BWSSB Calender – ಕ್ಯಾಲೆಂಡರ್ ಮೂಲಕ ಬೆಂಗಳೂರಿನ ನೀರಿನ ಕಥೆ ಹೇಳುತ್ತಿದೆ ಜಲಮಂಡಳಿ

ಬೆಂಗಳೂರು: ಉದ್ಯಾನ ನಗರಿಯಲ್ಲಿ ನೀರಿನ ಸಂಕಷ್ಟ ಎದುರಾಗಿದೆ. ಅಂತರ್ಜಲ ಬಹಳ ವೇಗವಾಗಿ ಬತ್ತಿ ಹೋಗುತ್ತಿದೆ. ನೀರಿನ ಗುಣಮಟ್ಟವೂ ಮಾಲಿನ್ಯದಿಂದಾಗಿ ಕಳಪೆಯಾಗುತ್ತಿದೆ. ಈ ಸಮಸ್ಯೆ ಎದುರಿಸಲು ಹಲವು ಕ್ರಮಗಳನ್ನ ಕೈಗೊಳ್ಳಲಾಗುತ್ತಿದೆ. ಒಂದು ಕಾಲದಲ್ಲಿ ಅಧಿಕ ಸಂಖ್ಯೆಯಲ್ಲಿ ತುಂಬಿತುಳುಕುತ್ತಿದ್ದ ಕೆರೆ ಕಟ್ಟೆಗಳು ಬೆಂಗಳೂರಿಗೆ ಜಲಭದ್ರತೆ ಒದಗಿಸಿದ್ದವು. ಈಗ ಆ ಸ್ಥಿತಿಗೆ ಕೊಂಡೊಯ್ಯುವ ಪ್ರಯತ್ನಕ್ಕೆ ಸರ್ಕಾರ ಮುಂದಾಗಿದೆ. 19ನೇ ಶತಮಾನದ ಅಂತ್ಯದಲ್ಲಿ ಹೆಸರಘಟ್ಟ ಕೆರೆಯಿಂದ ನೀರು ಸರಬರಾಜಾಗುತ್ತಿತ್ತು. ಅಲ್ಲಿಂದ ಇಲ್ಲಿಯವರೆಗೆ ಕಾವೇರಿ ನೀರು ಪೂರೈಕೆ ಸೇರಿದಂತೆ ಹಲವು ಜಲಯೋಜನೆಗಳು ಬೆಂಗಳೂರಿಗೆ ಬಂದಿವೆ. ಅವೆಲ್ಲದರ ಮಾಹಿತಿ ಹೊತ್ತ ಕ್ಯಾಲೆಂಡರ್ ಅನ್ನು ಬೆಂಗಳೂರು ಜಲಮಂಡಳಿ ಬಿಡಬ್ಲ್ಯೂಎಸ್ಎಸ್​ಬಿ ಹೊರತಂದಿದೆ. (ವರದಿ: ಶರಣು ಹಂಪಿ)