Bollywood Stars: ಸಲ್ಮಾನ್ ಮನೆಯಲ್ಲಿ ಬೆಳಗ್ಗೆ 4 ಗಂಟೆ ತನಕ ಖಾನ್​ಗಳ ಪಾರ್ಟಿ!

ಅಮೀರ್ ಖಾನ್, ಸಲ್ಮಾನ್ ಖಾನ್, ಶಾರುಖ್ ಖಾನ್ ಅವರು ಬಾಲಿವುಡ್​ನ ಖ್ಯಾತ ನಟರ ಲಿಸ್ಟ್​ನಲ್ಲಿ ಟಾಪ್​ನಲ್ಲಿದ್ದಾರೆ. ಇವರಿಗೆ ಅಪಾರ ಅಭಿಮಾನಿಗಳೂ ಇದ್ದಾರೆ. ಕಳೆದ 30 ವರ್ಷಗಳಲ್ಲಿ ಹಲವು ಸೂಪರ್ ಹಿಟ್ ಸಿನಿಮಾಗಳನ್ನು ಕೊಟ್ಟಿದ್ದಾರೆ ಈ ನಟರು.

ಇಂದಿಗೂ ಈ ನಟರು ಸೂಪರ್ ಹಿಟ್ ಸಿನಿಮಾಗಳನ್ನು ಮಾಡುತ್ತಿದ್ದಾರೆ. ಇವರ ಹೆಸರಿನಿಂದಲೇ ಥಿಯೇಟರ್​ಗೆ ಜನರು ಬರುತ್ತಾರೆ ಎನ್ನುವುದು ಕೂಡಾ ಅಷ್ಟೇ ಸತ್ಯ. ಈ ಸಂದರ್ಭ ಸದ್ಯ ಬಾಲಿವುಡ್ ಸ್ವಲ್ಪ ಸ್ಲೋ ಆಗಿದೆ.

ಇದೀಗ ಪಿಂಕ್​ವಿಲ್ಲಾ ಪ್ರಕಾರ ಈ ಮೂವರು ನಟರೂ ಮೇ 16ರಂದು ವಿಶೇಷವಾಗಿ ಭೇಟಿ ಮಾಡಿದ್ದಾರೆ ಎನ್ನಲಾಗಿದೆ. ಮೇ 16ರಂದು ಸಲ್ಮಾನ್ ಖಾನ್ ಅವರ ಗ್ಯಾಲಕ್ಸಿ ಅಪಾರ್ಟ್​ಮೆಂಟ್​ನಲ್ಲಿ ಭೇಟಿಯಾಗಿದ್ದು ಬೆಳಗ್ಗೆ 4 ಗಂಟೆಯ ತನಕವೂ ಪಾರ್ಟಿ ಮಾಡಿದ್ದಾರೆ.

ಅಮೀರ್, ಸಲ್ಮಾನ್ ಹಾಗೂ ಶಾರುಖ್ ಖಾನ್ ಅವರು ತಮ್ಮ ಕೆರಿಯರ್ ಬಗ್ಗೆ ಚರ್ಚಿಸಿದ್ದಾರೆ ಎನ್ನಲಾಗಿದೆ. ಪರ್ಫೆಕ್ಷನಿಸ್ಟ್ ಎಂದು ಕರೆಸಿಕೊಳ್ಳುವ ಅಮೀರ್ ಖಾನ್ ಅವರು ಮೊದಲು ಸಲ್ಮಾನ್ ಖಾನ್ ಅವರ ಮನೆಗೆ ತಲುಪಿದ್ದಾರೆ ಎಂದು ಹೇಳಲಾಗಿದೆ.

ಆದರೆ ಸಲ್ಮಾನ್ ಖಾನ್ ಹಾಘೂ ಅಮೀರ್ ಖಾನ್ ಅವರು ಬರುವಾಗ ತಡವಾಗಿದೆ. ಅವರು ಸದ್ಯ ಟೈಗರ್ 3ಶೂಟಿಂಗ್ ಮುಗಿಸಿದ ಬಂದಿದ್ದಾರೆ. ಇವರು ಮೂವರು ಒಟ್ಟಿಗೆ ಕುಳಿತು ಏನು ಮಾತನಾಡಿದ್ದಾರೆ ಎನ್ನುವ ಚರ್ಚೆ ನೆಟ್ಟಿಗರ ಮಧ್ಯೆ ಜೋರಾಗಿದೆ.

ನಟರು ತಮ್ಮ ಸಿನಿಮಾ ಕೆರಿಯರ್, ತಪ್ಪುಗಳು, ಸೋಲುಗಳು, ಗೆಲುವುಗಳ ಬಗ್ಗೆ ಮಾತನಾಡಿದ್ದಾರೆ ಎನ್ನಲಾಗಿದೆ. ಹಳೆಯ ಸಂಗತಿಗಳನ್ನೂ ಚರ್ಚೆ ಮಾಡಿದ್ದಾರೆ ಎನ್ನಲಾಗುತ್ತಿದೆ.

ಮೂವರು ಬಹಳಷ್ಟು ಸಮಯದ ನಂತರ ಜೊತೆಯಾಗಿ ಸಿಕ್ಕಿದ್ದು ಈ ಸಮಯವನ್ನು ಎಂಜಾಯ್ ಮಾಡಿದ್ದಾರೆ ಎನ್ನಲಾಗಿದೆ. ಸಲ್ಮಾನ್ ಖಾನ್ ಹಾಗೂ ಶಾರುಖ್ ಅವರು ಅಮೀರ್ ಖಾನ್ ಅವರಿಗೆ ಬ್ರೇಕ್ ಕಡಿಮೆ ಮಾಡಿ ಸಿನಿಮಾಗೆ ಬರುವಂತೆ ಸಲಹೆ ಕೊಟ್ಟಿದ್ದಾರೆ ಎಂದು ಹೇಳಲಾಗಿದೆ.

ಅಮೀರ್ ಖಾನ್ ಅವರು ತನ್ನಿಬ್ಬರು ಗೆಳೆಯರೊಂದಿಗೆ ಮಾತನಾಡಿ ಯುರೋಪ್ ಟೂರ್​ಗೆ ಹೋಗೋಣ ಎಂದು ಮಾತನಾಡಿದ್ದಾರೆ ಎನ್ನಲಾಗಿದೆ. ಕೆಲಸದಲ್ಲಿ ಹೆಚ್ಚು ಸ್ಟ್ರೆಸ್ ತೆಗೆದುಕೊಳ್ಳದೆ ಸ್ವಲ್ಪ ಬಿಡುವು ಮಾಡಲು ಸ್ನೇಹಿತರಿಗೆ ಹೇಳಿದ್ದಾರೆ ಎನ್ನಲಾಗಿದೆ.