Davanagere Election News: ಅಮೇರಿಕಾದಿಂದ ಲಕ್ಷಾಂತರ ಖರ್ಚು ಮಾಡಿ ಮತ ಹಾಕಲು ಬಂದವರಿಗೆ ಶಾಕ್!

ವಿಧಾನಸಭಾ ಚುನಾವಣೆಯಲ್ಲಿ ಮತ ಹಾಕಬೇಕು, ನಮ್ಮ ಹಕ್ಕು ಚಲಾಯಿಸಬೇಕು ಎಂದು ದೂರದ ಅಮೇರಿಕಾದಿಂದ ಬಂದ ವ್ಯಕ್ತಿಗೆ ಮತ ಹಾಕಲು ಅವಕಾಶವೇ ಸಿಗಲಿಲ್ಲ. ಇಂತದ್ದೊಂದು ಘಟನೆ ದಾವಣಗೆರೆಯಲ್ಲಿ ನಡೆದಿದೆ. (ಸಾಂದರ್ಭಿಕ ಚಿತ್ರ)

ವೋಟ್ ಮಾಡಬೇಕೆಂದು ಅಮೆರಿಕಾದಿಂದ ಬಂದ ದಾವಣಗೆರೆಯ ರಾಘವೇಂದ್ರ ಸೇಠ್ ಎಂಬ ವ್ಯಕ್ತಿಯೇ ಹೀಗೆ ನಿರಾಸೆ ಅನುಭವಿಸಿದವರು.

ಹಕ್ಕು ಚಲಾಯಿಸಲು 14 ಸಾವಿರ ಕಿಲೋ ಮೀಟರ್ ಪ್ರಯಾಣ ಮಾಡಿ ಬಂದಿದ್ದ ರಾಘವೇಂದ್ರ ಸೇಠ್ ನಿರಾಸೆ ಅನುಭವಿಸಿದ್ದಾರೆ.

ಅಮೇರಿಕಾದ ಟೆಕ್ಸಾಸ್​ನಲ್ಲಿ ವಾಸವಿದ್ದ ರಾಘವೇಂದ್ರ ಸೇಠ್, ಮತದಾನಕ್ಕೆ ಎಂದೇ 1.50 ಲಕ್ಷ ಹಣ ಖರ್ಚು ಮಾಡಿಕೊಂಡು ಮತದಾನ ಮಾಡಲು ಆಗಮಿಸಿದ್ದರು. (ಸಾಂದರ್ಭಿಕ ಚಿತ್ರ)

ರಾಘವೇಂದ್ರ ಅವರು ಒಂದು ವಾರದಿಂದ ರಜೆ ಹಾಕಿ ಮತದಾನ ಮಾಡಲು ಕಾದಿದ್ದರು. ಕಳೆದ 15 ವರ್ಷದಿಂದ ಅಮೇರಿಕಾದಿಂದ ಬಂದು ಮತ ಚಲಾಯಿಸುತ್ತಿರುವ ರಾಘವೇಂದ್ರ ಸೇಠ್ ಅವರಿಗೆ ಈ ಬಾರಿ ಮಾತ್ರ ನಿರಾಸೆ ಕಾದಿತ್ತು.

ರಾಘವೇಂದ್ರ ಅವರು ಒಂದು ವಾರದಿಂದ ರಜೆ ಹಾಕಿ ಮತದಾನ ಮಾಡಲು ಕಾದಿದ್ದರು. ತಪ್ಪದೇ ಮತದಾನ ಮಾಡಬೇಕು ಎಂಬ ಉದ್ದೇಶದಿಂದ ಕಳೆದ 15 ವರ್ಷದಿಂದ ಅಮೇರಿಕಾದಿಂದ ಬಂದು ಮತ ಚಲಾಯಿಸುತ್ತಿದ್ದರು.  ಆದರೆ ಈ ಬಾರಿ ಮತದಾರರ ಪಟ್ಟಿಯಲ್ಲಿ ರಾಘವೇಂದ್ರ ಅವರ ಹೆಸರು ಡಿಲೀಟ್ ಆಗಿದೆ. ಹೀಗಾಗಿ ಅವರಿಗೆ ಮತದಾನ ಮಾಡಲು ಅವಕಾಶವೇ ಸಿಗಲಿಲ್ಲ. (ಸಾಂದರ್ಭಿಕ ಚಿತ್ರ)

ಸದ್ಯ ರಾಜ್ಯದೆಲ್ಲೆಡೆ ಮತದಾನ ಬಿರುಸಿನಿಂದ ಸಾಗಿದೆ. ಹಲವೆಡೆ ದೂರ ದೂರದ ಊರುಗಳಿಂದ ಆಗಮಿಸಿ ಮತದಾನ ಮಾಡುತ್ತಿದ್ದಾರೆ. (ಸಾಂದರ್ಭಿಕ ಚಿತ್ರ)