ಆತ್ಮಹತ್ಯೆ ಮಾಡಿಕೊಂಡ ಸಾಹಸ ಸಿಂಹ ವಿಷ್ಣುವರ್ಧನ್​ ಅಭಿಮಾನಿ ಲೋಕೇಶ್​..!

ಸಾಹಸ ಸಿಂಹ ವಿಷ್ಣುವರ್ಧನ್ ಅವರ ಅಭಿಮಾನಿ ಲೋಕೇಶ್​ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ.

ದಾವಣಗೆರೆಯ ನಿವಾಸಿಯಾಗಿರುವ ಲೋಕೇಶ್​ ತಮ್ಮ ಮನೆಯಲ್ಲೇ ನೇಣಿಗೆ ಶರಣಾಗಿದ್ದಾರೆ.

ದಾವಣಗೆರೆ ಕೆಟಿಜೆ ನಗರ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ಘಟನೆ ನಡೆದಿದ್ದು, ಲೋಕೇಶ್ ಅವರ ಆತ್ಮಹತ್ಯೆಗೆ ಕಾರಣ ಇನ್ನೂ ತಿಳಿದು ಬಂದಿಲ್ಲ. 

40 ವರ್ಷದ ಲೋಕೇಶ್​, ದಾವಣಗೆರೆಯ ಪಿ.ಬಿ. ರಸ್ತೆಯಲ್ಲಿರುವ ಭರತ್ ಡಾಬಾ ಬಳಿಯ ಬೀಡಾ ಅಂಗಡಿ ಇಟ್ಟುಕೊಂಡಿದ್ದರು.

ಲೋಕೇಶ್​ ಅವರು ಪ್ರತಿವರ್ಷ ತಮ್ಮ ಬೀಡಾ ಅಂಗಡಿ ಬಳಿ ವಿಷ್ಣುವರ್ಧನ್​ ಅವರ ಹುಟ್ಟುಹಬ್ಬ ಆಚರಿಸುತ್ತಿದ್ದರು. 

ಪ್ರತಿ ವರ್ಷ ಒಂದೊಂದು ರೀತಿ ವೇಷದಲ್ಲಿ ಕಾಣಿಸಿಕೊಳ್ಳುವ ಮೂಲಕ ಸ್ಥಳೀಯರನ್ನು ರಂಜಿಸುತ್ತಿದ್ದರಂತೆ.

ಬೀಡಾ ಅಂಗಡಿಗೆ ಬರುವ ಜನರಿಗೆ ವಿಷ್ಣುವರ್ಧನ್​ ಅವರಂತೆಯೇ ಡೈಲಾಗ್​ ಹೇಳುತ್ತಾ ರಂಜಿಸುತ್ತಿದ್ದರಂತೆ.

ಬೀಡಾ ಅಂಗಡಿ ಬಳಿ ಇರುವ ಆಟೋ ಸ್ಟ್ಯಾಂಡ್​ನಲ್ಲಿ ಪ್ರತಿವರ್ಷ ಸ್ವಂತ ಖರ್ಚಿನಿಂದ ಕೇಕ್​ ತಂದು ವಿಷ್ಣುವರ್ಧನ್​ ಅವರ ಹುಟ್ಟುಹಬ್ಬ ಆಚರಿಸುತ್ತಿದ್ದರಂತೆ ಅಭಿಮಾನಿ ಲೋಕೇಶ್​. ಈ ಕಾರಣದಿಂದಲೇ ಇವರು ದಾವಣಗೆರೆಯ ಜನರಿಗೆ ಚಿರಪರಿಚಿತರಾಗಿದ್ದರು.