Electricity Bill: ನಿಮ್ಮ ಮೊಬೈಲ್​ಗೆ ವಿದ್ಯುತ್ ಬಿಲ್ ಪಾವತಿಸಿಲ್ಲ ಎಂಬ ಸಂದೇಶ ಬರುತ್ತಿದಿಯೇ? ಹಾಗಾದ್ರೆ ಈ ಮುನ್ನೆಚ್ಚರಿಕೆ ಕ್ರಮ ತೆಗೆದುಕೊಳ್ಳಿ

ಇತ್ತೀಚಿನ ದಿನಗಳಲ್ಲಿ ಹಲವು ರೀತಿಯ ಹಣಕಾಸಿನ ವಹಿವಾಟುಗಳು ಆನ್‌ಲೈನ್‌ನಲ್ಲಿ ನಡೆಯುತ್ತಿವೆ. ಡಿಜಿಟಲ್ ವಹಿವಾಟು ವೇಗವಾಗಿ ಬೆಳೆಯುತ್ತಿದೆ. ಹಾಗೆಯೇ ಸೈಬರ್ ಕ್ರೈಂಗಳು ಕೂಡ ಹೆಚ್ಚಾಗುತ್ತಿದ್ದು, ಜನರು ಮೈಮರೆತು ಮಾಡಿದ ತಪ್ಪಿಗೆ ಬ್ಯಾಂಕ್ ಖಾತೆಗಳು ಖಾಲಿಯಾದ ಹಲವು ನಿದರ್ಶನಗಳು ಬೆಳಕಿಗೆ ಬರುತ್ತಿವೆ.

ಸೈಬರ್ ವಂಚಕರು ದೇಶಾದ್ಯಂತ ಜನರ ಕಷ್ಟಪಟ್ಟು ದುಡಿದ ಹಣವನ್ನು ಕ್ಷಣಾರ್ಧದಲ್ಲಿ ಎಗರಿಸುತ್ತಿದ್ದಾರೆ. ದೆಹಲಿ, ಕರ್ನಾಟಕ, ರಾಜಸ್ಥಾನ ಹಾಗೂ ಮಧ್ಯಪ್ರದೇಶ ಸೇರಿದಂತೆ ದೇಶದಾದ್ಯಂತ ಸೈಬರ್ ಫೋರ್ಜರಿ ಪ್ರಕರಣಗಳು ಹೆಚ್ಚುತ್ತಿವೆ.

ಅದರಲ್ಲೂ ಆನ್‌ಲೈನ್‌ನಲ್ಲಿ ವಿದ್ಯುತ್ ಪಾವತಿ ಮಾಡುವಾಗ ನೀವು ಕೆಲವು ಕ್ರಮಗಳನ್ನು ಅನುಸರಿಸದಿದ್ದರೆ, ನಿಮ್ಮ ಬ್ಯಾಂಕ್ ಖಾತೆಯೂ ಸಹ ಖಾಲಿಯಾಗುವುದರಲ್ಲಿ ಡೌಟೇ ಇಲ್ಲ.

ಆನ್‌ಲೈನ್ ವಿದ್ಯುತ್ ಬಿಲ್‌ಗಳಿಗೆ ಸಂಬಂಧಿಸಿದಂತೆ ಸಾಮಾನ್ಯ ಜನರನ್ನು ವಂಚಿಸಲು ಸೈಬರ್ ಅಪರಾಧಿಗಳು ಹೊಸ ಮಾರ್ಗಗಳನ್ನು ಕಂಡುಕೊಂಡಿದ್ದಾರೆ. (ಸಾಂಕೇತಿಕ ಚಿತ್ರ)

ಅನೇಕ ವಿದ್ಯುತ್ ಕಂಪನಿಗಳು ಮತ್ತು ಪೂರೈಕೆದಾರರು ಬಿಲ್ ನೀಡಿದಾಗ ಗ್ರಾಹಕರಿಗೆ ಮೊತ್ತ ಮತ್ತು ಪಾವತಿ ದಿನಾಂಕವನ್ನು SMS ಅಥವಾ WhatsApp ಸಂದೇಶದ ಮೂಲಕ ತಿಳಿಸುತ್ತಾರೆ. (ಸಾಂಕೇತಿಕ ಚಿತ್ರ)

ವಿದ್ಯುತ್ ಬಿಲ್ ಹೆಸರಿನಲ್ಲಿ ಜನರನ್ನು ವಂಚಿಸಲು ಸೈಬರ್ ಅಪರಾಧಿಗಳು ಇಂತಹ ನಕಲಿ  ಸಂದೇಶಗಳನ್ನು ಕಳುಹಿಸುತ್ತಿದ್ದಾರೆ. ನೀವು ಅಂತಹ ಸಂದೇಶವನ್ನು ಸ್ವೀಕರಿಸಿದರೆ, ಮೊದಲೇ ಪರಿಶೀಲಿಸಿದ ಐಡಿ ಅಥವಾ ಸಂದೇಶವನ್ನು ಕಳುಹಿಸಲಾದ ಮೊಬೈಲ್ ಸಂಖ್ಯೆಯನ್ನು ಪರಿಶೀಲಿಸಿ. (ಸಾಂಕೇತಿಕ ಚಿತ್ರ)

ಬೇರೆ ಸಂಖ್ಯೆಯಿಂದ ಸಂದೇಶವನ್ನು ಕಳುಹಿಸಿದರೆ, ಅದು ನಕಲಿ ಎಂಬುದು ನಿಮ್ಮ ಗಮನಕ್ಕಿರಲಿ. ಇಂತಹ ವಿಷಯಗಳ ಬಗ್ಗೆ ಎಚ್ಚರಿಕೆ ವಹಿಸುವಂತೆ ವಿದ್ಯುತ್​ ನಿಗಮ, ಪೊಲೀಸರು ಜನರಿಗೆ ಎಚ್ಚರಿಕೆ ನೀಡಿದ್ದಾರೆ.

ವಿದ್ಯುತ್​ ನಿಗಮಗಳು ಯಾವುದೇ ಮೊಬೈಲ್ ಸಂಖ್ಯೆಯಿಂದ ಗ್ರಾಹಕರಿಗೆ ಯಾವುದೇ ಮೆಸೆಜ್​ಗಳನ್ನು ಕಳಿಸುವುದಿಲ್ಲ. ಅಲ್ಲದೇ ಒಟಿಪಿ, ಪಾಸ್​ವರ್ಡ್​ ತಿಳಿಸುವಂತೆ ಹೇಳುವುದಿಲ್ಲ. ನಿಗಮಗಳ ಹೆಸರಲ್ಲಿ ಒಟಿಪಿ, ಪಾಸ್​ವರ್ಡ್​ ಕೇಳಿದರೆ ಅದು ಖಂಡಿತವಾಗಿಯೂ ಮೋಸದ ಜಾಲವೇ ಆಗಿರುತ್ತದೆ ಎಂದು ಎಲ್ಲಾ ವಿದ್ಯುತ್ ನಿಗಮಗಳು ಜಾಗೃತಿ ಮೂಡಿಸುತ್ತಿವೆ.