ಸಿಎಂ ಯಡಿಯೂರಪ್ಪ ಓದಿದ ಮಂಡ್ಯದ ಈ 131 ವರ್ಷದ ಹಳೆಯ ಶಾಲೆ ಈಗ ಮುಚ್ಚುವ ಸ್ಥಿತಿಯಲ್ಲಿ

ಮುಖ್ಯಮಂತ್ರಿ ಬಿ.ಎಸ್. ಯಡಿಯೂರಪ್ಪ ಅವರು ಒಂದು ಕಾಲದಲ್ಲಿ ಓದಿದ ಶಾಲೆ ಈಗ ಮುಚ್ಚುವ ಹಂತಕ್ಕೆ ಬಂದಿದೆ. ಮಂಡ್ಯದ ಆನೆಕೆರೆ ಬೀದಿಯಲ್ಲಿರುವ ಸರ್ಕಾರಿ ಶಾಲೆಯಲ್ಲಿ ಮಕ್ಕಳ ದಾಖಲಾತಿಯ ಕೊರತೆ ಕಾಡುತ್ತಿದೆ.

ಯಡಿಯೂರಪ್ಪ ಅವರು 1955-56ರ ಸಾಲಿನಲ್ಲಿ ಈ ಶಾಲೆಯಲ್ಲಿ 3ನೇ ತರಗತಿ ವ್ಯಾಸಂಗ ಮಾಡಿದ್ದರು.

ಮಂಡ್ಯದಲ್ಲಿ ತಮ್ಮ ತಾತನ ಮನೆಯಲ್ಲಿದ್ದಾಗ ಯಡಿಯೂರಪ್ಪ ಈ ಶಾಲೆಗೆ ದಾಖಲಾಗಿದ್ದರು.

131 ವರ್ಷಗಳಷ್ಟು ಹಳೆಯದಾದ ಈ ಶಾಲೆಯಲ್ಲಿ ಅಂಬರೀಷ್ ಅವರ ತಾತ ಪಿಟೀಲು ಚೌಡಯ್ಯ ಕೂಡ ಓದಿದ್ದರೆನ್ನಲಾಗಿದೆ.

ಒಂದರಿಂದ ಏಳನೇ ತರಗತಿಯರೆಗೆ ಈ ಶಾಲೆ ಇದೆ. ಹಿಂದೆಲ್ಲಾ ನೂರಕ್ಕೂ ಹೆಚ್ಚು ಮಕ್ಕಳಿರುತ್ತಿದ್ದ ಈ ಶಾಲೆಯಲ್ಲಿ ಈಗ ಕೇವಲ 6 ಮಕ್ಕಳಿದ್ದಾರೆ.

ಒಂದರಿಂದ ಏಳನೇ ತರಗತಿಯವರೆಗೆ ಒಟ್ಟು ಕೇವಲ 6 ಮಕ್ಕಳಿದ್ದಾರೆ. ನಾಲ್ವರು ಶಿಕ್ಷಕರಿದ್ದಾರೆ.

ಈ ಶಾಲೆಗೆ ಮಕ್ಕಳ ದಾಖಲಾತಿ ಕೊರತೆಯಷ್ಟೇ ಅಲ್ಲ, ಆಡಳಿತ ವರ್ಗದ ನಿರ್ಲಕ್ಷ್ಯದಿಂದ ಕಟ್ಟಡ ಕೂಡ ಹಾಳಾಗುತ್ತಿದೆ.

ಶಾಲೆಯ ಹಾಜರಾತಿ ಪುಸ್ತಕದಲ್ಲಿ ಬಿ.ಎಸ್. ಯಡಿಯೂರಪ್ಪ ಅವರ ಹೆಸರು ಇರುವುದನ್ನು ಗಮನಿಸಬಹುದು.

ಮಂಡ್ಯದ ಆನೆಕೆರೆ ಬೀದಿಯಲ್ಲಿರುವ ಸರ್ಕಾರಿ ಶಾಲೆಯ 1955ರ ಸಾಲಿನ ಹಾಜರಾತಿ ಪುಸ್ತಕದಲ್ಲಿ 5ನೇ ತರಗತಿಯಲ್ಲಿದ್ದ ಯಡಿಯೂರಪ್ಪ ಅವರ ಹೆಸರು ನಮೂದಾಗಿರುವುದು.