Celebrities: ಇತ್ತೀಚೆಗೆ ತೂಕ ಇಳಿಸಿಕೊಂಡು ಸಖತ್ ಸ್ಲಿಮ್​ ಆದ ಟಾಪ್ 5 ಸೆಲೆಬ್ರಿಟಿಗಳು ಇವರೇ..!

ದಪ್ಪ ಇರುವವರಿಗೆ ಸಣ್ಣ ಆಗುವ ಚಿಂತೆಯಾದರೆ, ಸಣ್ಣಗಿರುವವರಿಗೆ ನಾವು ಯಾವಾಗ ದಪ್ಪ ಆಗೋದು ಅನ್ನುವ ಚಿಂತೆ. ದಪ್ಪಗಿರುವವರು ಸ್ಲಿಮ್ ಆಗಲು ವಿವಿಧ ಡಯೆಟ್ ಪ್ಲ್ಯಾನ್​ಗಳನ್ನು ಅನುಸರಿಸುತ್ತಾರೆ., ಇದಕ್ಕೆ ಸೆಲೆಬ್ರಿಟಿಗಳೂ ಸಹ ಹೊರತಾಗಿಲ್ಲ. ಯೋಗ, ಡಯೆಟ್, ವ್ಯಾಯಾಮ ಹೀಗೆ ವಿವಿಧ ರೂಪಗಳಲ್ಲಿ ದೇಹವನ್ನು ದಂಡಿಸಿ ಬಳುಕುವ ಬಳ್ಳಿಯಂತೆ ಇರುತ್ತಾರೆ. ಇತ್ತೀಚಿಗೆ ತೂಕ ಕಡಿಮೆ ಮಾಡಿಕೊಂಡು ಸ್ಲಿಮ್​ ಆದ ಟಾಪ್​ 5 ಸೆಲೆಬ್ರಿಟಿಗಳ ಲಿಸ್ಟ್ ಇಲ್ಲಿದೆ.

ಸಿಂಗರ್ ಹಾಗೂ ಹಾಡು ಬರೆಯುವ ಅಡೆಲ್ ನೋಡಲು ಸಿಕ್ಕಾಪಟ್ಟೆ ದಪ್ಪ ಇದ್ದರು. ಸಣ್ಣ ಆಗಲೇಬೇಕೆಂದು ಪಣತೊಟ್ಟು ಹೊಸ ಡಯೆಟ್​ ಪ್ಲ್ಯಾನ್ ಅಳವಡಿಸಿಕೊಂಡು ಬರೋಬ್ಬರಿ 45 ಕೆಜಿ ಸಣ್ಣ ಆಗಿದ್ದಾರೆ. ಡಯೆಟ್ ಜೊತೆಗೆ ಪ್ರತಿದಿನ ವರ್ಕೌಟ್​ ಕೂಡ ಮಾಡುತ್ತಾರೆ.

ಕೊರಿಯಾಗ್ರಫರ್/ನೃತ್ಯ ಸಂಯೋಜಕ ಗಣೇಶ್​ ಆಚಾರ್ಯ ಮೊದಲಿದ್ದ ಕೆಜಿ ಕೇಳಿದರೆ ನೀವು ಶಾಕ್ ಆಗೋದು ಗ್ಯಾರಂಟಿ. ಬರೋಬ್ಬರಿ 2 ಕ್ವಿಂಟಾಲ್(2ಕೆಜಿ) ಇದ್ದ ಆಚಾರ್ಯ ಈಗ ಬರೋಬ್ಬರಿ 98 ಕೆಜಿ ಇಳಿಸಿಕೊಂಡಿದ್ದಾರೆ. ಇದು ಅಷ್ಟು ಸುಲಭದ ಮಾತಲ್ಲ. ಪ್ರತಿನಿತ್ಯ ವರ್ಕೌಟ್, ಯೋಗ ಹಾಗೂ ಡಯೆಟ್​ನಿಂದ ಸಣ್ಣಗಾಗಲು ಸಾಧ್ಯವಾಯಿತು ಎಂದು ಆಚಾರ್ಯ ಅವರೇ ಕಪಿಲ್ ಶರ್ಮಾ ಶೋನಲ್ಲಿ ಹೇಳಿದ್ದರು.

ಖ್ಯಾತ ಸಿಂಗರ್ ಅದ್ನಂ ಸಮಿ ಯಾರಿಗೆ ಪರಿಚಯವಿಲ್ಲ ಹೇಳಿ. ಇವರೂ ಸಹ ದಢೂತಿ ದೇಹ ಹೊಂದಿದ್ದರು. 16 ತಿಂಗಳಲ್ಲಿ ಸುಮಾರು 75 ಕೆಜಿ ಕಡಿಮೆ ಮಾಡಿಕೊಂಡಿದ್ದರು. ಸಮಿ ಬರೋಬ್ಬರಿ 230 ಕೆಜಿ ಇದ್ದರು. ದೇಹವನ್ನು ದಂಡಿಸಿ, ಸ್ಟ್ರಿಕ್ಟ್​ ಆಗಿ ಡಯೆಟ್ ಮಾಡಿದ್ದೇ ತೂಕ ಇಳಿಕೆಗೆ ಕಾರಣವಾಯಿತು ಎಂದು ಸಮಿ ಹೇಳಿದ್ದಾರೆ.

ಕಾಮಿಡಿಯನ್ ಭಾರತಿ ಸಿಂಗ್ ಸಖತ್ ಸ್ಲಿಮ್ ಆಗಿ ಇಂಟರ್​ನೆಟ್​​ನಲ್ಲಿ ಸಾಕಷ್ಟು ಸದ್ದು ಮಾಡಿದ್ದರು. ಇವರು 10 ತಿಂಗಳಲ್ಲಿ 16 ಕೆಜಿ ತೂಕ ಇಳಿಸಿಕೊಂಡಿದ್ದರು.

ನಟ ಫರ್ದೀನ್ ಖಾನ್​ ಕೂಡ ತೂಕ ಇಳಿಸಿಕೊಂಡೇ ಸಖತ್ ಸುದ್ದಿಯಾದವರು. 6 ತಿಂಗಳಲ್ಲಿ 18 ಕೆಜಿ ತೂಕ ಇಳಿಸಿಕೊಂಡಿದ್ದ ಖಾನ್ ಡಯೆಟ್ ಹಾಗೂ ವರ್ಕೌಟ್​ನಿಂದ​​​ ತಾನು ಸಣ್ಣಗಾಗಲು ಸಾಧ್ಯವಾಯಿತು ಎಂದು ಹೇಳಿಕೊಂಡಿದ್ದರು.