Shah Rukh Khan-Pathaan: ಐದು ಬಾರಿ ಪಠಾಣ್ ಸಿನಿಮಾ ನೋಡಿದೆ, ನನಗೆ 1 ಕೋಟಿ ಕೊಡಿ! ಅಭಿಮಾನಿ ಬೇಡಿಕೆಗೆ ಶಾರುಖ್ ಹೇಳಿದ್ದೇನು?

4 ವರ್ಷಗಳ ಬಳಿಕ ರಿಲೀಸ್ ಆದ ಶಾರುಖ್ ಖಾನ್ ಸಿನಿಮಾ ಭರ್ಜರಿ ಪ್ರದರ್ಶನ ಕಾಣ್ತಿದೆ. ಪಠಾಣ್ ಸಿನಿಮಾಗಳು ಬಾಲಿವುಡ್ ಸಿನಿಮಾ ದಾಖಲೆಗಳನ್ನು ಉಡೀಸ್ ಮಾಡಿ ಮುನ್ನುಗುತ್ತಿದೆ.

ಬಿಡುಗಡೆಗೂ ಮುನ್ನವೇ ಹಲವು ವಿವಾದಗಳಲ್ಲಿ ಸಿಲುಕಿದ್ದ ಈ ಸಿನಿಮಾ ರಿಲೀಸ್ ನಂತರ ಥಿಯೇಟರ್​ಗಳಲ್ಲಿ ಹವಾ ಎಬ್ಬಿಸುತ್ತಿದೆ. ಬಾಕ್ಸ್ ಆಫೀಸ್​ನಲ್ಲಿ ಧೂಳೆಬ್ಬಿಸುತ್ತಾ ಕಲೆಕ್ಷನ್ ಸುನಾಮಿ ಎಬ್ಬಿಸುತ್ತಿದೆ.

ಜನವರಿ 25 ರಂದು ಬಿಡುಗಡೆಯಾದ ಈ ಚಿತ್ರವು ಮೊದಲ ದಿನದಲ್ಲಿ ಗಲ್ಲಾಪೆಟ್ಟಿಗೆ ಭರ್ಜರಿ ಸದ್ದು ಮಾಡ್ತಿದೆ. ಪಾಸಿಟಿವ್ ಟಾಕ್ ನಿಂದಾಗಿ ಕಲೆಕ್ಷನ್ ಗಳು ಸಹ ಹೆಚ್ಚಿವೆ. ಇದರೊಂದಿಗೆ ಪಠಾಣ್ ವಿಶ್ವಾದ್ಯಂತ ಪಠಾಣ್ ಸಿನಿಮಾ ಕಲೆಕ್ಷನ್ 700 ಕೋಟಿ ರೂ ಗಡಿ ದಾಟಿದೆ.

ಪಠಾಣ್ ಬಾಕ್ಸ್ ಆಫೀಸ್ ನಲ್ಲಿ ಉತ್ತಮ ಪ್ರದರ್ಶನ ಕಾಣುತ್ತಿದೆ. ಶಾರುಖ್, ದೀಪಿಕಾ ಪಡುಕೋಣೆ, ಜಾನ್ ಅಬ್ರಹಾಂ ಅಭಿನಯದ ಈ ಚಿತ್ರ ಬಾಕ್ಸ್ ಆಫೀಸ್ ನಲ್ಲಿ ಬಂಪರ್ ಓಪನಿಂಗ್ ಪಡೆದಿದೆ. ಸಿನಿಮಾ ತಂಡ ಕೂಡ ಸಕ್ಸಸ್ ಖುಷಿಯಲ್ಲಿದೆ.

ಪಠಾಣ್ ಸಿನಿಮಾ ಜನರಿಗೆ ಇಷ್ಟವಾಗಿದೆ. ಶಾರುಖ್ ಫ್ಯಾನ್ಸ್ ಈ ಚಿತ್ರವನ್ನು ಹೆಚ್ಚು ಇಷ್ಟಪಟ್ಟು ನೋಡುತ್ತಿದ್ದಾರೆ. 2-3 ಬಾರಿ ಸಿನಿಮಾ ನೋಡುತ್ತಿದ್ದಾರೆ. ಇದನ್ನು ಅನೇಕರು ಶಾರುಖ್ ಖಾನ್ ಬಳಿ ಹೇಳಿಕೊಂಡಿದ್ದು, 1 ಕೋಟಿ ರೂಪಾಯಿಗೆ ಬೇಡಿಕೆ ಕೂಡ ಇಟ್ಟಿದ್ದಾನೆ.

‘ನಾನು ಪಠಾಣ್ ಚಿತ್ರವನ್ನು 5 ಬಾರಿ ನೋಡಿದ್ದೇನೆ. 700 ಕೋಟಿ ರೂಪಾಯಿಯಲ್ಲಿ 1 ಕೋಟಿ ರೂಪಾಯಿ ನನಗೆ ನೀಡಿ’ ಎಂದು ಅಭಿಮಾನಿ ಶಾರುಖ್ ಖಾನ್ ಬಳಿ ಕೋರಿದ್ದಾನೆ.

ಅಭಿಮಾನಿ ಬೇಡಿಕೆಗೆ ಶಾರುಖ್ ಖಾನ್ ಕೂಡ ಬುದ್ದಿವಂತಿಕೆಯಲ್ಲೇ ಉತ್ತರ ನೀಡಿದ್ದಾನೆ. ಇಷ್ಟು ರಿಟರ್ನ್ ಷೇರು ಮಾರುಕಟ್ಟೆಯಲ್ಲೂ ಸಿಗೋದಿಲ್ಲ. ಇನ್ನೂ ಕೆಲವು ಬಾರಿ ಸಿನಿಮಾ ನೋಡಿ. ಆ ಮೇಲೆ ನೋಡೋಣ ಎಂದು ಶಾರುಖ್ ಖಾನ್ ಹೇಳಿದ್ದಾರೆ.

#AskSRK ಪೇಜ್ನಲ್ಲಿ ಅಭಿಮಾನಿಗಳು ಕೇಳುವ ಪ್ರಶ್ನೆಗೆ ಶಾರುಖ್ ಖಾನ್ ಅವರೇ ಉತ್ತರ ನೀಡುತ್ತಿದ್ದು, ಫ್ಯಾನ್ ಕೂಡ ಖುಷ್ ಆಗಿದ್ದಾರೆ. ಶಾರುಖ್ಗೆ ಅಭಿಮಾನಿಗಳಿಂದ ಪ್ರಶ್ನೆಗಳ ಸುರಿಮಳೆಯಾಗಿದೆ.