Chikkaballapur Crime: ಹಳೆ ಲವರ್ ಹೆಂಡತಿಯ ಕತ್ತು ಸೀಳಿದ ಪ್ರಿಯತಮೆ; ಯಾವ ಸಿನಿಮಾಗಿಂತ ಕಮ್ಮಿ ಇಲ್ಲ ಈ ಪ್ರೇಮ ಕಥೆ!

ಶಿಡ್ಲಘಟ್ಟ ತಾಲೂಕಿನ ಆನೆಮಡುಗು ಗ್ರಾಮದಲ್ಲಿ ವಿಚಿತ್ರ ತ್ರಿಕೋನ ಪ್ರೇಮ ಕಥೆ ಬಯಲಾಗಿವೆ. ಯುವತಿಯೊಬ್ಬಳು ತನ್ನ ಪ್ರಿಯಕರ ಮದುವೆಯಾಗಿದ್ದ ಮಹಿಳೆಯ ಕತ್ತು ಸೀಳಿ ಸಿಕ್ಕಿಬಿದ್ದಿದ್ದಾಳೆ.

ಈ ತ್ರಿಕೋನ ಪ್ರೇಮಕಥೆ ಇರುವುದೇ ಗಂಗರಾಜು, ಮೋನಿಕಾ ಹಾಗೂ ಗಂಗೋತ್ರಿ ಮಧ್ಯೆ. ಮೊದಲು ಗಂಗರಾಜು-ಗಂಗೋತ್ರಿ ಪ್ರೀತಿಸುತ್ತಿದ್ದರಂತೆ. ಆದರೆ ಅದೇನಾಯಿತೋ ಅವರ ಪ್ರೀತಿ ಮದುವೆ ಮಂಟಪದವರೆಗೆ ತಲುಪಲಿಲ್ಲ.

10 ತಿಂಗಳ ಹಿಂದೆ ಗಂಗರಾಜು ಮೋನಿಕಾಳನ್ನು ಮದುವೆಯಾಗಿದ್ದ. ಇವರದ್ದೂ ಪ್ರೇಮ ವಿವಾಹ ಅನ್ನೋದು ನಿಜಕ್ಕೂ ಅರಗಿಸಿಕೊಳ್ಳಲು ಸಮಯ ಹಿಡಿಯುವ ಸಂಗತಿ. ಇಬ್ಬರು ಯುವತಿಯರನ್ನು ಪ್ರೀತಿಸಿದ್ದ ಗಂಗರಾಜು ಒಬ್ಬಳನ್ನು ಮದುವೆಯಾಗಿದ್ದ.

ತನ್ನನ್ನು ಮದುವೆಯಾಗಬೇಕಿದ್ದ ಲವರ್ ಗಂಗರಾಜು ತಮ್ಮದೇ ಗ್ರಾಮದ ಮೋನಿಕಾಳನ್ನು ಮದುವೆ ಆಗಿದ್ದನ್ನು ನೋಡಿ ಗಂಗೋತ್ರಿಗೆ ಸಹಿಸಲು ಆಗಲಿಲ್ಲ. ಲವರ್ ನ ಹೆಂಡತಿ ಮೇಲೆ ಮತ್ಸರ ಬೆಳೆಸಿಕೊಂಡ ಗಂಗೋತ್ರಿ ಆಕೆಯನ್ನು ಕೊಲೆ ಮಾಡುವ ನಿರ್ಧಾರಕ್ಕೆ ಬಂದಿದ್ದಳು.

ಹೆಂಡತಿ ಮೋನಿಕಾ ಒಬ್ಬಳೆ ಇದ್ದಾಗ ಮಗೆಗೆ ನುಗ್ಗಿದ ಗಂಗೋತ್ರಿ ರಾಕ್ಷಸಿಯ ರೂಪ ತಳೆದಿದ್ದಾಳೆ. ಮೋನಿಕಾಳನ್ನು ಕೆಳಗ್ಗೆ ದಬ್ಬಿ, ಎದೆಯ ಮೇಲೆ ಕುಳಿತು ಚಾಕುವಿನಿಂದ ಕತ್ತು ಕತ್ತರಿಸಿದ್ದಾರೆ. ತೀವ್ರ ಹೋರಾಟ ಮಾಡಿದ ಮೋನಿಕಾ ಸ್ವಲ್ಪದರಲ್ಲಿ ಪ್ರಾಣಾಪಾಯದಿಂದ ಬಚಾವ್ ಆಗಿದ್ದಾರೆ.

ಶಿಡ್ಲಘಟ್ಟ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿರುವ ಹೆಂಡತಿ ಮೋನಿಕಾ, ತನ್ನ ಗಂಡನ ಮೇಲೆ ಶಂಕೆ ವ್ಯಕ್ತಪಡಿಸಿದ್ದಾರೆ. ಹಳೆ ಪ್ರಿಯತಮೆಗೆ ಗಂಡನೇ ಕುಮ್ಮಕ್ಕು ನೀಡಿ ತನ್ನನ್ನು ಕೊಲ್ಲಲು ಮುಂದಾಗಿದ್ದಾರೆ ಎಂದು ಆರೋಪಿಸಿದ್ದಾರೆ. ನನ್ನನ್ನು ಮುಗಿಸಿ ಅವರಿಬ್ಬರು ಜೊತೆಯಾಗಿ ಬದುಕುವ ಪ್ಲಾನ್ ಇದ್ದಿರಬಹುದು ಎಂದು ಅನುಮಾನ ವ್ಯಕ್ತಪಡಿಸಿದ್ದಾರೆ.

ಇನ್ನು ಆರೋಪಿ ಗಂಗೋತ್ರಿ ಸಂಬಂಧದಲ್ಲಿ ನನ್ನ ಗಂಡನಿಗೆ ತಂಗಿ ಆಗಬೇಕು ಎಂದೂ ಹೆಂಡತಿ ಮೋನಿಕಾ ಹೇಳುತ್ತಿದ್ದಾರೆ. ಕಾಲೇಜಿನಲ್ಲೂ ನನ್ನ ಸೀನಿಯರ್ ಆಗಿದ್ದ ಗಂಗೋತ್ರಿ, ಯಾವುದೇ ಕೆಲಸ ಮಾಡದೆ ಮನೆಯಲ್ಲಿ ಇದ್ದಳು ಎಂದು ತಿಳಿಸಿದ್ದಾರೆ.

ಕೊಲೆಗೆ ಯತ್ನಿಸಿದ ಗಂಗೋತ್ರಿಯನ್ನು ದಿಬ್ಬೂರಹಳ್ಳಿ ಪೊಲೀಸರು ವಶಕ್ಕೆ ಪಡೆದಿದ್ದಾರೆ. ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ.