67th National Films Awards ಸಮಾರಂಭದಲ್ಲಿ ಟ್ರಡಿಷನಲ್​ ಲುಕ್​ನಲ್ಲಿ Kangana Ranaut

ನಟಿ ಕಂಗನಾ ರನೌತ್​ ತಮ್ಮ ನಾಲ್ಕನೇ ರಾಷ್ಟ್ರೀಯ ಪ್ರಶಸ್ತಿ ಪ್ರದಾನ ಕಾರ್ಯಕ್ರಮಕ್ಕಾಗಿ ತುಂಬಾ ಉತ್ಸುಕರಾಗಿದ್ದರು. ಅವರು ತುಂಬಾ ಸಮಯದಿಂದ ಈ ಸಮಾರಂಭದಲ್ಲಿ ಭಾಗಿಯಾಗಲು ತಯಾರಿ ನಡೆಸಿದ್ದರು. ಈ ಕಾರ್ಯಕ್ರಮದಲ್ಲಿ ಯಾವ ಸೀರೆಯುಡಬೇಕು, ಆಭರಣಗಳು ಯಾವ ಡಿಸೈನ್​ನದ್ದಾಗಿರಬೇಕೆಂದು ಎಲ್ಲ ಪ್ಲಾನ್​ ಮಾಡಿಕೊಂಡಿದ್ದರು.

ಕಂಗನಾ ರನೌತ್​ ಅವರು ಕಾತರದಿಂದ ಕಾಯುತ್ತಿದ್ದ ಈಗ ಬಂದಿದೆ. ಇಂದು  67th National Films Awards ಸಮಾರಂಭ ನಡೆಯುತ್ತಿದೆ. ಅದರಲ್ಲಿ ಕಂಗನಾ ಭಾಗಿಯಾಗಿದ್ದಾರೆ. ಎಂದಿನಂತೆ ಈ ಕಾರ್ಯಕ್ರಮದಲ್ಲಿ ಕಂಗನಾ ಸಖತ್ ಟ್ರಡಿಷನಲ್ ಲುಕ್​ನಲ್ಲಿ ಕಾಣಿಸಿಕೊಂಡಿದ್ದಾರೆ.

ಚಿನ್ನದ ಬಣ್ಣದ ರೇಷ್ಮೆ ಸೀರೆಗೆ ಕೆಂಪು ಬಣ್ಣದ ಬಾರ್ಡರ್​ ಇದ್ದು, ಅದಕ್ಕೆ ಮ್ಯಾಚ್​ ಆಗುವ ಆಭರಣದ ಸೆಟ್​ ಧರಿಸಿದ್ದಾರೆ. ಹಣೆಗೆ ಕುಂಕುಮ, ತಲೆಗೆ ಮಲ್ಲಿಗೆ ಹೂ ಮುಡಿದ ಕಂಗನಾ ಸಖತ್​ ಸಾಂಪ್ರದಾಯಿಕವಾಗಿ ಕಾಣಿಸಿಕೊಂಡಿದ್ದಾರೆ.

ಪ್ರಶಸ್ತಿ ಪ್ರದಾನ ಸಮಾರಂಭದಲ್ಲಿ ಭಾಗಿಯಾಗುವ ಮುನ್ನ ತೆಗೆದ ತಮ್ಮ ಲೆಟೆಸ್ಟ್​ ಲುಕ್​ನ ಚಿತ್ರಗಳನ್ನು ಇನ್​ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದಾರೆ ಕಂಗನಾ ರನೌತ್​. ಈ ಫೋಟೋಗಳಿಗೆ ನೆಟ್ಟಿಗರು ಮೆಚ್ಚುಗೆ ಸೂಚಿಸುತ್ತಾ ಕಮೆಂಟ್​ ಸಹ ಮಾಡುತ್ತಿದ್ದಾರೆ.

ಕೊರೋನಾ ಕಾರಣದಿಂದಾಗಿ ಒಂದು ವರ್ಷ ತಡವಾಗಿ 67ನೇ ರಾಷ್ಟ್ರೀಯ ಚಲನಚಿತ್ರ ಪ್ರಶಸ್ತಿ ಪ್ರಕಟವಾಯಿತು. ಇದರಲ್ಲಿ ಮಣಿಕರ್ಣಿಕಾ (Manikarnika - The Queen of Jhansi (2019)) ಹಾಗೂ ಪಂಗಾ (Panga(2020)) ಸಿನಿಮಾದಲ್ಲಿನ ನಟನೆಗಾಗಿ ಕಂಗನಾ ರನೌತ್​ (Kangana Ranaut) ಅವರು ಅತ್ಯುತ್ತಮ ನಟಿ ಪ್ರಶಸ್ತಿ ಪಡೆದುಕೊಂಡಿರುವ ವಿಷಯ ಬಹಿರಂಗವಾಗಿತ್ತು. ಈಗ ಈ ಪ್ರಶಸ್ತಿ ಪ್ರದಾನ ಕಾರ್ಯಕ್ರಮ ದಲ್ಲಿ ಕಂಗನಾ ಉತ್ತಮ ನಟ ಪ್ರಶಸ್ತಿ ಪಡೆದ ಧನುಷ್​ ಜತೆ ಫೋಟೋ ಕ್ಲಿಕ್ಕಿಸಿಕೊಂಡು ಇನ್​ಸ್ಟಾ ಸ್ಟೋರೀಸ್​ನಲ್ಲಿ ಶೇರ್​ ಮಾಡಿದ್ದಾರೆ.

ತಮ್ಮ ನಾಲ್ಕನೇ ರಾಷ್ಟ್ರೀಯ ಪ್ರಶಸ್ತಿ ಪ್ರದಾನ ಕಾರ್ಯಕ್ರಮಕ್ಕೆಂದು ಕಂಗನಾ ರನೌತ್ ಅವರು ಎಮರಾಲ್ಡ್​ನ ನೆಕ್​ ಪೀಸ್ ಹಾಗೂ ಕವಿಯೋಲೆಯನ್ನು ಮಾಡಿಸಿಕೊಂಡಿದ್ದರು. ಆದರೆ ಸಮಾರಂಭ ನಡೆಯೋದಿ ತಡವಾದ ಕಾರಣಕ್ಕೆ ಅದನ್ನು ತಲೈವಿ ಸಿನಿಮಾ ಪ್ರಚಾರದ ಕಾರ್ಯಕ್ರಮದಲ್ಲಿ ಧರಿಸಿ ಸುದ್ದಿಯಾಗಿದ್ದರು.