Pushpa: ಈ ಐವರು `ಪುಷ್ಪ’ ಸಿನಿಮಾದಲ್ಲಿ ನಟಿಸೋಲ್ಲ ಅಂದಿದ್ರಂತೆ.. ಯಾರು, ಯಾವ ಪಾತ್ರ ಮಿಸ್​ ಮಾಡ್ಕೊಂಡ್ರು ಅಂತ ಇಲ್ಲಿದೆ ನೋಡಿ..

ಅಲ್ಲು ಅರ್ಜುನ್​ ಅವರ ಪುಷ್ಪ ಚಿತ್ರ ತೆರೆಕಂಡು ಸಖತ್​ ಸೌಂಡ್ ಮಾಡಿತ್ತು. ಒಟಿಟಿಯಲ್ಲೂ ಈಗ ಸೌಂಡ್​ ಮಾಡುತ್ತಿದೆ. ಸಿನಿಮಾ ಬಗ್ಗೆ ಒಳ್ಳೆಯ ಪ್ರತಿಕ್ರಿಯೆ ಸಿಗದಿದ್ದರೂ, ಕಲೆಕ್ಷನ್​ ವಿಚಾರದಲ್ಲಿ ಮಾತ್ರ ಸುದ್ದಿಯಾಗಿತ್ತು. ಈ ಸಿನಿಮಾದ ಕಥೆ ರೆಡಿಯಾದ ಬಳಿಕ ಈ 5 ಕಲಾವಿದರ ಬಳಿ ಮೊದಲು ಹೋಗಿತ್ತಂತೆ. ಆದರೆ ಕೆಲ ಕಾರಣಗಳಿಂದ ಆ ಪಾತ್ರಗಳನ್ನು ಈ ಕಲಾವಿದರು ರಿಜೆಕ್ಟ್​ ಮಾಡಿದ್ದರಂತೆ. ಆ ಐವರು ಯಾರು ಅಂತ ಮುಂದೆ ಇದೆ ನೋಡಿ..

ಮಹೇಶ್​ ಬಾಬು; ಹೌದು, ಪುಷ್ಪ ಚಿತ್ರದಲ್ಲಿ ಅಲ್ಲು ಅರ್ಜುನ್​ ಪುಷ್ಪರಾಜ್​ ಪಾತ್ರದಲ್ಲಿ ನಟಿಸಿ ಸೈ ಎನಿಸಿಕೊಂಡಿದ್ದಾರೆ. ಆದರೆ, ಅಲ್ಲು ಅರ್ಜುನ್​ ಬದಲು ಮೊದಲು ಈ ಪಾತ್ರಕ್ಕೆ ಮಹೇಶ್​ ಬಾಬು ಅವರನ್ನು ಮಾಡಿಸಬೇಕೆಂದು ಚಿತ್ರತಂಡ ಅಂದುಕೊಂಡಿತ್ತು. ಆದರೆ, ಕೆಲ ಕಾರಣಗಳಿಂದ ಈ ಕಥೆಯನ್ನು ಮಹೇಶ್​ ಬಾಬು ರಿಜೆಕ್ಟ್​ ಮಾಡಿದ್ದರಂತೆ.

ಇನ್ನೂ ಪುಷ್ಪ ಸಿನಿಮಾದಲ್ಲಿ ಅಲ್ಲು ಅರ್ಜುನ್​ ಜೊತೆಯಾಗಿ ರಶ್ಮಿಕಾ ಮಂದಣ್ಣ ಶ್ರೀವಲ್ಲಿಯಾಗಿ ನಟಿಸಿದ್ದರು. ಇನ್ನೂ ಸಮಂತಾ ಕೂಡ ಐಟಂ ಸಾಂಗ್​ನಲ್ಲಿ ಕಾಣಿಸಿಕೊಂಡು ಸಖತ್​ ಸೌಂಡ್​ ಮಾಡಿದ್ದರು. ಆದರೆ, ಮೊದಲು ಶ್ರೀವಲ್ಲಿ ಪಾತ್ರಕ್ಕೆ ಸಮಂತಾ ಅವರನ್ನು ಆಯ್ಕೆ ಮಾಡಿದ್ದರು ಅಂತ ಹೇಳಲಾಗುತ್ತಿದೆ.

ಇನ್ನೂ ಊ ಅಂಟಾವಾ ಹಾಡಿನಿಂದಲೇ ಪುಷ್ಪ ಸಿನಿಮಾ ಈ ಮಟ್ಟಕ್ಕೆ ಹೆಸರು ಮಾಡಿತು ಅಂದರೆ ತಪ್ಪಾಗಲಾರದು. ಅಷ್ಟರ ಮಟ್ಟಿಗೆ ಸಮಂತಾ ಈ ಹಾಡಿನಲ್ಲಿ ಮಾದಕವಾಗಿ ಮೈಚಳಿ ಬಿಟ್ಟು ಕುಣಿದಿದ್ದರು. ಈ ಹಾಡಿನಲ್ಲಿ ನಟಿಸಲು ಮೊದಲು ಬಾಲಿವುಡ್​ನ ಬಿಕಿನಿ ಬೆಡಗಿ ದಿಶಾ ಪಾಟ್ನಿ ಅವರನ್ನು ಆಯ್ಕೆಮಾಡಲಾಗಿತ್ತಂತೆ.

ಊ ಅಂಟಾವಾ ಹಾಡಿನಲ್ಲಿ ನಟಿಸಲು ಕೇವಲ ದಿಶಾ ಪಾಟ್ನಿಗೆ ಮಾತ್ರ ಕೇಳಿರಲಿಲ್ಲ. ಬಾಲಿವುಡ್​ನ ಹಾಟ್​ ತಾರೆ, ಸೆಕ್ಸ್​ ಡಾನ್ಸರ್ ನೋರಾ ಫತೇಹಿ ಅವರಿಗೂ ಆಫರ್​ ನೀಡಲಾಗಿತ್ತಂತೆ. ಆದರೆ, ಇಬ್ಬರು ಕೂಡ ಈ ಆಫರ್​ ಅನ್ನು ರಿಜೆಕ್ಟ್​ ಮಾಡಿದ್ದರಂತೆ​.

`ಪುಷ್ಪ’ ಸಿನಿಮಾದ ಮತ್ತೊಂದು ಹೈಲೆಟ್​ ಅಂದರೆ, ಅದು ಮಲಯಾಳಂ ಸ್ಟಾರ್​ ನಟ ಫಹಾದ್ ಫಾಸಿಲ್​. ಹೌದು ಈ ಸಿನಿಮಾದಲ್ಲಿ ಅವರು ಪೊಲೀಸ್​ ಅಧಿಕಾರಿಯ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.ಈ ಪಾತ್ರಕ್ಕೆ ಮೊದಲು ವಿಜಯ್​ ಸೇತುಪತಿ ಅವರಿಗೆ ಆಫರ್​ ನೀಡಲಾಗಿತ್ತು. ಆದರೆ, ಡೇಟ್​ ಸಮಸ್ಯೆಯಿಂದ ವಿಜಯ್​ ಸೇತುಪತಿ ಈ ಪಾತ್ರದ ಕೈ ಬಿಟ್ಟಿದ್ದರು.