದಿಂದಾಗಿ ಅಂಬರ್ ಮತ್ತಷ್ಟು ಜನಪ್ರಿಯರಾಗಿದ್ದಾರೆ. ಅಂದಹಾಗೆಯೇ ಇತ್ತೀಚೆಗೆ ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ಹಾಲಿವುಡ್ ಜಾನಿ ಡೆಪ್ ಪರವಾಗಿ ಕೋರ್ಟ್ ತೀರ್ಪು ನೀಡಿದೆ.

ಜಾನಿ ಡೆಪ್ ಸಲ್ಲಿಸಿದ ಮಾನನಷ್ಟ ಮೊಕದ್ದಮೆಯಲ್ಲಿ ನ್ಯಾಯಾಲಯವು ಅಂಬರ್ ಹರ್ಡ್ ವಿರುದ್ಧ ತೀರ್ಪು ನೀಡಿತು. ಮಾನನಷ್ಟಕ್ಕಾಗಿ ಜಾನಿ ಡೆಪ್​ಗೆ 10.30 ಮಿಲಿಯನ್ ಡಾಲರ್ ಪಾವತಿಸಬೇಕು ಎಂದು ತಿಳಿದುಬಂದಿದೆ. ನ್ಯಾಯಾಲಯದ ತೀರ್ಪಿನ ನಂತರ ಜಾನಿ ಡೆಪ್ ಅವರ ಮಾಜಿ ಪತ್ನಿ ಅಂಬರ್ ಬೋರುನಾ ಬೇಸರಗೊಂಡಿದ್ದರು. ಆದರೀಗ ಈ ಸುಂದರಿಯ ಬಗ್ಗೆ ಸಂತಸದ  ಸುದ್ದಿಯೊಂದು ಹೊರಬಿದ್ದಿದೆ.

ಇತ್ತೀಚಿನ ಅಧ್ಯಯನದ ಪ್ರಕಾರ, ವಿಶ್ವದ ಅತ್ಯಂತ ಸುಂದರವಾದ ಮುಖವು ಅಂಬರ್ ಹರ್ಡ್ ಅವರದ್ದಾಗಿದೆ. ಅನೇಕ ವೈಜ್ಞಾನಿಕ ಮಾನದಂಡಗಳ ಆಧಾರದ ಮೇಲೆ ಅಂಬರ್ ಹರ್ಡ್ ಅತ್ಯಂತ ಸುಂದರವಾದ ಮುಖ ಎಂದು ತಜ್ಞರು ತೀರ್ಮಾನಿಸಿದ್ದಾರೆ.

UK ಯಲ್ಲಿನ ಸೌಂದರ್ಯವರ್ಧಕ ಶಸ್ತ್ರಚಿಕಿತ್ಸಕರ ಅಧ್ಯಯನವು ಅಂಬರ್ ಅವರ ಮುಖವು ಸ್ಥಿರತೆಯಿಂದ ಕೂಡಿದೆ ಎಂದು ಕಂಡುಹಿಡಿದಿದೆ. ಕಣ್ಣುಗಳು, ತುಟಿಗಳು ಮತ್ತು ಮುಖದ ಆಕಾರದಂತಹ ವೈಶಿಷ್ಟ್ಯಗಳನ್ನು ಆಧರಿಸಿ, ಈ ಅಧ್ಯಯನವು ಅಂಬರ್ ಹರ್ಡ್ ಅವರ ಮುಖವು ಸುಂದರವಾಗಿದೆ ಎಂದು ತಿಳಿಸಿದೆ

ಡಿಜಿಟಲ್ ಫೇಶಿಯಲ್-ಮ್ಯಾಪಿಂಗ್ ತಂತ್ರಜ್ಞಾನವನ್ನು ಬಳಸಿಕೊಂಡು ಮೌಲ್ಯಮಾಪನದಲ್ಲಿ ಅಂಬರ್ ಮುಖವು 91.85% ನಿಖರವಾಗಿದೆ ಎಂದು ಬ್ರಿಟಿಷ್ ಕಾಸ್ಮೆಟಿಕ್ ಸರ್ಜನ್ ಡಾ. ಜೂಲಿಯನ್ ಡಿ ಸಿಲ್ವಾ ಅಧ್ಯಯನವೊಂದರಲ್ಲಿ ಹೇಳಿದ್ದಾರೆ. ಈ ಅಧ್ಯಯನವು ಗ್ರೀಕ್ ಗೋಲ್ಡನ್ ರೇಶಿಯೋ ಆಫ್ ಬ್ಯೂಟಿಯನ್ನು ಆಧರಿಸಿದೆ.

ಆಕ್ವಾಮ್ಯಾನ್, ನೆವರ್ ಬ್ಯಾಕ್ ಡೌನ್, ಮತ್ತು ಡ್ರೈವ್ ಆಂಗ್ರಿ ಮುಂತಾದ ಚಿತ್ರಗಳಲ್ಲಿನ ಅಭಿನಯಕ್ಕಾಗಿ ಜನಪ್ರಿಯವಾಗಿರುವ ಅಂಬರ್ ಹರ್ಡ್, ಪ್ರಸ್ತುತ ಅಕ್ವಾಮ್ಯಾನ್ನ ಸೀಕ್ವೆಲ್ನಲ್ಲಿ ನಟಿಸುತ್ತಿದ್ದಾರೆ. ಜಾನಿ ಡೆಪ್ ಮತ್ತು ಅಂಬರ್ಹಾರ್ಡ್ 2015 ರಲ್ಲಿ ವಿವಾಹವಾದರು. ಆದರೆ ತಪ್ಪು ತಿಳುವಳಿಕೆಯಿಂದ ಒಂದು ವರ್ಷದೊಳಗೆ ದಂಪತಿಗಳು ಬೇರ್ಪಟ್ಟರು.2017 ರಲ್ಲಿ ಅಧಿಕೃತವಾಗಿ ವಿಚ್ಛೇದನ ಪಡೆದರು. ಆದಾಗ್ಯೂ, ಕೆಲವೇ ದಿನಗಳಲ್ಲಿ, ಇಬ್ಬರೂ ತುಂಬಾ ಆಕ್ಷೇಪಾರ್ಹರು ಎಂದು ಪರಸ್ಪರ ಆರೋಪಿಸಿಕೊಂಡು ಸುದ್ದಿ ಮಾಡಿದರು.