Love Mocktail: ಲವ್ ಮಾಕ್ಟೇಲ್‍ಗೆ 3 ವರ್ಷದ ಸಂಭ್ರಮ, ವಿಶೇಷವಾಗಿ ಧನ್ಯವಾದ ಹೇಳಿದ ಡಾರ್ಲಿಂಗ್ ಕೃಷ್ಣ!

2020 ರ ಕೊರೊನಾ ಟೈಮ್‍ನಲ್ಲಿ ಮನೆಯಲ್ಲಿದ್ದಾಗ ಜನರಿಗೆ ಮನರಂಜನೆ ನೀಡಿದ ಚಿತ್ರ ಅಂದ್ರೆ ಲವ್ ಮಾಕ್ಟೇಲ್. ಆ ಚಿತ್ರದ ಖುಷಿಗೆ 3 ವರ್ಷದ ಸಂಭ್ರಮ. ಆ ಖುಷಿಯನ್ನು ಡಾರ್ಲಿಂಗ್ ಕೃಷ್ಣ ಹಂಚಿಕೊಂಡಿದ್ದಾರೆ.

ಡಾರ್ಲಿಂಗ್ ಕೃಷ್ಣ ಮತ್ತು ಮಿಲನಾ ಜೋಡಿ ಮೋಡಿ ಮಾಡಿತ್ತು. ಎಲ್ಲರಿಗೂ ತಮ್ಮ ಕಾಲೇಜು ಜೀವನ ನೆನಪು ಮಾಡಿಕೊಟ್ಟಿತ್ತು. ಕೊನೆಗೆ ನಟಿ ಸಾಯುವ ದೃಶ್ಯ ಎಲ್ಲರ ಕಣ್ಣಂಚಲ್ಲಿ ನೀರು ತರಿಸಿತ್ತು.

ಇದೊಂದು ರೋಮ್ಯಾಂಟಿಕ್ ಚಿತ್ರ. ಡಾರ್ಲಿಂಗ್ ಕೃಷ್ಣ ಅವರು ಮೊದಲ ಬಾರಿಗೆ ಈ ಚಿತ್ರವನ್ನು ನಿರ್ದೇಶನ ಮಾಡಿದ್ದರು. ಚಲನಚಿತ್ರವು 31 ಜನವರಿ 2020 ರಂದು ಬಿಡುಗಡೆ ಆಗಿತ್ತು.

ಲವ್ ಮಾಕ್ಟೇಲ್ ಸಿನಿಮಾದಲ್ಲಿ ಆದಿ ಮತ್ತು ನಿಧಿಮಾ ಎಂಬ ಪಾತ್ರಗಳು ಜನರ ಮನಸ್ಸಿನಲ್ಲಿ ಉಳಿದಿವೆ. ಆದಿ ಮತ್ತು ನಿಧಿಮಾ ಮದುವೆ ಆಗುತ್ತಾರೆ. ಇಬ್ಬರು ಸಂತೋಷದಿಂದ ಜೀವನ ಸಾಗಿಸುತ್ತಾ ಇರುತ್ತಾರೆ.

ನಿಧಿಮಾ ಗರ್ಭಿಣಿ ಆಗಿರುತ್ತಾಳೆ. ಆದ್ರೆ ಗರ್ಭಪಾತ ಆಗಿ ಬಿಡುತ್ತೆ. ಅದಕ್ಕೆ ಏನು ಕಾರಣ ಎಂದು ಡಾಕ್ಟರ್ ನ ಕೇಳಿದಾಗ ನಿಧಿಗೆ ಕ್ಯಾನ್ಸರ್ ಬಂದಿರುತ್ತೆ.

ನಟ ತನ್ನ ಹೆಂಡ್ತಿಯನ್ನು ಕಾಪಾಡಿಕೊಳ್ಳಲು ತುಂಬಾ ಪ್ರಯತ್ನ ಮಾಡ್ತಾನೆ. ಆದ್ರೆ ಅದು ಸಾಧ್ಯವಾಗಲ್ಲ. ನಟಿ ಸಾವನ್ನಪ್ಪಿದ ಮೇಲೆ ಅವಳ ನೆನಪಿನಲ್ಲೇ ಕಾಲ ಕಳೆಯುತ್ತಾನೆ.

ನಂತರ 2022 ರಂದು ಲವ್ ಮಾಕ್ಟೇಲ್ ಸಿನಿಮಾ ಬಿಡುಗಡೆ ಆಯ್ತು. ಅದರಲ್ಲೂ ನಿಧಿಮಾ ಪಾತ್ರ ಇತ್ತು. ನಟನ ಕಲ್ಪನೆಯಲ್ಲಿ ನಟಿ ಇದ್ದಳು.

ಲವ್ ಮಾಕ್ಟೇಲ್ ತೆಲುಗಿನಲ್ಲಿ ಗುರ್ತುಂಡ ಸೀತಾಕಾಲಂ ಎಂಬ ಶೀರ್ಷಿಕೆಯಲ್ಲಿ ರೀಮೇಕ್ ಮಾಡಲಾಯ್ತು. ಡಿಸೆಂಬರ್ 2022 ರಲ್ಲಿ ಸಿನಿಮಾ ಬಿಡುಗಡೆಯಾಯಿತು.