Abhishek Bachchan: ಐಶ್ವರ್ಯಾ ಸಿನಿಮಾ ಸೈನ್ ಮಾಡಲಿ, ನೀವು ಮಗಳನ್ನು ನೋಡ್ಕೊಳ್ಳಿ ಎಂದ ನೆಟ್ಟಿಗರ ಮೇಲೆ ಸಿಟ್ಟಾದ ಅಭಿಷೇಕ್ ಬಚ್ಚನ್

ಅಭಿಷೇಕ್ ಬಚ್ಚನ್ ಟ್ವಿಟರ್‌ನಲ್ಲಿ ಆ್ಯಕ್ಟಿವ್ ಆಗಿದ್ದಾರೆ. ಯಾರಾದರೂ ತಮ್ಮ ಅಥವಾ ತಮ್ಮ ಕುಟುಂಬದ ಬಗ್ಗೆ ಒಳ್ಳೆಯ ಅಥವಾ ಕೆಟ್ಟದ್ದನ್ನು ಹೇಳಿದರೆ ಅವರು ತಕ್ಷಣ ಪ್ರತಿಕ್ರಿಯಿಸುತ್ತಾರೆ. ಇದು ಮತ್ತೊಮ್ಮೆ ಸಂಭವಿಸಿದೆ. ನೆಟ್ಟಿಗರು ಐಶ್ವರ್ಯಾ ಬಗ್ಗೆ ಸಲಹೆ ನೀಡಿದ ತಕ್ಷಣ, ನಟರು ಅವರಿಗೆ ಪ್ರತ್ಯುತ್ತರ ಕೊಟ್ಟಿದ್ದಾರೆ.

ಮಣಿರತ್ನಂ ಅವರ ಪೊನ್ನಿಯಿನ್ ಸೆಲ್ವನ್ ಚಿತ್ರದಲ್ಲಿ ನಟಿ ಐಶ್ವರ್ಯಾ ರೈ ಬಚ್ಚನ್ ಪ್ರಮುಖ ಪಾತ್ರದಲ್ಲಿ ನಟಿಸುತ್ತಿದ್ದಾರೆ. ನಂದಿನಿ ಪಾತ್ರವನ್ನು ಮಾಡಿದ ಐಶ್ ಬಗ್ಗೆ ವ್ಯಾಪಕ ಮೆಚ್ಚುಗೆ ವ್ಯಕ್ತವಾಗಿದೆ.

ಚಿತ್ರ ವೀಕ್ಷಿಸಿದ ನಂತರ ಅಭಿಷೇಕ್ ಸಾಮಾಜಿಕ ಜಾಲತಾಣದಲ್ಲಿ ವಿಮರ್ಶೆಯನ್ನು ಹಂಚಿಕೊಂಡಿದ್ದಾರೆ. ಆದರೆ ನೆಟ್ಟಿಗರು ಅವರನ್ನು ಟ್ರೋಲ್ ಮಾಡಿದ್ದಾರೆ. ಅಭಿಷೇಕ್ ಪತ್ನಿ ಐಶ್ವರ್ಯಾ ಅವರನ್ನು ಹೊಗಳಿ ಟ್ವೀಟ್ ಮಾಡಿದ್ದರು.

ಪೊನ್ನಿಯಿನ್ ಸೆಲ್ವನ್ 2 ಅತ್ಯುತ್ತಮ ಚಿತ್ರ. ಈ ಸಿನಿಮಾದ ಬಗ್ಗೆ ಮಾತನಾಡಲು ನನ್ನ ಬಳಿ ಪದಗಳಿಲ್ಲ. ಇಡೀ ತಂಡ ಉತ್ತಮ ಕೆಲಸ ಮಾಡಿದೆ. ನನ್ನ ಹೆಂಡತಿಯ ಬಗ್ಗೆ ನನಗೆ ಹೆಮ್ಮೆ ಇದೆ. ಇದು ಅವರ ಈವರೆಗಿನ ಅತ್ಯುತ್ತಮ ವರ್ಕ್ ಎಂದು ನಾನು ಭಾವಿಸುತ್ತೇನೆ ಎಂದು ಅವರು ಟ್ವಿಟ್ ಮಾಡಿದ್ದರು.

ಈ ವಿಷಯವನ್ನು ಅಭಿಷೇಕ್ ಟ್ವೀಟ್ ಮಾಡಿದ್ದಾರೆ. ಅದನ್ನು ನೋಡಿದ ಅಭಿಮಾನಿಯೊಬ್ಬರು ಸಲಹೆ ನೀಡಿದ್ದಾರೆ. ಈ ಬಗ್ಗೆ ಅಭಿಷೇಕ್ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಅಭಿಮಾನಿ ಸಲಹೆ ಕೇಳಿ ಸಿಕ್ಕಾಪಟ್ಟೆ ಕೋಪ ಮಾಡ್ಕೊಂಡಿದ್ದಾರೆ ಅಭಿಷೇಕ್.

ನೆಟ್ಟಿಗರೊಬ್ಬರು, 'ನೀವು ಐಶ್ವರ್ಯಾ ಬಗ್ಗೆ ಹೆಮ್ಮೆ ಪಡಬೇಕು. ಆಕೆಯನ್ನು ಇನ್ನಷ್ಟು ಚಿತ್ರಗಳಿಗೆ ಸಹಿ ಮಾಡಲು ಬಿಡಿ. ಆರಾಧ್ಯಳನ್ನು ನೀವೇ ನೋಡಿಕೊಳ್ಳಿ ಎಂದು ಅಭಿಷೇಕ್ ಅವರಿಗೆ ನೆಟ್ಟಿಗರು ಹೇಳುತ್ತಿರುವುದು ಕಂಡುಬಂದಿದೆ.

ಅಭಿಷೇಕ್ ಸುಮ್ಮನೆ ಕೂರಲಿಲ್ಲ. ಟ್ರಾಲರ್‌ಗೆ ಉತ್ತರಿಸಿದ ಅವರು, 'ನಾನು ಪರ್ಮಿಷನ್ ಕೊಡಬೇಕೆ? ಸರ್ ಅವಳಿಗೆ ನನ್ನ ಅನುಮತಿ ಬೇಕಾಗಿಲ್ಲ. ವಿಶೇಷವಾಗಿ ಅವಳು ಇಷ್ಟಪಡುವ ಯಾವುದೇ ಕೆಲಸ ಮಾಡಲು ನನ್ನ ಅನುಮತಿ ಬೇಕಿಲ್ಲ ಎಂದಿದ್ದಾರೆ.

ಮಗಳು ಹುಟ್ಟಿದ ಮೇಲೆ ಐಶ್ವರ್ಯಾ ರೈ ಸಿನಿಮಾದಿಂದ ಗ್ಯಾಪ್ ತೆಗೆದುಕೊಂಡರು. ಆದರೆ ಈ ಬಾರಿ ಮಣಿರತ್ನಂ ಸಿನಿಮಾದಲ್ಲಿ ನಟಿಸುವ ಮೂಲಕ ಪ್ರೇಕ್ಷಕರು ಮತ್ತೆ ಮತ್ತೆ ಅವರ ಸಿನಿಮಾ ಬಯಸುವಂತೆ ಮಾಡಿದ್ದಾರೆ.

ಐಶ್ವರ್ಯಾ ಅಭಿನಯಕ್ಕೆ ವ್ಯಾಪಕ ಮೆಚ್ಚುಗೆ ವ್ಯಕ್ತವಾಗಿದ್ದು ಟ್ರೋಲ್ ಮಾಡಲು ಬಂದವನ ಬಾಯಿ ಮುಚ್ಚಿಸಿ ಸುಮ್ಮನಾಗಿದ್ದಾರೆ ಅಭಿಷೇಕ್ ಬಚ್ಚನ್. ಆದರೆ ಈ ಟ್ವೀಟ್ ಎಕ್ಸ್​ಚೇಂಜ್ ವೈರಲ್ ಆಗಿದೆ.