ಶಿಥಿಲಗೊಂಡ ಕಟ್ಟಡ; ಮಳೆ, ಬಿಸಿಲು ಲೆಕ್ಕಿಸದೆ ಶಾಲಾ ಅಂಗಳದಲ್ಲಿ ಪಾಠ ಕಲಿಯುವ ಮಕ್ಕಳು

ಒಂದುಕಡೆ ಬಾಯ್ದೆರೆದು ಆಹುತಿಗೆ ಕಾದು ಕೊಠಡಿಯ ಮೇಲ್ಛಾವಣಿ ಕಾಯ್ದುಕುಳಿತ್ತಿದೆ. ಯಾವಾಗ ಯಾರ ಮೇಲೆ ಮೇಲ್ಛಾವಣಿಯ ಕಾಂಕ್ರೀಟ್ ಬಿಳುತ್ತೋ ಎನ್ನುವ ಭಯದಲ್ಲಿ ಶಾಲಾ ಸಿಬ್ಬಂದಿ ಶಾಲಾ ಆವರಣದಲ್ಲಿ ಪಾಠ ಮಾಡುವ ಪರಿಸ್ಥಿತಿ ನಿರ್ಮಾಣವಾಗಿದೆ.

ನಿರಂತರ ಮಳೆ ಹಿನ್ನೆಲೆ ಗದಗ ಜಿಲ್ಲೆಯ ಮುಂಡರಗಿ ಪಟ್ಟಣದ ಎಸ್ ಎಮ್ ಭೂಮರೆಡ್ಡಿ ಸರ್ಕಾರಿ ಶಾಲೆಯ ಕೊಠಡಿಗಳು ಶಿಥಿಲವಾಗಿವೆ. ಮೇಲ್ಛಾವಣಿಯ ಪದರ ಕಳಚಿ ಬೀಳ್ತಿದೆ. ಇದ್ರಿಂದ ಭಯಭೀತರಾಗಿರೋ ಮಕ್ಕಳು, ಬಿಸಿಲು, ಮಳೆ ಲೆಕ್ಕಿಸದೆ ಅಂಗಳದಲ್ಲಿ ಕೂತು ಪಾಠ ಕೇಳುವ ಪರಿಸ್ಥಿತಿ ನಿರ್ಮಾಣವಾಗಿದೆ.

ಶಾಲೆಯಲ್ಲಿ ಮುಖ್ಯೋಪಾಧ್ಯಾಯರ ಒಂದು ಕೊಠಡಿ ಸೇರಿ ಒಟ್ಟು ಎಂಟು ಕೊಠಡಿಗಳಿವೆ. ಅದ್ರಲ್ಲಿ ಒಂದ ರಿಂದ ಮೂರನೇ ತರಗತಿ ಮಕ್ಕಳ ನಲಿಕಲಿ ಕೊಠಡಿಗಳು ಸಂಪೂರ್ಣ ಶಿಥಿಲಗೊಂಡಿದ್ದು. ಹೀಗಾಗಿ 110 ಮಕ್ಕಳು ಶಾಲಾ ಅಂಗಳದಲ್ಲೇ ಕೂತು ಪಾಠ ಕೇಳುವ ಅನಿವಾರ್ಯತೆ ಎದುರಾಗಿದೆ.

2000 ಇಸವಿಯಲ್ಲಿ ಶಾಲೆ ಕೊಠಡಿ ಕಟ್ಟಲಾಗಿದೆ ಅಂತೆ. ಇಪತ್ತು ವರ್ಷದ ಅಂತರದಲ್ಲಿ ಮೂರು ಕೋಣೆಗಳು ಶಿಥಿಲವಾಗಿವೆ. ರ್ಮೂರು ವರ್ಷದಿಂದ ಗೋಡೆ ಬಿರುಕು ಬಿಡ್ತಾ ಬಂದಿತ್ತು. ಕಳೆದ ವಾರದ ನಿರಂತರವಾಗಿ ಮಳೆ ಬರ್ತಿರೋದ್ರಿಂದ ಶಾಲೆ ಮೇಲ್ಛಾವಣಿ ಶಿಥಿಲವಾಗಿದೆ.

ಶಾಲೆಯಲ್ಲಿ ಶಿಕ್ಷಣ ಗುಣಮಟ್ಟ ಚೆನ್ನಾಗಿರುವುದರಿಂದ ದಾಖಲಾತಿ ಚೆನ್ನಗಾಗಿದೆ. ಆದ್ರೆ ಮೂಲ ಬಿಲ್ಡಿಂಗ್ ಶಿಥಿಲವಾಗಿರೋ ಕಾರಣ ಮಕ್ಕಳನ್ನ ಶಾಲೆಗೆ ಕಳಸ್ಬೇಕೋ ಬೇಡ್ವೊ ಅನ್ನೋ ಪಶ್ನೆ ಪಾಲಕರಲ್ಲಿ ಮೂಡಿದೆ. ಈಗಾಗ್ಲೆ ಶಾಲೆ ಕೊಠಡಿ ನಿರ್ಮಾಣಕ್ಕೆ ಪ್ರಸ್ತಾವನೆ ಸಲ್ಲಿಸಲಾಗಿದ್ದು, ಕೇವಲ ಒಂದು ಕೊಠಡಿ ಮಂಜೂರಾಗಿದೆ. ಅದೂ ಟೆಂಡರ್ ಹಂತದಲ್ಲಿದ್ದು ಅದ್ಯಾವಾಗ ಕಟ್ಟಡ ಕಾಮಗಾರಿ ಆರಂಭವಾಗುತ್ತೆ ಗೊತ್ತಿಲ್ಲ.

ಸದ್ಯಕ್ಕೆ ಒಂದರಿಂದ ಮೂರನೇ ತರಗತಿಯ 110 ಮಕ್ಕಳಿಗೆ ಶಾಲೆ ಅಂಗಳದಲ್ಲೇ ಪಾಠ ಕೇಳ್ದಿದಾರೆ. ಬಿಸಿಲು ಲೆಕ್ಕಿಸದೇ ಬಯಲು ಪಾಠಶಾಲೆಯಲ್ಲಿ ಪುಟಾಣಿಗಳಿಗೆ ವಿದ್ಯಾಭ್ಯಾಸ ಮುಂದುವರೆದಿದೆ.

ಶಾಲಾ ಆವರಣದಲ್ಲಿ ಗುಂಪು ಗುಂಪಾಗಿ ಕುಳಿತು ಪಾಠ ಕೇಳೋದ್ರಿಂದ ಮಕ್ಕಳಿಗೆ ಪಾಠ ಸಹ ಸರಿಯಾಗಿ ಕೇಳಲ್ವಂತೆ. ಮಧ್ಯಾಹ್ನವಾದ್ರೆ ಸಾಕು ಬಿಸಿಲಿನಲ್ಲಿ ಕುಳಿತು ಪಾಠ ಕೇಳಬೇಕು. ಅದು ಮಕ್ಕಳಿಗೆ ಕಿರಿ ಕಿರಿ ಉಂಟು ಆಗುತ್ತಿದೆ. ಹೀಗಾಗಿ ಮಕ್ಕಳ ವಿದ್ಯಾಭ್ಯಾಸಕ್ಕೆ ತೊಂದರೆಯಾಗದಂತೆ ಶಿಕ್ಷಣ ಇಲಾಖೆ ನೆರಳಿನ ವ್ಯವಸ್ಥೆ ಕಲ್ಪಿಸೋ ಕೆಲಸ ಮಾಡಬೇಕಿದೆ.

ಪರ್ಯಾಯ ವ್ಯವಸ್ಥೆ ಕಲ್ಪಿಸದೇ ಅಧಿಕಾರಿಗಳು ನಿರ್ಲಕ್ಷ್ಯ ತೋರ್ತಿದಾರೆ. ಬಿಲ್ಡಿಂಗ್ ಅಂಗಳದಲ್ಲಿ ಓಡಾಡೋವಾಗ ಮಕ್ಕಳ ಮೈ ಮೇಲೆ ಕಾಂಕ್ರೀಟ್ ತುಂಡು ಬಿದ್ರೆ ಅನಾಹುತ ಸಂಭವಿಸಬಹುದು. ಹೀಗಾಗಿ ಕೂಡಲೆ ಅಧಿಕಾರಿಗಳು ಎಚ್ಚೆತ್ತು ಮಕ್ಕಳಿಗೆ ಪರ್ಯಾಯ ವ್ಯವಸ್ಥೆ ಕಲ್ಪಿಸಬೇಕಿದೆ. ಮಕ್ಕಳಿಗೆ ಮೂಲ ಸೌಕರ್ಯವಿರೋ ಯಾವುದಾದ್ರೂ ರೂಮ್ ವ್ಯವಸ್ಥೆ ಮಾಡಿ ಕಲಿಕಾ ವಾತಾವರಣ ಸೃಷ್ಟಿಸಬೇಕಿದೆ.