Koppala: ಆರ್ಡರ್ ಮಾಡಿದ್ದು ಆ್ಯಪಲ್ ಫೋನ್, ಬಂದಿದ್ದು ನಿರ್ಮಾ ಸೋಪ್! ಕೋರ್ಟ್ ಮೆಟ್ಟಿಲೇರಿದ ಗ್ರಾಹಕನಿಗೆ ಬಂಪರ್

ಕೊಪ್ಪಳ: ಆನ್​​ಲೈನ್​​ನಲ್ಲಿ ಆ್ಯಪಲ್ ಐಫೋನ್​ ಬುಕ್​​ ಮಾಡಿದ ವ್ಯಕ್ತಿಗೆ ಬಟ್ಟೆ ತೊಳೆಯುವ ನಿರ್ಮಾ ಸೋಪು ಸಿಕ್ಕಿರುವ ಘಟನೆ ಗದಗ ಜಿಲ್ಲೆಯಲ್ಲಿ ನಡೆದಿದೆ. (ಸಾಂದರ್ಭಿಕ ಚಿತ್ರ)

ಘಟನೆ ಕುರಿತಂತೆ ವ್ಯಕ್ತಿ ಗ್ರಾಹಕರ ನ್ಯಾಯಾಲಯದ ಮೆಟ್ಟಿಲೇರಿದ್ದು, ಪ್ರಕರಣದ ವಿಚಾರಣೆ ನಡೆಸಿದ ನ್ಯಾಯಾಲಯ ವ್ಯಕ್ತಿಗೆ ಪರಿಹಾರವಾಗಿ 25 ಸಾವಿರ ರೂಪಾಯಿ ಪಾವತಿ ಮಾಡಲು ಆದೇಶ ನೀಡಿದೆ. (ಸಾಂದರ್ಭಿಕ ಚಿತ್ರ)

ಮೋಸದ ವ್ಯಾಪಾರ ಹಾಗೂ ಗ್ರಾಹಕನಿಗೆ ಉಂಟಾದ ಮಾನಸಿಕ ಹಾಗೂ ದೈಹಿಕ ಕಿರುಕುಳ ಹಿನ್ನೆಲೆಯಲ್ಲಿ ಕಂಪನಿಗೆ ದಂಡ ವಿಧಿಸಿ ಗ್ರಾಹಕನಿಗೆ ಪಾವತಿ ಮಾಡಲು ಸೂಚಿಸಿದೆ. (ಸಾಂದರ್ಭಿಕ ಚಿತ್ರ)

ಏನಿದು ಪ್ರಕರಣ? ಕೊಪ್ಪಳ ಜಿಲ್ಲೆಯ ವಿದ್ಯಾರ್ಥಿಯಾಗಿರುವ ಹರ್ಷ ಎಸ್​​ 2021ರಲ್ಲಿ ಫ್ಲಿಪ್​​ ಕಾರ್ಟ್​​​​ನಲ್ಲಿ ಐಫೋನ್​​ ಆರ್ಡರ್ ಮಾಡಿದ್ದರು. ಆದರೆ ಪಾರ್ಸೆಲ್​ ತೆರೆದು ನೋಡಿದ ಸಂದರ್ಭದಲ್ಲಿ ಬಾಕ್ಸ್​ನಲ್ಲಿ ಚಿಕ್ಕ ಕೀಪ್ಯಾಡ್​​ ಫೋನ್​ ಹಾಗೂ ನಿರ್ಮಾ ಕಂಪನಿಯ ಸೋಪು ಲಭ್ಯವಾಗಿತ್ತು. ಆದರೆ ಪಾರ್ಸೆಲ್​​ಗಾಗಿ ವಿದ್ಯಾರ್ಥಿ 48,999 ರೂಪಾಯಿ ಪಾವತಿ ಮಾಡಿದ್ದ. (ಸಾಂದರ್ಭಿಕ ಚಿತ್ರ)

ಪ್ರಕರಣದ ವಿಚಾರಣೆ ನಡೆಸಿದ ಗ್ರಾಹಕರ ನ್ಯಾಯಾಲಯ, ಯಾವುದೇ ವಸ್ತುವನ್ನು ಮಾರಾಟ ಮಾಡಿದ ಬಳಿಕ ಸಂಸ್ಥೆಯೇ ಜವಾಬ್ದಾರಿಯನ್ನು ತೆಗೆದುಕೊಳ್ಳಬೇಕು ಎಂದು ಆದೇಶ ನೀಡಿದೆ. ಅಲ್ಲದೇ ವ್ಯಾಪಾರದಲ್ಲಿ ಉಂಟಾದ ಲೋಪಕ್ಕೆ ದಂಡವನ್ನು ವಿಧಿಸಿದೆ. (ಸಾಂದರ್ಭಿಕ ಚಿತ್ರ)

ಇಂದಿನ ದಿನಗಳಲ್ಲಿ ಆನ್‌ಲೈನ್ ಶಾಪಿಂಗ್ ಎಲ್ಲೆಡೆ ಹೆಚ್ಚಾಗಿದೆ. ಇದು ಉತ್ತಮವೂ ಆಗಿದೆ ಏಕೆಂದರೆ ಇದರಿಂದ ಸಮಯ ಮತ್ತು ಹಣದ ಉಳಿತಾಯವಾಗುತ್ತದೆ. ಆದರೆ ಉತ್ಪನ್ನವನ್ನು ಮಾರಾಟ ಮಾಡಿದ ನಂತರ ಕಂಪನಿಗಳ ಜವಾಬ್ದಾರಿಗಳು ಮುಗಿಯುವುದಿಲ್ಲ ಎಂದು ನ್ಯಾಯಾಲಯ ತನ್ನ ಆದೇಶದಲ್ಲಿ ಹೇಳಿದೆ. (ಸಾಂದರ್ಭಿಕ ಚಿತ್ರ)

ಈ ಹಿನ್ನೆಲೆಯಲ್ಲಿ ಸೇವೆ ನೀಡಿದ್ದ ಫ್ಲಿಪ್​ಕಾರ್ಟ್​ ಹಾಗೂ ಸಂಸ್ಥೆಯೊಂದಿಗೆ ಮಾರಾಟ ಒಪ್ಪಂದ ಮಾಡಿಕೊಂಡು ಮೊಬೈಲ್​ ನೀಡಿದ್ದ ಚಿಲ್ಲರೆ ವ್ಯಾಪಾರಿಯ ಕೆಲಸದಲ್ಲಿ ಲೋಪ ಉಂಟಾಗಿದೆ. ಇದರಿಂದ ಮೋಸದ ವ್ಯಾಪಾರಕ್ಕಾಗಿ 10,000 ರೂಪಾಯಿ ಹಾಗೂ ಗ್ರಾಹಕನಿಗೆ ಉಂಟಾಗಿದ ಮಾನಸಿಕ ಹಾಗೂ ದೈಹಿಕ ಕಿರುಕುಳಕ್ಕೆ 15,000 ಸಾವಿರ ರೂಪಾಯಿ ನೀಡುವಂತೆ ಸೂಚನೆ ನೀಡಿದೆ. ಅಲ್ಲದೆ ಎಂಟು ವಾರಗಳಲ್ಲಿ ಫೋನ್​​ ಬೆಲೆ 48,999 ರೂಪಾಯಿಗಳನ್ನು ಮರುಪಾವತಿ ಮಾಡುವಂತೆ ನ್ಯಾಯಾಲಯ ಆದೇಶ ನೀಡಿದೆ. (ಸಾಂದರ್ಭಿಕ ಚಿತ್ರ)