Aishwarya-Abhishek Bachchan: ಐಶ್ವರ್ಯಾ ರೈಗೆ ಶಾಕ್ ಕೊಟ್ಟ ನಟಿ! ಅಭಿಷೇಕ್ ಬಚ್ಚನ್ ನನ್ನ ಗಂಡ ಎಂದು ರಂಪಾಟ ಮಾಡಿದ ಈ ಮಾಡೆಲ್ ಯಾರು?

ಅಭಿಷೇಕ್ ಬಚ್ಚನ್ ಅವರ ಮದುವೆಯ ದಿನದಂದು ನಟಿ ಮತ್ತು ರೂಪದರ್ಶಿ ಜಾಹ್ನವಿ ಕಪೂರ್, ಐಶ್ವರ್ಯಾ ರೈ ಮದುವೆಯಾಗಿರುವ ನಟ ಅಭಿಷೇಕ್ ಬಚ್ಚನ್ ಅವರು ನನ್ನ ಪತಿ ಎಂದು ಹೇಳಿಕೊಂಡು ರಂಪಾಟ ಮಾಡಿದರು.

2007 ಏಪ್ರಿಲ್ 27ರಂದು ಅಭಿಷೇಕ್ ಬಚ್ಚನ್, ನಟಿ ಐಶ್ವರ್ಯಾ ರೈ ಮದುವೆ ಅದ್ಧೂರಿಯಾಗಿ ನಡೆಯಿತು. ಅನೇಕ ಬಾಲಿವುಡ್ ಸೆಲೆಬ್ರಿಟಿಗಳು ಹಾಗೂ ವಿವಿಧ ಕ್ಷೇತ್ರದ ಗಣ್ಯರು ಕಾರ್ಯಕ್ರಮಕ್ಕೆ ಆಗಮಿಸಿದ್ರು. ಈ ದಿನವೇ ನಟಿ ಹಾಗೂ ಮಾಡೆನ್ ಜಾಹ್ನವಿ ಅಭಿಷೇಕ್ ವಿರುದ್ಧ ಗಂಭೀರ ಆರೋಪ ಮಾಡಿದ್ದರು.

ಜಾಹ್ನವಿ ಅಮಿತಾಬ್ ಬಚ್ಚನ್ ಅವರ ಮನೆಯ ಹೊರಗೆ ತನ್ನ ಕೈಯನ್ನು ಕತ್ತರಿಸಿಕೊಂಡು ಆತ್ಮಹತ್ಯೆಗೆ ಯತ್ನಿಸಿದ್ರು. ಅಭಿಷೇಕ್ ನನ್ನ ಪತಿ, ಆತನನ್ನು ಐಶ್ವರ್ಯಾ ಮದುವೆಯಾಗಿದ್ದಾರೆ ಎಂದು ನಟಿ ಜಾನ್ವಿ ರಂಪಾಟ ಮಾಡಿದ್ರು.

ನಟಿ ಜಾಹ್ನವಿ, ಅಭಿಷೇಕ್ ಬಚ್ಚನ್ ಜೊತೆ ‘ದಾಸ್’ ಸಿನಿಮಾದಲ್ಲಿ ಕೆಲಸ ಮಾಡಿದ್ದರು. ಇದು ಪ್ರಚಾರದ ಸ್ಟಂಟ್ ಎಂದು ಹಲವರು ಹೇಳಿಕೊಂಡಿದ್ದರು. ಆದರೆ ಅಭಿಷೇಕ್ ಬಚ್ಚನ್ ನಟಿಯ ಆರೋಪಗಳನ್ನು ನಿರಾಕರಿಸಿದ್ರು. (ಫೋಟೋ ಕೃಪೆ: Instagram @aishwaryaraibachchan_arb)

ಐಶ್ವರ್ಯಾ ರೈ ಮತ್ತು ಅಭಿಷೇಕ್ ಬಚ್ಚನ್ ಮದುವೆ ದಿನ ಸಾಕಷ್ಟು ಗಲಾಟೆ ನಡೆದಿತ್ತು. ಮಾಧ್ಯಮ ವರದಿಗಳ ಪ್ರಕಾರ, ಜಾಹ್ವವಿ ಕಪೂರ್ ಮುಂಬೈನ ಜುಹು ಪೊಲೀಸ್ ಠಾಣೆಯಲ್ಲಿ ಅಭಿಷೇಕ್ ಬಚ್ಚನ್ ವಿರುದ್ಧ ದೂರು ದಾಖಲಿಸಿದ್ದರು. ಆದರೆ ಸಾಕ್ಷ್ಯಾಧಾರಗಳ ಕೊರತೆಯಿಂದಾಗಿ ಯಾವುದೇ ಪ್ರಕರಣ ದಾಖಲಾಗಿಲ್ಲ. (ಫೋಟೋ ಕೃಪೆ: Instagram @aishwaryaraibachchan_arb)

ಜಾಹ್ನವಿ ಕಪೂರ್ ಅಮಿತಾಬ್ ಬಚ್ಚನ್ ಅವರ ಮನೆಯ ಹೊರಗೆ ತನ್ನ ಕೈಯನ್ನು ಕತ್ತರಿಸಿಕೊಂಡು ಆತ್ಮಹತ್ಯೆಗೆ ಯತ್ನಿಸಿದ ನಂತರ, ಪೊಲೀಸರು ಮಾಡೆಲ್ ವಿರುದ್ಧ ಐಪಿಸಿಯ ಸೆಕ್ಷನ್ 309 ರ ಅಡಿಯಲ್ಲಿ ಆತ್ಮಹತ್ಯೆಗೆ ಯತ್ನಿಸಿದ ಪ್ರಕರಣವನ್ನು ದಾಖಲಿಸಿದ್ದರು. (ಫೋಟೋ ಕೃಪೆ: Instagram @aishwaryaraibachchan_arb)

ಗಲಾಟೆ ಬಳಿಕ ಜಾಹ್ನವಿ ಕಪೂರ್ ಅವರನ್ನು ಪೊಲೀಸರು ವಶಕ್ಕೆ ಪಡೆದಿದ್ದರು. ಇದಾದ ಬಳಿಕ ಆಕೆಯಿಂದ 10 ಸಾವಿರ ರೂಪಾಯಿ ದಂಡ ಪಾವತಿಸಿಕೊಂಡು ಬಿಡುಗಡೆ ಮಾಡಿದ್ರು. ಈ ಘಟನೆಯ ನಂತರ, ನಟಿ ಇದ್ದಕ್ಕಿದ್ದಂತೆ ಕಣ್ಮರೆಯಾದ್ರು. ಇನ್ನೂ ಯಾವತ್ತು ನಟಿ ಅಭಿಷೇಕ್ ಬಚ್ಚನ್ ಅವರ ಮನೆಯ ಹೊರಗೆ ಕಾಣಿಸಲಿಲ್ಲ. (ಫೋಟೋ ಕೃಪೆ: Instagram @aishwaryaraibachchan_arb)

ಅಭಿಷೇಕ್ ಬಚ್ಚನ್ ಮತ್ತು ಐಶ್ವರ್ಯಾ ರೈ ಮದುವೆಯಾಗಿ 16 ವರ್ಷಗಳಾಗಿವೆ. ದಂಪತಿಗೆ ಆರಾಧ್ಯ ಎಂಬ ಮುದ್ದಾದ ಮಗಳಿದ್ದಾಳೆ. ಮದುವೆಯಾದ ನಾಲ್ಕು ವರ್ಷಗಳ ನಂತರ 16 ನವೆಂಬರ್ 2011 ರಂದು ಆರಾಧ್ಯ ಜನಿಸಿದರು.