ಕೊರೋನಾ ಎಫೆಕ್ಟ್​ : ಕಪ್ಪತ್ತಗುಡ್ಡದ ಕಪ್ಪತ್ತಮಲ್ಲೇಶ್ವರ ಜಾತ್ರೆ ರದ್ದು..!

ಗದಗ ಜಿಲ್ಲೆಯ ಮುಂಡರಗಿ ತಾಲೂಕಿನ ಡೋಣಿ ಗ್ರಾಮದ ಹತ್ತಿರವಿರುವ ಕಪ್ಪತ್ತಗುಡ್ಡದ ಶ್ರೀ ಕಪ್ಪತ್ತಮಲ್ಲೇಶ್ವರ ಸ್ವಾಮಿಯ ಈ ಜಾತ್ರೆ ಮಹೋತ್ಸವವನ್ನು ಆಚರಣೆಗೆ ಬ್ರೇಕ್ ಬಿದ್ದಿದೆ.

ವಿವಿಧ ಜಿಲ್ಲೆಯಿಂದ ಸಾವಿರಾರು ಸಂಖ್ಯೆಯಲ್ಲಿ ಭಕ್ತಾಧಿಗಳು ಈ ಜಾತ್ರೆಗೆ ಸೇರುವದರಿಂದ ಸರ್ಕಾರದ ಕೋವಿಡ್-19 ನಿಯಮದಂತೆ ಸಾವಿರಾರು ಜನ ಸೇರುವಂತಿಲ್ಲ. ಹಾಗಾಗಿ ಆಗಸ್ಟ್ 13 ರಂದು ನಡೆಯಬೇಕಿದ ಈ ಜಾತ್ರೆ ಮಹೋತ್ಸವವನ್ನು ಆಚರಣೆಗೆ ಬ್ರೇಕ್ ಬಿದ್ದಿದೆ.

ಪ್ರತಿ ವರ್ಷ ಶ್ರಾವಣ ಮಾಸದ 3 ನೇ ಗುರುವಾರ ಈ ಕಪ್ಪತ್ತಮಲ್ಲೇಶ್ವರ ಜಾತ್ರೆ ನಡೆಯುತ್ತದೆ. ಜಾತ್ರೆಯ ದಿನದಂದು ಕಪ್ಪತ್ತಮಲ್ಲೇಶ್ವರ ಮತ್ತು ಭ್ರಮರಾಂಭಿಕಾ ದೇವಿಯ ವಿವಾಹ ನಡೆಯುತ್ತದೆ ಅದೇ ದಿನ ಹುಚ್ಚಾಯ ಎಳೆಯುತ್ತಾರೆ.

ಪ್ರತಿ ವರ್ಷ ಸಾವಿರಾರು ಭಕ್ತರು ತಮ್ಮ ಹರಕೆ ತೀರಿಸಲು ಇಲ್ಲಿಗೆ ಆಗಮಿಸುತ್ತಾರೆ.

ತಮ್ಮ ಇಷ್ಟಾರ್ಥ ಸಿದ್ದಿಗಾಗಿ ತಮ್ಮ ಮನಸ್ಸಿನ ಇಚ್ಚೆಯಂತೆ ಕಪ್ಪತ್ತಮಲ್ಲೇಶ್ವರ ದೇವಸ್ಥಾನದ ಸುತ್ತಲಿನ ಗುಡ್ಡದಲ್ಲಿ ಮದುವೆಯಾಗದವರು ಮದುವೆ ಆಗಲೆಂದು ಹರಕೆ ಹೊತ್ತುಕೊಂಡು ಬರುತ್ತಾರೆ

ಹೊಲ ಖರೀದಿಸುವವರು ಹಾಗೂ ಮನೆ ಇಲ್ಲದವರು ಮನೆ ಕಟ್ಟಿಸಲು ಅಲ್ಲೇ ಇರುವಂತಹ ಕಲ್ಲುಗಳನ್ನ ಜೋಡಿಸಿ ಆಕೃತಿ ಮಾಡಿ ಹರಕೆ ಬೇಡಿಕೊಳ್ಳುತ್ತಾರೆ.

ಮುಂದಿನ ವರ್ಷ ಜಾತ್ರೆಯೊಳಗೆ ಆ ಹರಕೆಗಳು ತೀರುತ್ತವೆನ್ನುವದು ಭಕ್ತರ ನಂಬಿಕೆ. ಕಪ್ಪತ್ತಮಲ್ಲೇಶ್ವರನಿಗೆ ಹರಕೆ ಬೇಡಿಕೊಳ್ಳುವವರು ಬೆಟ್ಟದ ಮೇಲ್ಭಾಗದಲ್ಲಿರುವ ಗಾಳಿಗುಂಡಿ ಬಸವೇಶ್ವರ ಹಾಗೂ ಅದರ ಎದುರಿರುವ ದೈವೀ ವೃಕ್ಷಕ್ಕೂ ಹರಕೆ ಕಟ್ಟುವದು ವಾಡಿಕೆ‌ ಇದೆ.

ಕಳೆದ ಹತ್ತಾರು ವರ್ಷಗಳಿಂದ ಗಾಳಿಗುಂಡಿ ಬಸವೇಶ್ವರನಿಗೆ ಪೇರಲ ಹಣ್ಣುಗಳನ್ನ ತಿಕ್ಕುವ ವಾಡಿಕೆ ಬೆಳೆದು ಬಂದಿದೆ.

ಪ್ರತಿ ವರ್ಷ ಸಾವಿರಾರು ಭಕ್ತರು ತಮ್ಮ ಹರಕೆ ತೀರಿಸಲು ಇಲ್ಲಿಗೆ ಆಗಮಿಸುತ್ತಾರೆ.

ಮಕ್ಕಳಾಗದವರು ತಮ್ಮ ಹರಕೆಯನ್ನ ತೀರಿಸಲು ಬಸವಣ್ಣನ ಗುಡಿ ಎದುರಿನ ವೃಕ್ಷಕ್ಕೆ ಕಾಯಿ ಕಟ್ಟಿ ಭಕ್ತಿಯಿಂದ ಬೇಡಿಕೊಳ್ಳುತ್ತಾರೆ.

ಮರಳಿ ಹೋಗುವಾಗ ಆಯುರ್ವೇದ ಸಸ್ಯಕಾಶಿಯ ತೆಪ್ಪವನ್ನ ತೆರೆದುಕೊಂಡು ಅಂದರೆ ತಪ್ಪಲನ್ನ ಹರಿದುಕೊಂಡು ಹೋಗಿ ಅದನ್ನ ಮನೆ ಹಾಗೂ ದನದ ಹಕ್ಕೆಗಳಲ್ಲಿ ಧೂಪ ಹಾಕುವರು ವಾಡಿಕೆ. ಈ ಸಾರಿ ಕೊರೋನಾ ಕಾರಣದಿಂದಾಗಿ ಈ ಸಾರಿ ಜಾತ್ರೆ ರದ್ದಾಗಿದೆ.