IPL Betting: ಕ್ರಿಕೆಟ್​​ ಗ್ರೌಂಡ್​ನಲ್ಲೇ ಬೆಟ್ಟಿಂಗ್​; 10 ಸೆಕೆಂಡ್​ನಲ್ಲಿ ಕೋಟಿ ಕೋಟಿ ಜೇಬಿಗಿಳಿಸುತ್ತಿದ್ದ ಗ್ಯಾಂಗ್​​!

ಬೆಂಗಳೂರು: ಐಪಿಎಲ್​​ ಶುರುವಾಗುತ್ತಿದ್ದಂತೆ ಬೆಟ್ಟಿಂಗ್ ದಂಧೆಯೂ ಶುರುವಾಗುತ್ತೆ. ಇದೀಗ ಬೆಂಗಳೂರು ಪೊಲೀಸರು 10 ಸೆಕೆಂಡ್ ಅಂತರದಲ್ಲಿ ಪೈಸೆ ಜೇಬಿಗೆ ಇಳಿಸುತ್ತಿದ್ದ ಗ್ಯಾಂಗ್ ಈಗ ಲಾಕ್‌ ಆಗಿದೆ. (ಸಾಂದರ್ಭಿಕ ಚಿತ್ರ)

ಹೌದು, ಐಪಿಎಲ್ ಶುರುವಾಯ್ತು ಅಂದರೆ ಸಾಕು ಬೆಟ್ಟಿಂಗ್‌ ದಂಧೆಗಳ ಸದ್ದು ಜೋರಾಗಿ ಇರುತ್ತೆ. ಈ ಬೆಟ್ಟಿಂಗ್ ನಲ್ಲಿ ಕೋಟಿ ಗಟ್ಟಲೆ ದುಡ್ಡು ಮಾಡಿದವರೂ ಇದ್ದಾರೆ. ಎಲ್ಲಾ ಕಳೆದುಕೊಂಡು ಬೀದಿಗೆ ಬಂದವರೂ ಇದ್ದಾರೆ. (ಸಾಂದರ್ಭಿಕ ಚಿತ್ರ)

ಆದರೆ ಇದೀಗ ಮೈದಾನದಲ್ಲೇ ಕೂತು ಸೆಕೆಂಡ್ ಲೆಕ್ಕದಲ್ಲಿ ಬೆಟ್ಟಿಂಗ್ ಮಾಡುತ್ತಿದ್ದ ಗ್ಯಾಂಗ್‌ ಒಂದನ್ನು ಬೆಂಗಳೂರು ಪೊಲೀಸರು ಬಂಧಿಸಿದ್ದು, ಪ್ರಕರಣದಲ್ಲಿ ನಾಲ್ವರು ಆರೋಪಿಗಳನ್ನು ಜೈಲಿಗೆ ಕಳುಹಿಸಿದ್ದಾರೆ. ವಿಕ್ರಾಂತ್, ಅಮರ್ ಜೋತ್ ಸಿಂಗ್, ಮನೋಜ್ ಭಾತ್ರಾ, ದುಶ್ಯಂತ್ ಕುಮಾರ್ ಬಂಧಿತ ಆರೋಪಿಗಳಾಗಿದ್ದಾರೆ.

ದೇಶದಲ್ಲಿ ಎಲ್ಲೇ ಮ್ಯಾಚ್ ನಡೆಯುತ್ತಿದ್ದರು ಈ ಗ್ಯಾಂಗ್​​ ಕ್ರೀಡಾಂಗಣಕ್ಕೆ ಎಂಟ್ರಿ ಕೊಡುತ್ತಿತ್ತು. ಕೇವಲ 10 ಸೆಕೆಂಡ್ ಅಂತರದಲ್ಲಿ ಸಾವಿರ ಸಾವಿರ ಎಣಿಸಿದರೆ ಒಂದು ಮ್ಯಾಚ್ ಮುಗಿಯುವ ವೇಳೆಗೆ ಕೋಟಿ ಕೋಟಿ ಸಂಪಾದನೆ ಮಾಡುತ್ತಿತ್ತು ಈ ಗ್ಯಾಂಗ್. (ಸಾಂದರ್ಭಿಕ ಚಿತ್ರ)

ಇವರು ಮೈದಾನದಲ್ಲೇ ಕೂತು ಎಲ್ಲಾ ದಂಧೆ ನಡೆಸುತ್ತಿದ್ದರು. ಪೊಲೀಸರ ವಿಚಾರಣೆಯಲ್ಲಿ ಆರೋಪಿಗಳು ತಮ್ಮ ದಂಧೆಯ ಕುರಿತು ಮಾಹಿತಿ ಬಿಚ್ಚಿಟ್ಟಿದ್ದು, ಇವರ ಖತರ್ನಾಕ್ ಐಡಿಯಾ ನೋಡಿ ಪೊಲೀಸರೇ ದಂಗಾಗಿದ್ದಾರೆ. (ಸಾಂದರ್ಭಿಕ ಚಿತ್ರ)

ಈ ಗ್ಯಾಂಗ್ ದೇಶದ ವಿವಿಧೆಡೆ ತಮ್ಮ ಸದಸ್ಯರನ್ನು ಹೊಂದಿದ್ದಾರೆ. ಐಪಿಎಲ್ ವೇಳೆ ಈ ಗ್ಯಾಂಗ್ ನ ಒಂದು ಬ್ಯಾಚ್ ಮೈದಾನ ಪ್ರವೇಶ ಮಾಡುತ್ತೆ. ಇನ್ನೊಂದು ಬ್ಯಾಚ್ ಪ್ರತಿ ಬಾಲ್​​ಗೂ ಹೊರಗಡೆ ಬೆಟ್ಟಿಂಗ್ ನಡೆಸುತ್ತೆ. ಮೆಸೇಜ್ ಮೂಲಕವೇ ಎಲ್ಲಾ ಖತರ್ನಾಕ್‌ ಕೆಲಸ ಮುಗಿಸುತ್ತಾರೆ. (ಸಾಂದರ್ಭಿಕ ಚಿತ್ರ)

ಕ್ರೀಡಾಂಗಣದಲ್ಲಿ ಕುಳಿತಿದ್ದ ಗ್ಯಾಂಗ್​ನ ಸದಸ್ಯರು ಕಳುಹಿಸುವ ಮಾಹಿತಿ ಆಧರಿಸಿ ಟಿವಿ ನೋಡಿಕೊಂಡು ಈ ಗ್ಯಾಂಗ್ ಇತರೆ ಸದಸ್ಯರು ಬೆಟ್ಟಿಂಗ್ ಹಾಕುತ್ತಿದ್ದರು. ಇನ್ನು ಗ್ರೌಂಡ್ ಲೆವೆಲ್ ಮ್ಯಾಚ್ ಗೂ ಟಿವಿಯ ಲೈವ್ ಮ್ಯಾಚ್ ಗೂ 10 ಸೆಕೆಂಡಿನ ಅಂತರವಿದೆ. ಈ ಅಂತರವನ್ನೇ ತಮ್ಮ ಅನುಕೂಲಕ್ಕೆ ಮಾಡಿಕೊಂಡು ಹಲವೆಡೆ ಆರೋಪಿಗಳು ವಂಚನೆ ಮಾಡಿದ್ದಾರೆ. (ಸಾಂದರ್ಭಿಕ ಚಿತ್ರ)

ಬೆಟ್ಟಿಂಗ್ ಕಳ್ಳಾಟ ತಿಳಿಯದ ಜನರು ಹಣ ಹೂಡಿ ಕಳೆದುಕೊಳ್ಳುತ್ತಿದ್ದರು. ಸದ್ಯ ಈ ಗ್ಯಾಂಗ್ ನಾಲ್ವರು ಆರೋಪಿಗಳನ್ನು ಕಬ್ಬನ್ ಪಾರ್ಕ್ ಪೊಲೀಸರು ಬಂಧಿಸಿದ್ದಾರೆ. ಈ ಕಳ್ಳಾಟಕ್ಕೆ ದೆಹಲಿ ಲಿಂಕ್ ಕೂಡಾ ಇದ್ದು ಪ್ರಕರಣದ ಮತ್ತಷ್ಟು ಆರೋಪಿಗಳಿಗೆ ಹುಡುಕಾಡ್ತಿದ್ದಾರೆ. (ವರದಿ: ಮಂಜುನಾಥ್ ಚಂದ್ರ, ಕ್ರೈಂ ಬ್ಯೂರೋ, ನ್ಯೂಸ್ 18, ಬೆಂಗಳೂರು)