Darshan-Umapathy: ಜೊತೆಗೆ ಕಾಣಿಸಿಕೊಂಡ ದರ್ಶನ್​-ಉಮಾಪತಿ: ವಂಚನೆ ಯತ್ನ ಪ್ರಕರಣಕ್ಕೆ ತೆರೆ..?

ಕಳೆದ ಕೆಲವು ದಿನಗಳಿಂದ ಸುದ್ದಿಯಲ್ಲಿರುವ 25 ಕೋಟಿ ವಂಚನೆ ಯತ್ನ ಪ್ರಕರಣಕ್ಕೆ ತೆರೆ ಎಳೆಯುವ ಪ್ರಯತ್ನ ಈಗ ಯಶಸ್ವಿಯಾಗಿದೆಯಂತೆ.

ಕಳೆದ 2-3 ದಿನಗಳಿಂದ ಪ್ರತ್ಯೇಕವಾಗಿ ಮಾಧ್ಯಮಗಳಿಗೆ ಹೇಳಿಕೆ ನೀಡುತ್ತಿದ್ದ ದರ್ಶನ್​ ಹಾಗೂ ನಿರ್ಮಾಪಕ ಉಮಾಪತಿ ಈಗ ಒಟ್ಟಿಗೆ ಕಾಣಿಸಿಕೊಂಡಿದ್ದಾರೆ.

ಅಜ್ಞಾತ ಸ್ಥಳದಲ್ಲಿ ಇಂದು ದರ್ಶನ್ ಹಾಗೂ ಉಮಾಪತಿ ಅವರು ಭೇಟಿ ಮಾಡಿದ್ದಾರಂತೆ.

25 ಕೋಟಿ ವಂಚನೆ ಯತ್ನ ಪ್ರಕರಣಕ್ಕೆ ಸಂಬಂಧಿಸಿಂತೆ ಈ ಇಬ್ಬರೂ ಮಾತುಕತೆ ನಡೆಸಿದ್ದು, ವಂಚನೆ ಪ್ರಕರಣಕ್ಕೆ ಫುಲ್​ ಸ್ಟಾಪ್​ ಇಟ್ಟಿದ್ದಾರೆ ಎನ್ನಲಾಗುತ್ತಿದೆ.

ಅರುಣ ಕುಮಾರಿ ಎನ್ನುವ ಮಹಿಳೆ ಈ ಎಲ್ಲದಕ್ಕೂ ಕಾರಣ ಎಂದು ಆರೋಪಿಸಲಾಗತ್ತಿದೆ. ಇನ್ನು ಈ ಮಹಿಳೆ ಮಾತ್ರ ನಿರ್ಮಾಪಕ ಉಮಾಪತಿ ಅವರ ಹೆಸರು ಹೇಳುತ್ತಿದ್ದರು.

ಇದರಿಂದಾಗಿ ಮೊದಲು ಉಮಾಪತಿ ಅವರ ಹೆಸರೇ ಎಲ್ಲ ಕಡೆ ಕೇಳಿ ಬರುತ್ತಿದೆ ಎಂದಿದ್ದ ದರ್ಶನ್​, ಈ ಪ್ರಕರಣದಲ್ಲಿ ಯಾರೇ ಇದ್ದರೂ ಅವರನ್ನು ಸುಮ್ಮನೆ ಬಿಡುವುದಿಲ್ಲ ಎಂದಿದ್ದರು.

ಉಮಾಪತಿ ಅವರು ಅರುಣಾ ಕುಮಾರಿ ಅವರ ವಿರುದ್ಧ ದೂರು ನೀಡಿ, ಪೊಲೀಸ್​ ತನಿಖೆಯಿಂದ ಎಲ್ಲ ಸತ್ಯ ತಿಳಿಯಲಿದೆ ಎನ್ನುತ್ತಿದ್ದಂತೆಯೇ ದರ್ಶನ್​ ಸಹ ಉಮಾಪತಿ ನಮ್ಮ ನಿರ್ಮಾಪಕರು ಎಂದು ಹೇಳಲಾರಂಭಿಸಿದರು.

ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ಇದ್ದ ಗೊಂದಲವನ್ನು ದರ್ಶನ್ ಹಾಗೂ ಉಮಾಪತಿ ಮಾತನಾಡುವ ಮೂಲಕ ಬಗೆಹರಿಸಿಕೊಂಡಿದ್ದಾರೆ ಎನ್ನಲಾಗುತ್ತಿದೆ.

ಈ ಕುರಿತಂತೆ ನಾಳೆ ದರ್ಶನ್ ಹಾಗೂ ಉಮಾಪತಿ ಅವರೇ ಸುದ್ದಿಗೋಷ್ಠಿ ಮಾಡುವ ಸಾಧ್ಯತೆ ಇದೆ ಎಂದೂ ಹೇಳಲಾಗುತ್ತಿದೆ.